Qazaqstan Respýblıkasy Úkimetiniń qaýlysy № 122

2011 jylǵy 10 aqpan, Astana, Úkimet Úıi Ulttyq kompanııanyń úlestik qatysýy kózdeletin kelisimsharttarda ulttyq kompanııanyń memlekettik múddelerdi bildirý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 32) tarmaqshasyna sáıkes Qazaqstan Respýblıkasynyń Úkimeti qaýly etedi: 1.Qosa berilip otyrǵan Ulttyq kompanııanyń úlestik qatysýy kózdeletin kelisimsharttarda ulttyq kompanııanyń memlekettik múddelerdi bildirý qaǵıdasy bekitilsin. 2. Mynalardyń kúshi joıyldy dep tanylsyn: 1) «Munaı operasııalaryn júzege asyratyn merdigerlermen kelisimsharttarda Ulttyq kompanııanyń kelisim-sharttary mindetti úlestik qatysýy arqyly memlekettik múddelerdi bildirý erejesin bekitý týraly» Qazaqstan Respýblıkasy Úkimetiniń 2002 jylǵy 29 maýsymdaǵy № 708 qaýlysy; 2) «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2003 jylǵy 26 qarashadaǵy № 1184 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 8-tarmaǵy (Qazaqstan Respýblıkasynyń PÚAJ-y, 2003 j., № 44, 484-qujat); 3) «Qazaqstan Respýblıkasy Munaı jáne gaz mınıstrliginiń máseleleri» týraly Qazaqstan Respýblıkasy Úkimetiniń 2010 jylǵy 20 mamyrdaǵy № 454 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgeristerdiń 4-tarmaǵy (Qazaqstan Respýblıkasynyń PÚAJ-y, 2010 j., № 34, 273-qujat). 3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri     K.MÁSIMOV. Qazaqstan Respýblıkasy Úkimetiniń 2011 jylǵy 10 aqpandaǵy № 122 qaýlysymen bekitilgen Ulttyq kompanııanyń úlestik qatysýy kózdeletin kelisimsharttarda ulttyq kompanııanyń memlekettik múddelerdi bildirý qaǵıdasy 1. Jalpy erejeler 1. Osy Qaǵıda «Jer qoınaýy jáne jer qoı­na­ýyn paıdalaný týraly» Qazaqstan Respýblı­kasynyń 2010 jylǵy 24 maýsymdaǵy Zańyna (budan ári - Zań) sáıkes ázirlengen jáne ulttyq kompanııanyń úlestik qatysýy kózdeletin kelisimsharttarda ulttyq kompanııanyń memlekettik múddelerdi bildirý tártibin belgileıdi. Jer qoınaýyn paıdalanýǵa arnalǵan kelisimsharttarda ulttyq kompanııanyń memlekettik múddelerdi bildirýi jer qoınaýyn paıdalaný salasyndaǵy biryńǵaı memlekettik saıasatty úlestik qatysý arqyly iske asyrý tártibimen júzege asyrylady. 2. Osy Qaǵıdada Zańda belgilengen uǵymdar, sondaı-aq mynadaı uǵymdar paıdalanylady: 1) affılıırlengen tulǵa – ulttyq kompanııa tikeleı jáne (nemese) janama túrde sheshimderdi anyqtaýǵa jáne (nemese) eger osy zańdy tul­ǵanyń negizgi qyzmeti jer qoınaýyn paıdalanýmen baılanysty bolsa, mundaı tulǵa qabyl­daı­tyn sheshimderge yqpal etý múmkindigi bar zańdy tulǵa; 2) kelisimshartta mindetti qatysý úlesi – kelisimshartqa ulttyq kompanııanyń qatysýynyń konkýrs ótkizý nátıjeleri boıynsha Qazaqstan Respýblıkasynyń Úkimeti belgileıtin paıyzben kórsetilgen úlesi; 3) operator – kelisimshartty oryndaýǵa baı­lanysty qyzmetti jedel basqarýdy jáne esepke alý-esep berý operasııalaryn júzege asyratyn (ýákiletti ókil), onyń is-áreketi úshin jer qoına­ýyn paıdalanýshylar múliktik jaýapkershilikte bolatyn, quzyretti organnyń jazbasha habarla­masy boıynsha Qazaqstan Respýblı­kasy­nyń zańna­masyna sáıkes jer qoınaýyn paıdalaný­shylar quratyn nemese belgileıtin zańdy tulǵa. 