Kóltabanǵa sý keledi

Batys Qazaqstan oblysynda sýarmaly jerlerdi kóbeıtý maqsatynda 5 jyldyq jospar jasaldy. Osy merzim aralyǵynda 145 myń gektar shabyndyq alqaby men kóltabandardy sýlandyrý júıesi jańǵyrtylmaq. Kúni búgin oblysta sý saqtaǵysh 38 qoıma 91 iri gıdrotehnıkalyq qondyrǵy jáne uzyndyǵy 1700 km bolatyn sý arnasy bar. Kóp jyldan kútimsiz qalǵandyqtan, olardyń kóbi jóndeýdi qajet etedi. Sýlandyrý júıesin jańǵyrtý 2016 jyly bastalǵan. Syrym aýdanynda О́leńti sýarmaly kóltabandar júıesin jańǵyrtýǵa 108,7 mln teńge jumsaldy. Bıyl iske qosylatyn joba 2 myń ga alqapty qamtıdy. Toǵanas aýylynda Sholaq Ańqaty sý qoımasyn kúrdeli jóndeýge 103,4 mln teńge bólingen. Terekti aýdanynda da 42 shaqyrymdyq Jaıyq-Shalqar sý arnasy jóndeledi. Jánibek aýdanyndaǵy Ábdilman jáne Sorkól kóltabandaryn qalpyna keltirýdiń jobalyq qujattary (1,8 myń ga alqap, 409,1 mln teńge) daıyn. Uzyndyǵy 180 shaqyrymǵa sozylatyn Kırov-Shejin arnasyn jańǵyrtý jumysy qorytyndy, úshinshi kezeńge keldi. Tórt aýdannyń 90 myń ga shabyndyq jáne jaıylymdyq jerlerin sýaratyn bul arna qaıta iske qosylsa, oblysta mal azyǵyn mol daıyndaýǵa, nátıjesinde mal basyn kóbeıtýge úlken qoldaý bolmaq. Qazbek QUTTYMURATULY, «Egemen Qazaqstan» ORAL