2017 jyldyń sáýir aıynda Apple kompanııasynyń qyzmetkerlerine arnalǵan 70 gektar jerdi alyp jatqan jańa kampýs ashylady. Bul týraly kompanııa óziniń resmı saıtynda habarlady. "12 myń qyzmetkerdi jańa jerge kóshirý úshin 1,5 jyl ýaqyt kerek. Al ǵımarattar qurylysy jazdyń sońyna deıin jalǵasa bermek", delingen habarlamada.
Apple Park dep atalatyn kampýs Santa-Klarada ornalasqan. Jańa shtab-páterdiń bas ǵımaraty 26 gektar jerdi alyp jatyr. Sonymen qatar kampýsta myń oryndyq Stıv Djobs atyndaǵy teatr ashylady.
- Stıv Apple Park bolashaq urpaq úshin ınnovasııa ortalyǵyna aınalǵanyn qalady. Qyzmet keńistigi men kólik qoıatyn oryn, barlyǵy da qorshaǵan ortaǵa zııan keltirmeıtindeı etip jasalǵan. Ol bizdiń komandany jigerlendiredi dep oılaımyn. Biz álemdegi eń tıimdiligi joǵary ǵımarttardyń birin saldyq: kampýs tek qaıta jańartylatyn energııa kózderi arqyly jumys isteıtin bolady, dedi Apple kompanııasynyń basshysy Tım Kýk.
Shtab-páter men teatrdan basqa kampýsta Apple Store dúkeni, dámhana, úlken fıtnes-ortalyq, zertteý jasaýǵa arnalǵan jabyq ǵımarattar bolady. Sonymen qatar kólik turaqtarynyń mańynda jemis-jıdekter otyrǵyzylyp, qyzmetkerler úshin 3 km-ge sozylǵan júgirý joldary salynady.