2. Konkýrs nátıjeleri boıynsha jasalǵan kelisimsharttarda ulttyq kompanııanyń mindetti qatysý úlesin anyqtaý 3. Qazaqstan Respýblıkasynyń Úkimeti ult­tyq kompanııanyń mindetti qatysý úlesiniń shamasy boıynsha Qazaqstan Respýblıkasynyń aýmaǵynda jáne teńizde jer qoınaýy ýchaskeleri bóliginde jer qoınaýyn zertteý jáne paıdalaný jónindegi ýákiletti organnyń usynystary negizinde quzyretti organ qalyptastyrǵan, konkýrs­qa shyǵarylatyn jer qoınaýy ýchaskeleriniń tizbesin bekitedi. 4.Osy Qaǵıdanyń 3-tarmaǵynda kórsetilgen Jer qoınaýy ýchaskeleriniń tizbesi tikeleı kelissózder negizinde ulttyq kompanııa usynatyn jer qoınaýy ýchaskeleri boıynsha ulttyq kompanııanyń usynystary eskerile otyryp qalyptastyrylady. 5. Quzyretti organ konkýrs jarııalaý kezinde onyń sharttarynda Qazaqstan Respýblıkasy Úkime­tiniń sheshimine sáıkes konkýrsqa shyǵary­latyn jer qoınaýy ýchaskesindegi ulttyq kompa­nııanyń mindetti qatysý úlesin jáne kommer­sııalyq tabylymǵa deıin ulttyq kompanııadan basqa, ózge jer qoınaýyn paıdalaný quqyǵyn ıelenýshige ulttyq kompanııanyń mindetti qaty­sý úlesine baılanysty shyǵystardy qarjy­lan­dyrý qajettigin kórsetedi. 3. Kelisimsharttarda memlekettik múddelerdi bildirý 6. Memlekettik múddelerdi bildirý olarǵa bekitilgen ókilettikter sheginde, kelisimsharttarda úlestik qatysý quqyǵyn júzege asyrý arqyly iske asyrylady. 7. Ulttyq kompanııa nemese onyń affılıırlengen tulǵasy kelisimsharttardaǵy qatysý úlesterin basqarýdy kelisimsharttarda kózdelgen organdar, birlesken qyzmet týraly sharttar jáne operatorlardyń quryltaı qujattary (konsorsıýmdar qurylǵan jaǵdaıda) jáne (nemese) jarǵylyq kapıtalyna birlesken qatysýmen uıymdardyń quryltaı qujattary arqyly júzege asyrady. 8. Kelisimshartty oryndaý kezinde ulttyq kompanııa ózge jer qoınaýyn paıdalaný quqyǵyn ıelenýshilermen kelisimshartta kózdelgen munaı operasııalaryn iske asyrý úshin talap etilýi múmkin kelisimderdiń kez kelgen túrlerin jasaı alady jáne mundaı kelisimderdiń erejeleri Kelisimsharttyń erejelerine kaıshy bolmaýǵa tıis. 9. Kelisimsharttarda memlekettik múddelerdi bildirý zańdarǵa, Qazaqstan Respýblıkasy Prezıdentiniń jarlyqtaryna jáne/nemese tap­syr­malaryna, Qazaqstan Respýblıkasy Úkimeti­niń, quzyretti organnyń jáne olardyń quzyreti sheginde ózge de memlekettik organdardyń sheshimderine jáne/nemese tapsyrmalaryna, son­daı-aq múnaı-gaz jáne energetıka salasyn da­mytý boıynsha Qazaqstan Respýblıkasynyń Úki­meti janyndaǵy konsýltatıvtik-keńesshi organ­dardyń sheshimderine sáıkes júzege asyrylady. Quzyretti organ ulttyq kompanııamen múnaı-gaz sektoryndaǵy memlekettik saıasattyń Qazaq­stan Respýblıkasynyń zańnamasynda aıqyn­dalatyn negizgi baǵyttaryn ózgertý múmkin­digin eskere otyryp, mindetti úlestik qatysýmen kelisimsharttarda biryńǵaı memlekettik saıasatty iske asyrýdyń negizgi qaǵıdattary týraly memorandým jasasady. 