Qazaqstanda bólshektik naryqtaǵy dári-dármek baǵasy retteletin bolady

Búgingi tańda halyqaralyq tájirıbe zerttelýde jáne «Halyqtyń densaýlyǵy jáne densaýlyq saqtaý júıesi týraly» QR Kodeksine túzetýler pysyqtalýda. Bul týraly QR Úkimetindegi baspasóz konferensııasynda QR densaýlyq saqtaý mınıstri Eljan Birtanov málimdedi. Mınıstr eger dári-dármekti satyp alý salasynda 2015 jyldan bastap baǵa belgileý júıesi tabysty jumys jasap kele jatsa, Densaýlyq saqtaý mınıstrliginiń bólshektik naryqtyń baǵasyna áser etýge eshqandaı ókilettigi joq ekenin atap ótti. Osyǵan baılanysty bólshek saýdada, ıaǵnı dárihanalarda satylatyn dári-dármek baǵasy KTMKK qajettilikterine bıýdjet qarajatynan satyp alynatyn dári-dármek baǵasymen salystyrǵanda 3-4 esege kóterip jibergen jaǵdaılar oryn alyp jatady. «Halyqtyń densaýlyǵy jáne densaýlyq saqtaý júıesi týraly» QR Kodeksine ózgerister engizgen soń ǵana memleket bólshektik segmentti retteýge quqyly bolady. "Bizge tez arada is-qımyl josparyn ázirlep, kásipkerlermen birge barlyq nıýanstardy talqylaý qajet. 2017 jyldyń tamyzyna qaraı sáıkes zań jobasyn ázirlep, Úkimetke engizýdi josparlap otyrmyz», – dep basa aıtty E. Birtanov. Birer kún buryn Densaýlyq saqtaý mınıstrligi osy úlgi tabysty engizilgen elderdiń halyqaralyq sarapshylary engen jumys tobymen kezdesý ótkizdi. E. Birtanov atalǵan qajetti shara taıaý arada Qazaqstanda da engiziletinin aıtty.