«Báıterek» – Kerekýde qonaqta

El Táýelsizdiginiń 20 jyldyǵyna oraı Astanadaǵy Prezıdenttik máde­nıet ortalyǵynyń ujymy Kerekýge kelip qaıtty. Áýeli G.Potanın atyndaǵy oblystyq tarıhı-ólketaný mýzeıinde  «Elbasy jáne táý­elsiz Qazaqstan» atty kórme  ashyldy. Kórmeniń  ashylý saltanatyna oblys ákimi Ba­qytjan Saǵyntaev, Prezıdenttik máde­nıet ortalyǵynyń dırektory Myrzataı Joldasbekov qatysyp, sóz sóıledi. Kór­meni  «Nur Otan»  partııasy músheleri, zııa­ly qaý­ym ókilderi, stýdent jastar, qa­la jurt­shy­lyǵy aralap kórdi. Kórmeniń mán-maqsaty – elimizdiń táýelsizdik jo­lyndaǵy tarıhyn, 20  jyl ýaqytta jetken jetistikterdi kór­setýge arnalǵanyn da aıta ketken jón. Ortalyqtyń jurtshylyqpen ótken  kez­desýinde Myr­zataı Joldasbekov  sóz sóılep, kórmege Aby­laı han men Qazybek bı shapandary, «Altyn adam» sondaı-aq kóshpendiler dáýiriniń biregeı zergerlik buıymdary qoıylǵanyn aıtty. Arýaqty Abylaı han men Qazybek bı­diń shapandaryn kórý, árıne, kerekýlikterge erekshe áser qaldyrǵany sózsiz. Budan keıin Estaı  aqyn atyndaǵy qalalyq má­de­nıet saraıynda  Prezıdenttik mádenıet ortalyǵynyń ulttyq dástúrler teatry Elbasynyń  sahnalyq beınesin somdaı­tyn «Báıterek» poetıkalyq-mýzykalyq spektaklin kórsetti. Aqyn Nesipbek Aıt­uly­nyń «Báıterek» poemasy negizinde daı­yn­dalǵan osynaý mýzykalyq-poetı­ka­lyq qo­ıy­lym jurtshylyqqa  ábden unady desek, kelesi kúni memleket jáne qoǵam qaı­rat­keri, Prezıdenttik mádenıet orta­lyǵynyń dırektory Myrzataı Joldas­bekovtiń «Táý­elsizdik taǵylymy» atty shyǵarma­shy­lyq keshi ótti. Ánshiler Meırambek Bes­paev, Aıgúl Elshibaeva, Gúl­ja­zıra Bó­keı­han­qyzy, Gúlmıra Sarına sekildi óner jul­dyz­dary shyǵarmashylyq keshtiń sánin keltirdi. Farıda BYQAI. Pavlodar.