Pavlodarlyq polıseıler balalar otyrǵan avtobýsty jol apatynan aman alyp qaldy, dep habarlaıdy tengrinews.kz
«Baıanaýyl aýdandyq ishki ister bólimi polısııasynyń qyzmetkerleri qyzmettik Lada Granta kóligimen balalar otyrǵan avtobýsty shyǵaryp salyp bara jatqan. Balalar Pavlodardaǵy shańǵy jarysyna baǵyt alǵan. Pavlodar-Astana avtojolynda Qalqaman aýylynyń mańynda 50 jastaǵy KamAZ júrgizýshisi qarsy baǵyttaǵy jolǵa shyǵyp ketken. Júk kóligi men balalar otyrǵan avtobýs soǵyspaýy úshin polısııa starshınasy Murat Nurseıitov oılanbastan qyzmettik kólikti jolǵa kóldeneń buryp úlgergen. Nátıjesinde KamAZ polısııanyń qyzmettik kóligin soqqan», – delingen óńirlik polısııa departamenti baspasóz qyzmetiniń habarlamasynda.
Qyzmettik kólikte otyrǵan polıseılerdiń biri túrli jaraqattarmen Pavlodardaǵy aýrýhanaǵa jetkizilgen.
Qazirgi ýaqytta balalardy qutqarý úshin bastaryn qaterge tikken polıseılerdiń aty-jónderi anyqtaldy.
Pavlodar oblysy IID polısııa aǵa serjanty Baıanbek Júnisov dene jaraqattaryn alǵanyn rastady. Ol aýrýhanaǵa barýdan bas tartqan. Al úsh balanyń ákesi – polısııa aǵa serjanty Murat Nurseıitov qazirgi ýaqytta jansaqtaý bóliminde jatyr. Onyń jaǵdaıyn dárigerler asa aýyr dep baǵalap otyr.
Aıta keteıik, erjúrek polıseılerdiń arqasynda jol apatynan aman qalǵan avtobýs ishinde 18 bala jáne olardy alyp kele jatqan tórt tárbıeshi bolǵan.
«Polıseıler densaýlyǵy durystalǵannan keıin nagradaǵa usynylady», – dedi Pavlodar oblysynyń IID ókili.
