Atyraýda qusbegiler bas qosady

Aqpannyń 18-19 kúnderi Atyraý qalasynda qusbegiler arasynda respýblıkalyq týrnır uıymdastyrylady, dep habarlaıdy abctv.kz. Ulttyq sport túrlerinen ótetin «Qansonar-2017» qusbegiler týrnırine Qazaqstannyń ár óńirinen 30 búrkit, jeti qarshyǵa keledi dep kútilýde. Tórt kezeńnen turatyn saıysta búrkitter qoıan, qarsaq jáne qasqyr aýlaý boıynsha synǵa túsedi. Qazirgi kezde ańdar denesine zaqym keltirilmeı jalań qolmen aýlanyp, torda kútip ustalynýda. Atyraý oblystyq ulttyq sport klýbynyń basshysy О́nerbek Janbalanyń aıtýynsha, buǵan deıin mundaı týrnır Atyraýda osydan toǵyz jyl buryn ótken. Búrkittiń baby men baǵyn kelistirgen qusbegilerge birinshi oryn úshin 300 myń teńge, ekinshi orynǵa 200 myń jáne úshinshi oryn úshin 100 myń teńge syıaqy tigilmek. «Týrnırde Atyraý oblysynyń namysyn úsh qusbegi qorǵaıtyn bolady. Olardyń ishinde Arman Qoshqarovtyń «Naryn» degen búrkiti 2014 jyly ótken halyqaralyq týrnırde Vengrııa, Qytaı, Qyrǵyzstan, Reseı, Chehoslovakııa elderinen kelgen 64 búrkittiń arasynan bas báıgeni jeńip alǵan. Qazaqstannyń eki dúrkin chempıony ataǵyna ıe», – deıdi ulttyq sport klýbynyń basshysy О́nerbek Janbala. Týrnırdiń ashylýy 18 aqpan kúni saǵat 10.00 de Atyraý dene shynyqtyrý-saýyqtyrý kesheninde bastalady dep josparlanǵan. Al, qusbegiler saıysy saǵat 11.00-de Jańatalap aýylyndaǵy «Qulager» ıppodromynyń mańynda, «Jaıyq» jaǵasynda ótedi.