Búgin Almaty qalasyna jumys sapary sheńberinde Bas Prokýror Jaqyp Asanov aımaq kásipkerlerimen kezdesti, dep jazady Bas prokýratýranyń baspasóz qyzmeti.
Kezdesýge sondaı-aq Almaty q. ákimi Baýyrjan Baıbek, Almaty q. prokýrory Ǵabıt Mırazov, ulttyq kompanııalardyń, damý ınstıtýttarynyń, ekinshi deńgeıli bankterdiń, Almaty kásipkerler palatasynyń ókilderi men aımaqtyq keńes músheleri, Indýstrıalızasııalaý kartasy, ındýstrıaldyq aımaq qatysýshylary qatysty.
Bıznes-jurtyshylyq aldynda sóz sóılegen Bas Prokýror Almatynyń el ekonomıkasynyń besten bir bóligin jáne respýblıkalyq bıýdjet túsiminiń úshten birin quraıtyndyǵyn erekshe atap ótti. Qazaqstannyń qarjylyq naryǵynyń 90%-y osy jerge shoǵyrlanǵan.
El ekonomıkasynyń bazalyq quramdastarynyń biri retinde, kásipkerlikti damytýdyń erekshe rólin atap ótken Bas Prokýror bıznesti qorǵaý maqsatynda prokýratýra qabyldap jatqan sharalar týraly aıtty. Bas prokýratýranyń, «Atameken» UKP-nyń jáne «Nur Otan» partııasy janyndaǵy RQSJQIK-niń birlesken jobasy – «Bıznesti prokýrorlyq qorǵaýdyń» negizgi baǵyttaryna toqtaldy. Elimizde jaıly bıznes-klımat qurý boıynsha júrigizilip jatqan jumystyń nátıjelerimen bólisti.
Bas Prokýrordyń sózinshe, SES pen TJ jelisi boıynsha tekserister boıynsha 11 myń talap joıylmaq. Adamdardyń qaýipsizdigi men densaýlyǵy úshin mańyzdy 3 myń talap qana qalady. Memleket basshysynyń tapsyrmasyn oryndaý sheńberinde ákimshprosesti izgilendirý boıynsha máseleler pysyqtalýda. Atap aıtqanda, jeńildetetin mán-jaılar kezinde bıznes úshin ákimshaıyppuldardy 30%-ǵatómendetý jónindegi usynystar qazirgi ýaqytta Májiliste tur. Ekonomıkalyq qylmystar qozǵaýdaǵy tásilderdi ózgerttik. Qylmysty tek tekserister men zııan aktileri bar bolsa ǵana tirkeımiz. Nátıjesinde qylmystyq ister 10 esege aazaıdy (Forýmǵa deıin – 6 myń, keıin- 560).
2017 jyldyń 1 shildesinen bastap kásipkerlerdiń uzaqqa sozylatyn sot talqylaýlary men orasan zor shyǵyndarsyz fıskaldarmen bolatyn daýlardy sheshe alatyndyǵyna nazar aýdaryldy. Ol úshin salyq jáne keden daýlary boıynsha sotqa deıingi apellıasııa ınstıtýty quryldy.
О́z sózinde Jaqyp Asanov ýákiletti organdardyń jumysyndaǵy jekelegen júıeli kemshilikterdi, sondaı-aq problemaly máselelerdi atady. Qaraǵandy qalasyndaǵy tekserister boıynsha jumystynń nátıjeleri týraly aıtty, onda Bas prokýratýra brıgadasy bıznes ókilderin qylmystyq proseske zańsyz tartý, zańsyz tekseristerdiń ýaqytyly jolyn kesý boıynsha sharalar qabyldamaý, kásipkerlerdiń ótinishterin sapasyz qaraý faktilerin anyqtady.
Bas prokýratýra elektrondyq formatqa, qylmystyq prosesti jeńildetýge jáne jedeldetýge kóshýdi usynady.
«Jedel qyzmetkerler, tergeýshiler nemese prokýrorlar qylmystyq proseste ózderin qojaıyn sezinbeýleri úshin, elektrondyq qylmystyq isti engizetin bolamyz. Bul barlyǵy ashyq bolý úshin qajet. Kez kelgen ýaqytta ne bolyp jatqanyn baqylaý jáne buzylǵan quqyqtyń suraýyn talap etý úshin kerek. Tergep-tekserý merzimderin qysqartamyz, ásirese aıqyn qylmystar boıynsha. Álemniń ózge elderinen kórip otyrǵanyzdaı, isterdi bizdegideı 3-5 aıda emes 1-2 kúnde aıaqtaıdy», – dedi Bas Prokýror aımaq kásipkerlerimen kezdesýde.
Qadaǵalaý vedomstvosynyń basshysy bıznesti qorǵaý máseleleri boıynsha elektrondyq servısterdi damytýdy usyndy. Jaqyn ýaqytta «Bıznes-tiregi» portalynyń mobıldi qosymshasy iske qosylatyn bolady. Bas prokýratýranyń saıtynda «Zańdy birge jaqsartaıyq» atty arnaıy formýlıar bar, onda kásipkerler bıznestiń damýyna kedergi keltiretin normalardy kórsete alady. Onyń pikirinshe, bıznes-qoǵamdastyqtar quqyqtyq bazany jaqsartýǵa belsendirek qosylýy tıis. «Bıznestiń problemalaryn bıznesmenderdiń ózderinen artyq biletin eshkim joq», dep atap ótti J.Asanov.
Jaqyp Asanov Memleket Basshysynyń Joldaýyndaǵy negizgi baǵyttar men baǵdarlar týraly aıtty. Bul – bıznesti damytý, salyq zańnamasyn jeńildetý, baqylaý-qadaǵalaý fýnksııalaryna aýqymdy tekserister júrgizý.
Konstıtýsııalyq reformaǵa jeke toqtalyp ótti. Atap aıtqanda, usynylyp otyrǵan Konstıtýsııanyń 26-babyna túzetýlerge toqtaldy. Ol túzetýlerdiń sheteldikterge jer berý máselelerin kózdemeıtindigin atap ótti. Jer máseleleri Negizgi zańnyń 6-babynda bekitilgen, jáne ol ózgertilmeıdi.
Kezdesýde sondaı-aq Almaty q. ákiminiń orynbasary Erlan Aýkenov pen Almaty q. Kásipkerler palatasynyń dırektory Iýrıı Tileýmuratov sóz sóıledi.
Kezdesý barysynda bıznesti júıeli jetildirý boıynsha aımaq kásipkerlerimen qyzý pikir almasý ótti.
