Áýlıeatanyń áleýeti joǵary

Jambyl oblysynyń ákimi Kárim Kókirekbaevtyń halyq al­dyn­daǵy esep berý kezdesýi bolyp ótti. Selektorlyq rejimde ob­lystyń barlyq aýdandary da oblys basshysynyń esebin tyńdaýǵa jáne aýdandarda jınalǵan úsh myń adam tikeleı suraq qoıýǵa múmkindik aldy. Búgingi tańda Jambyl oblysy bar­lyq sala boıynsha mol ta­bys­qa jetip otyr. Sonyń ishinde aýyl sha­rýashylyǵy salasyndaǵy jal­­py ónim­niń kólemi 227 mıllıard teńgeni qu­rap, 8 paıyzǵa ós­ken. Al ósimdik sha­rýa­shylyǵy 112,1 paıyz­dy qurasa, mal sha­­rýa­shylyǵy 103,6 paıyzdy qurap otyr. О́tken jy­ly oblystyń agro­óner­­kásip ke­sheni salasynda 24 mıllı­ard teń­­geni quraıtyn 1507, onyń ishin­de 160 iri ınvestısııalyq jo­ba jú­ze­­ge asy­rylǵan. Sońǵy jyl­dary mal ónim­de­riniń kólemi de artyp ke­­ledi. Sondaı-aq, Kárim Násbekuly óńir­­de «Sybaǵa», «Altyn asyq», «Qul­an», «Jaıylymdardy sýlandyrý» baǵ­dar­la­­malarynyń da júz paıyzdan asa ory­n- ­da­lǵanyn aıtyp ótti. Taǵy bir aıta keterligi, ob­lys­ta sońǵy jyldary qant qy­zyl­­shasyn óndirý qolǵa alynyp ke­ledi. О́tken jyly 5,6 myń gektar­­dan 124 myń tonna ónim jınalyp, qant zaýyttaryna 102 myń tonna ót­kizilgen. Nátıjesinde ortasha ónim­dilik 232 sentnerdi quraǵan. So­ny­men qatar, oblys basshysy El­basynyń tapsyrmasyna sáı­kes, Shý aýdanynda kókónis klas­te­rin qurýǵa 2,3 myń gektar jer te­limi sýlandyrylǵanyn já­ne oǵan qajetti ınfraqurylym tar­ty­l­ǵanyn da atap ótti. Syıym­dy­l­y­ǵy 30 myń tonnany quraıtyn qoı­malar iske qosylǵan bolsa, qo­symsha 10 myń tonnalyq qoıma aıaq­talý ústinde. Elbasy Nursultan Nazarbaev bıyl­ǵy Joldaýynda adamı kapı­taldy jaq­sa­r­týdyń basty kór­set­kishi – bilim be­rýdi jetildirý eke­nin atap kórsetken bo­latyn. Búgingi tańda oblysta bilim be­rý kór­setkishi oń nátıjege ıe bolyp otyr. О́tken jyly oblystyń bi­lim sa­­lasyn qarjylandyrý 22 paıyzǵa ar­­typ, 92 mıllıard­ teńgeni qura­ǵan. Balalardy balabaqshamen qam­tý jumystary da óz deńgeıinde at­qa­ry­lýda. О́tken jyly 19 bilim ny­sa­ny­nyń qurylysy júrgizilse, onyń 14-i paıdalanýǵa berilgen. Son­daı-aq, 160 bilim nysany kúr­deli jáne aǵymdy jóndeýden ótken. Bilim berý salasynda aıta ke­terlik taǵy bir jetistik – oblys­ta 2017 jyldyń qyrkúıeginen bas­tap tegin kásibı bilim berý jobasy is­ke qosylady. Oblystyń densaýlyq saqtaý sa­la­­syna ótken jyly 41 mıllıard teń­ge bólingen bolsa, bıyl ob­l­ys­tyq bıýd­­jet esebinen taǵy 12 ny­san­nyń qury­ly­syna 855 mıllıon teńge qaras­ty­­rylyp otyr­ǵany aı­tyldy. Sondaı-aq, jyl ishinde 6 densaýlyq saqtaý ny­­­­sany iske qosylyp, turǵyndar ıgi­­­­ligine berilgen. Al mádenıet sa­la­­­syn damytýǵa jergilikti bıýdjet­ten 4,7 mıllıard teńge bólinip, 29 má­de­nıet nysany kúrdeli jáne aǵym­da­ǵy jónd­eýden ótken. Jyr alyby