Qostanaı óńirinde aqpandatqan boran aýyq-aýyq soǵyp, maldyń da, jannyń da berekesin alyp tur. Respýblıkalyq mańyzy bar «Áýlıekól-Oktıabr» baǵytyndaǵy jolda kóligimen qarǵa keptelip turyp qalǵan 34 adam qutqaryldy. Qardan 22 tehnıka súırep shyǵaryldy. Olardyń barlyǵy jolǵa jaqyn Qoıbaǵar poselkesine jetkizildi.
«Sarykól-Qarasý» baǵytyndaǵy jolda astyq tıelgen KamAZ mashınalary qarǵa kómilip turyp qalǵan eken. Olardyń júrgizýshilerine ystyq tamaq jetkizildi. Boran úrip tastaǵan qarǵa «Angar – Arkalyk» joly boıynda eki jeńil mashına keptelip qalyp, on adam sýyqta qalyp qoıǵan. Olardy Soltústik óńirlik aeromobıldi jedel-qutqarý otrıady bólimshesiniń qutqarýshylary Arqalyqqa jetkizdi. Sonymen eki kún boıy qar qursaýynan barlyǵy 47 adam, 24 tehnıka shyǵaryldy. Qazir qutqarýshylar men tótenshe jaǵdaıqyzmetkerleri baryq joldarda kezekshilik ótkizip, adamdardyń úsip qalmaýyn qamtamasyz etýde.
Názıra Járimbetova, «Egemen Qazaqstan»
