Aqparat berý maqsatyndaǵy kezdesý

Ystambulda Qazaqstannyń Túr­kııadaǵy elshisi J.Túı­me­baev­tyń Qazaqstanda 3 sáýirde ótken kezekten tys prezıdenttik saılaý týraly túrik jurtshylyǵyna aq­parat berý maqsatyndaǵy jumys kezdesýi boldy. Oǵan Túrik Res­pýblıkasynan táýelsiz baıqaý­shy­lar retinde Qazaqstandaǵy kezekten tys saılaýdyń barysyn ba­qylaǵan «Gedız» ýnıversıteti qam­qorshylyq keńesiniń tór­aǵa­sy, Túrkııa Egeı aımaǵynyń beldi kásipkeri Abdýlla Kavýk pen Túr­kııanyń «EkoEýrazııa» ekonomı­ka­lyq zertteýler qaýymdastyǵynyń ókili, «Ienı chag» gazetiniń sholý­shysy Kúrshat Zorlý qatysty. Elshiniń aqparatynan keıin sóılegen K.Zorlý Qazaqstannyń Or­talyq Azııadaǵy eń turaqty memleket bolyp tabylatyndyǵyn atap ótip, eki el arasyndaǵy saıası, ekonomıkalyq, mádenı ynty­maq­tastyqtyń joǵary deńgeıin jáne Túrkııanyń ózara qatynas­tardy odan ári belsendi damytýǵa jár­demdesý nıetin atap ótti. Ol QR Prezıdenti N.Nazarbaevtyń túrki­tildes memleketter ynty­maq­tas­tyǵyn tereńdetýge qosqan úlesin joǵary baǵalady. K.Zorlý 3 sáýir­de Almatyda qalanyń ár túrli aýdandaryndaǵy 10-nan astam saılaý ýchaskelerinde bol­ǵa­nyn jáne qandaı da bir zań buzýshylyq­tardyń baıqal­maǵa­nyn aıtty. Kezdesý barysynda sóz sóı­legen jáne Astanadaǵy saılaý barysyn baqylaǵan Abdýlla Kavýk saılaý kúni Qazaqstandaǵy aýa raıynyń qolaısyzdyǵyna qa­ramastan, saılaýshylardyń qa­tysý deńgeıiniń joǵary bolǵanyn atap ótti. «3 sáýirde Qazaqstanda ótken kezekten tys saılaý ashyq, demokratııalyq turǵyda ótti jáne barlyq halyqaralyq standart­tarǵa sáıkes boldy», dep qory­tyn­dy jasady túrik baıqaýshysy.