О́ńirge jańa ákim taǵaıyndaldy

Keshe Premer-Mınıstr Ká­rim Másimov Taldyqorǵan qal­a­sy­na keldi. Ol oblystyq máslı­hattyń keńeıtilgen sessııasyna qatysqandardy osyǵan deıin ob­lys ákimi qyzmetin atqarǵan Serik Úmbetovtiń Memleket bas­shy­sy­nyń Jarlyǵymen basqa ju­mysqa aýysqanynan habardar etti. Serik Ábikenuly oblysty bas­qarǵan jyl­dary óńir ekono­mı­kasy ór­ken­dep, halyqtyń áleýmet­tik-tur­mystyq jaǵdaıy jaqsar­ǵanyn, El­basy Joldaýynda atap kórsetilgen údemeli ınnovasııalyq ındýstrııa­landyrý baǵdarla­masy­nyń, shaǵyn jáne orta kásip­ker­likti qoldaý men basqa salalarda josparly ju­mys­tar jalǵasqanyn atap aıtty. Sessııanyń kún tártibinde ob­lys ákimi qyzmetine usynylǵan Anzar Tursynhanuly Musaha­nov­tyń kandıdatýrasyn depýtattar biraýyzdan qoldasa, Premer-Mınıstr Qazaqstan Respýblıkasy Pre­zıdentiniń jańa ákimdi taǵaı­yndaý týraly Jarlyǵyn oqydy. Ol buǵan deıin oblys ákiminiń orynbasary qyzmetin atqarǵan. Úkimet basshysy jańa bas­shy­ǵa ekonomıkany ártaraptandyrý, qundy jobalardy júzege asyrý, agroónerkásip keshenin damytý jáne bilim berý, densaýlyq saq­taý, halyqtyń jaǵdaıyn kóterý, taǵy basqa da mindetterdi nazarda ustaýdy tapsyrdy. Kúmisjan BAIJAN. Almaty oblysy.