Jam­byldyń 170 jyldyǵyna oraı, ót­ken jyly Taraz qalasynan aqyn atyn­daǵy «Rýhanııat» ortalyǵynyń ashyl­ǵa­ny da óńirdiń rýhanı ómirine sony serpin ber­gen oqıǵa boldy. О́z sózinde oblys ákimi bıyl ótetin EKSPO-2017 ulttyq kór­me­sine kóne Tarazdyń atynan kerýen ji­be­riletinin de aıtty. Ákim turǵyndardy jumyspen qam­týdyń keshendi jospary iske asy­rylǵanyn aıtyp, ótken jyly 30 myń­nan astam adam jumyspen qam­tylǵanyn jetkizdi. Onyń ishinde 17,4 myń adam turaqty jumysqa ornalasqan. Taraz qalasy 2000 jyldan astam ta­rıhy bar aımaq. Aqyrtas, О́rnek, Qulan, Qostóbe jáne Balasaǵun sekildi ataqty bes qalashyqtyń IýNESKO-nyń dúnıejúzilik muralar tizimine engeni belgili. О́z esebinde oblysta týrızmdi da­mytý ózekti másele ekenin aıtqan óńir basshysy «Oblysqa 1 týrıst kelse, 11 adamǵa jumys tabylady, al jal­py munda 1,5 myń adam jumyspen qam­­­tylady. Nege osynyń mańaıynda ju­­mys istemeımiz?» deı kele, «Aqyr­tas» kesheni jolynyń jóndelip jat­qa­nyn, sondaı-aq, týrıstik ortalyq ashy­l­ǵanyn da atap ótti. Jańatas jáne Qarataý qalalarynyń kele­shek kelbeti de kópshilikti oı­lan­t­paı qoımaıdy. Bul turǵyda obl­ys­y­myz­dyń shaǵyn qalalary da nazardan tys qalmaý kerektigin aıtqan ákim atal­ǵan baǵytta reseılik «Evrohım» kom­panııa­sy iri jobany iske asyrý­men qa­tar, eki shaǵyn qalanyń áleýmettik sala­syna qomaqty qarjy bólip otyr­ǵa­nyn jetkizdi. Tek búginge kompanııa tara­pynan 20 mıllıon AQSh dollaryn qu­raıtyn qarjy jumsalǵan. Oblys ákiminiń esepti baıandamasy tyńdalǵan soń, óńir basshysyna jınalǵan kópshilik kókeıdegi saýaldaryn joldady. Baızaq aýdany, Myrzataı aýylynyń turǵyny Baný Jarasqyzy aýyldaǵy aýyz sý máselesin jetkizdi. Aýyl turǵynynyń saýalyna oblys ákimi bul maqsatqa 350 mıllıon teńge bólingenin, jumystyń bıyl bastalatynyn aıtty. Sondaı-aq, Shý aýdanynyń turǵyny Qýanyshbek Qarǵabaev ta aýdandaǵy ortalyq qazandyqtyń áli kún­ge kómirmen jaǵylyp kele jat­qa­nyn aıtyp, oblys basshysynan endi sol qazandyqty tabıǵı gazǵa qosý úshin kómek berýin surady. Bul saýalǵa da Kárim Násbekuly qazandyqty ta­bı­ǵı gazǵa qosý úshin búginde 280 mıllıon teńge qaralyp otyrǵanyn aı­typ, turǵyndardyń suranysyn qana­ǵat­t­andyrýǵa ýáde berdi. Al Taraz qalasyndaǵy «Báıterek» shaǵyn aýda­ny­­nyń turǵyny Aıgúl Erǵalıqyzy atal­ǵan aýdanda balalarǵa arnalǵan oıyn alańshalarynyń jetispeıtinin, ish­ki joldardyń joqtyǵyn áńgimeledi. Atalǵan saýalǵa oraı, oblys ákimi bul maqsatqa da qarajat qarastyrylyp otyr­ǵanyn aıtyp, turǵyndar saýaly­nyń oryndy ekenine toqtaldy. Sondaı-aq, taǵy da birqatar azamattar oblys bas­shysyna túrli máseleler boıynsha saýal­daryn qoıyp, naqty jaýaptar ald­y. Eńbek ardagerleri ákimniń ótken jylǵy jumysyna oń baǵasyn berdi. Hamıt ESAMAN, «Egemen Qazaqstan» Jambyl oblysy