Ońalý

Qysta qysylshań shaqty bastan keshken  Prıozerdiń ekinshi tynysy ashylmaq «О́tkenge ókinbe» degen emes pe. Qaqaǵan qys ortasynda  bútin bir qalanyń qapylysta jylýsyz qalǵan kúnderdegi qıyndyq qazir birte-birte umytylyp barady. Bu­dan bylaı qaraı mundaı jaǵ­daı­dyń oryn almaýyna arnalǵan is-sharalar shıratylyp, aýqymy ke­ńeıe túsken saıyn turǵyndardyń oǵan degen úmiti de úlkeıip otyr. Elbasynyń tikeleı qoldaýymen  qabyldanyp, Úkimet qaýlysymen be­kitilgen Prıozer qalasynyń 2011-2013 jyldarda áleýmettik-ekonomıkalyq damýynyń keshendi jospary tynysyna tyń serpin bere bastaýda. Alǵa qoıylǵan mindetter múltiksiz oryndalýy barysyn jaqynda taǵy bir ret kózben kórýge kelgen oblys ákimi Serik Ahmetov kezekti saparynda prıozerlikterdi osy qujatpen qýantty. Bir aıtarlyǵy, ol birneshe bó­limnen turady. Sonyń ishinde negizgisi jylý jáne sýmen qam­ta­masyz etýdi qosqanda  turǵyn úı-kom­mý­nal­dyq sharýashylyqty jetildirý  baǵyty bolyp tabylady. Jylý máselesi boıynsha  jańa qalalyq qazandyq iske qosylǵansha qolda­nys­taǵy  №1 qazandyq jumysyn qalypta ustaý úshin tehnıkalyq sharalar júrgiziledi. Sonymen birge jylýdy jetkilikti taratyp, bólýge qolaıly ınfraqurylym qalyptastyrylady. Al sýdyń turaqty jetkizilýin jaqsartý  da qosa atqarylatyn ister. Osyǵan baılanysty baǵ­dar­la­ma­ǵa sáıkes basty kósheler boı­yn­daǵy sý qubyrlaryn tazar­typ, jańartý búginde qyzý basta­lyp ta ketti. Kúzge deıin kóp qa­batty 19 úıdi ortalyqtandyryl­ǵan jylý júıesine qosý kózdelse, sondaı-aq ony kúrdeli jóndeýden ótkizý, turǵyndaryna barlyq tur­mystyq jaǵdaılar jasaý belgilengen. Basqa shaǵyn shaharlardaǵy­daı munda da kezinde bosap qalǵan úıler az kezdespeıdi. Bul kúnde qalaǵa qaıta qonystanýshylar az  emes. Endi olarǵa  qalpyna keltiriletin 6 úı esik ashpaqtaǵy qýanysh­ty habar bolyp jatyr. Abaı, Aǵy­baı batyr, Baýyrjan Momyshuly attaryndaǵy kóshelerdegi apatty kúıdegi eski qonystar da kórikti keıipke enedi. Jalpy alǵanda, osy jazda Prıozerdiń keskin-kelbeti tanyǵy­syz ózgeredi. Kósheler keshkisin nur sáýlege malynyp, aýlalar ajar­lanyp, jasyl jelekter kó­beıip, kól jaǵasyndaǵy qala kóz tartýǵa aınalǵaly tur. Joǵaryda atalǵan sharalardy iske asyrýǵa respýblıkalyq jáne oblystyq bıýdjetten bólingen 12,6   mıllıard teńgeni  uqsatyp paıda­lanýǵa talap kúshtiligi de táýir-aq. О́tken qystaǵy qysyltaıań shaq­ta qala turǵyndary kemistik tolar, kóńil ornyna keler, jaǵdaı ońalar dep sengen edi. Sol kún kóp kúttirmeı týyp ta otyr. Aıqyn NESIPBAI. Qaraǵandy oblysy.