Aqtóbelikterdiń alǵashqy kómek kerýeni

Batysqazaqstandyqtardyń sý tasqynynan zardap shegýi kórshiles Aqtóbe óńiriniń halqyn da alańdatýda. Sý tasqyny saldarynan 58 eldi mekendegi 3,1 myńnan as­­tam úıdiń, 2,1 myń saıajaı ýchas­keleriniń zardap shekkenin, 8 myńǵa jýyq adamnyń qaýipti aımaqtardan kó­shi­ril­genin estigen aqtó­be­likter kórshilerge kómek qo­lyn so­zýdy uıǵaryp, bul iske shuǵyl kirisip ketti. «Nur Otan» HDP Aqtóbe oblystyq fılıa­ly bir kúndik eń­bek­­aqy­la­ryn alǵashqylardyń biri bolyp, sý tas­qy­ny­nan zardap shekken batysqazaq­stan­dyqtarǵa qaıy­rym­­­dy­­lyq kó­mek kórsetý esep-shotyna aýdaryp qana qoı­maı, óńir hal­qyn osy izgilikti sharaǵa jumyl­dyrýǵa uıtqy boldy. Aksııany qysqasha sóz sóılep ashqan «Nur Otan» HDP oblystyq fılıaly tóraǵasynyń birinshi oryn­basary Erkesh Qalıev kórshi ob­lysta bolyp jatqan sý tasqynynyń saldary­nan habardar ete kelip, osynd­aı qysylshań shaq­tyń aýyrt­pa­lyǵyn birlik pen yntymaq qana jeńildetetinin, «jumyla kótergen júk jeńil» ekenin jetkizdi. Beıbitshilik jáne kelisim keńesi ob­lys­t­yq fı­lıa­lynyń tóraǵasy Keldibaı Espaǵam­betov, «Jas­ Otan» jastar qana­tynyń belsendi múshesi, Aq­tóbe memlekettik pedago­gıkalyq ınstıtýtynyń 4-shi kýrs stýdenti Mánshúk Moldajanova apatty jaǵ­daı­da­ǵy aǵa­ıyn­darǵa qol ushyn berý azamattyq paryz ekenine toq­taldy. Sol jer­de qala mekemeleri men uıym­da­ry­nan, ká­sip­oryn­­darynan jáne jekelegen azamattardan jı­nal­­ǵan kıim-keshekter men azyq-túlik mashınaǵa tıelip, Batys Qazaq­stan oblysyna attandyryldy. «Kásip­ker­lerdiń quqyn qorǵaý assosıasııasy» zańdy tulǵa­lar birlestigi men «Shyǵys Treıd Aqtóbe» JShS bir­lesip, 550 myń teńgeniń kıim-keshegin jı­naýǵa jáne 250 myń teńge aý­darýǵa muryndyq boldy. Tap sol kúni sý tas­qy­nynan zar­dap shekkenderge qaıyrym­dylyq kómek esep sho­ty­na «Qazaqstan temir joly» AQ oblystyq bólim­shesi 15 mln. teńge, al oblystyq má­denıet, qar­jy, tabıǵı qor­lar jáne tabıǵat paıda­lanýdy retteý basqarmalary, «Aq­bulaq» AQ, Aqtóbe memlekettik pe­dagogıkalyq ıns­tı­týty, 2 qalalyq emhana ujym­dary jáne basqalary bir kún­dik eńbek­aqylaryn aýdardy. Batysqazaqstan­dyqtarǵa mate­rıal­dyq jáne qarjylaı qoldaý-kómek kórsetý jalǵasýda. Satybaldy SÁÝIRBAI. Aqtóbe oblysy.