2016 jyly SQO-ǵa 165,7 mlrd teńge ınvestısııa tartyldy

2016 jyly Soltústik Qazaqstan oblysynyń ekonomıkasyna 165,7 mlrd teńge ınvestısııa tartyldy. Bul týraly óńir turǵyndaryna esep bergen Soltústik Qazaqstan oblysynyń əkimi Erik Sultanov málim etti, dep jazady QazAqparat. «Byltyr Astana qalasynda 33 dıplomatııalyq mıssııanyń jetekshilerimen bızneslanch ótkizdik. Osy kezdesýdiń nátıjesinde Estonııanyń, Germanııanyń, Malaızııanyń, Shvesııanyń, Qytaıdyń, Reseıdiń jáne basqa da elderdiń isker toptarynyń ókilderi oblysymyzǵa issaparmen kelip, yntymaqtastyqtyń múmkin baǵyttaryn talqylady. Jekelegen baǵyttar boıynsha qazirdiń ózinde birlesken jobalar júzege asyrylýda. Investorlar úshin negizgi qyzyǵýshylyq agroónerkásiptik keshen men aýyl sharýashylyǵy mashınalaryn jasaý salalary bolyp tabylady», - dedi ol esep berý kezdesýi barysynda. Ákimniń aıtýyna qaraǵanda, oblys demeýqarjy berý boıynsha qol qoıylǵan kelisimder sany jaǵynan respýblıka óńirleri arasynda 1-orynda tur. «Kásipkerler bıznesterin damytý úshin memlekettik qoldaý tetikterin belsendi paıdalanýda. «Bıznestiń jol kartasy - 2020», «Jumyspen qamtýdyń jol kartasy - 2020», «Agrobıznes - 2020», «О́nimdilik - 2020», «Eksporter - 2020», taǵy basqa salalyq jáne úkimettik baǵdarlamalar júzege asyrylýda», - dep atap ótti E.Sultanov.