10. Ulttyq kompanııa kelisimsharttarda Qa­zaqstan Respýblıkasynyń zańnamasynda jáne kelisimshartta belgilengen tártippen munaı operasııalaryn júrgizý kezinde memlekettik múd­delerdi saqtaýǵa, onyń ishinde: 1) taýarlarda, júmystar men qyzmetterde qazaqstandyq qamtý boıynsha kelisimsharttyq mindettemelerdi oryndaýǵa; 2) kadrlarda qazaqstandyq qamtý boıynsha, sondaı-aq kemsitpeýshilik negizde qazaqstandyq kadrlardyń jaǵdaılaryn qamtamasyz etý jáne eńbekaqy tóleý boıynsha kelisimsharttyq mindettemelerdi oryndaýǵa; 3) О́ndirýshi salalar qyzmetiniń ashyqtyǵy bastamasynyń talaptaryn saqtaý boıynsha; 4) joǵary tehnologııalardy jáne ken oryn­daryn barlaý men paıdalanýdyń oń praktıkasy negizinde jer qoınaýy resýrstaryn ekonomı­kalyq tıimdi ıgerýge, sondaı-aq adamdardyń ómiri men densaýlyǵynyń qaýipsizdigin qamta­masyz etýge; 5) joǵary tehnologııalardy, jańa jáne óńdeýshi óndiristerdi damytý men paıdalanýǵa, ınfraqurylymdyq jáne ózge de obektilerdi qurýǵa jáne birlesip paıdalanýǵa; 6) memleket pen jer qoınaýyn paıdalaný­shylardyń ekonomıkalyq múddeleriniń balansy­na qol jetkizýge yqpal etedi. 11.Ulttyq kompanııanyń nemese onyń affılıırlengen tulǵasynyń úlesin tómendetý nátı­jesinde úlestik qatysý mólsheri osy Qaǵıdanyń 7-tarmaǵynda kórsetilgen organdar qabyl­daıtyn sheshimderge yqpal etý múmkindigin qamtamasyz etýi tıis. 12. Ulttyq kompanııanyń bastamasy boıyn­sha jer qoınaýyn paıdalaný quqyǵyn toqtatý týraly sheshim ulttyq kompanııa usynǵan negizdemelerdi, ınvestısııalyq táýekelderdi keshendi taldaýdy jáne memlekettik organdardyń áleý­met­tik sala úshin saldardy eskere otyryp, jer qoınaýyn paıdalý salasynda biryńǵaı memlekettik saıasatty iske asyrý sheńberindegi bar tapsyrmalary eskerile otyryp qabyldanady. 13. Ulttyq kompanııa nemese onyń affılıırlengen tulǵasy ózge jer qoınaýyn paıda­lanýshylar jer qoınaýyn paıdalanýǵa buryn jasaǵan kelisimsharttarda satyp alynǵan qatysý úlesin basqarýdy osy kelisimsharttardyń erejelerin eskere otyryp júzege asyrady. 14. Eger jer qoınaýyn paıdalanýǵa arnalǵan kelisimshart iske asyrylatyn aýmaqtaǵy eldiń zańnamasynda, halyqaralyq shartta jáne ony oryndaý úshin jasalǵan kelisimderde ózgeshe kózdelmese, ulttyq kompanııanyń ózge memle­ket­terdiń aýmaǵynda halyqaralyq sharttar negizinde iske asyrylatyn kelisimsharttarda memlekettik múddelerdi bildirýi osy Qaǵıdada kózdelgen tártippen júzege asyrylady.