Býkmekerlik keńseler Golovkınniń aıqasyna erekshe bás qabyldaı bastady

Býkmekerlik keńseler Gennadıı Golovkın men Denıel Djeıkobs arasyndaǵy kezdesýge erekshe bás qabyldaı bastady. Qazaqstandyq boksshy rıngke qazaqtyń ulttyq shapanymen shyǵatyny belgili. Golovkın shapansyz shyǵady degen varıanttyń koeffısıenti 33-ke teń bolmaq. Al jattyqtyrýshylardyń biri sharshy alańǵa oramal tastaý múmkindigine 11 koeffısıent berip otyr. Kell Brýk pen Golovkın arasyndaǵy jekpe-jek kezinde brıtan boksshysynyń bapkeri osyndaı qadamǵa barǵan-dy. Jaqynda Kertıs Stıvens-Devıd Leme arasyndaǵy aıqasta Stıvens aýyr nokaýtqa ushyrady. Shamamen on sekýndtaı kózin asha almady. Osyndaı jaǵdaı Golovkın men Djeıkobs arasynda bolý múmkindigi 33 koeffısıentke baǵalanǵan. Sol sııaqty raýnd arasyndaǵy úziliste qos boksshynyń biri jekpe-jekti jalǵastyrýdan bas tartady degen joramaldyń koeffısıenti 7,80-ge teń bolmaq. Al kádimgi bás tigýde Golovkın favorıt retinde eseptelip tur. Onyń jeńisine 1,15 koeffısıenti berildi. Merziminen buryn jeńiske – 1,27, tóreshilerdiń sheshimimen jeńiske – 7 koeffısıent. Djeıkobsqa keler bolsaq, onyń jeńý múmkindigi 6 koeffısıentke, merziminen buryn nemese tóreshilerdiń sheshimimen jeńý múmkindigi 12 koeffısıentke baǵalanyp otyr. Aıta keteıik, Golovkın men Djeıkobs arasyndaǵy aıqas 18 naýryzda Nıý-Iorktegi Madison Square Garden arenasynda ótedi.