Qarııasyn syılaǵan eldiń keleshegi jarqyn

Ardagerler ár kez Memleket basshysy Nur­sultan Nazarbaevtyń el basqarýdaǵy saıasa­tyn qoldap, eldi birlikke, tatýlyqqa úndeıdi. Jaq­sy­lyqqa uıytqy bolyp keledi. Qazirgi tańda bizdiń aýdanda 2846 zeınetker esepte tursa, olardyń arasynda 23 Uly Otan soǵysynyń ardageri bar. О́zgeleri de ár salada tynymsyz eńbek etip, óńirdiń, eldiń órkendeýine eleýli úle­sin qosqandar. Degenmen, ardagerler uıymy qoǵamdyq negizdegi uıymnyń biri bolǵan­dyq­tan, is basyndaǵy basshylardyń adamgershiligi men qamqorlyǵyna arqa súıeıdi. Osy turǵydan aıtqanda, elimizdegi qaı qo­ǵam­­dyq uıym bolsa da memlekettiń jan­ashyr­ly­­ǵyn aıqyn sezinip keledi. Máselen, Inder aýda­nyn ár jyldary basqarǵan Erbolat Jále­lov pen Álibek Náýtıevtiń, búgingi ákim Jangeldi Rahmetqalıevtiń, orynbasarlary Dosjan Meń­di­gereev pen Álıfolla Balahmetovtiń ta­rapynan ardagerlerdiń ótinish-tilegine udaıy kóńil bólinedi. Soǵan oraı, ardagerler de jas urpaqty otanshyldyq rýhta tárbıeleýge, olardyń boıynda qazaqstandyq, otansúıgishtik sezimdi ornyqtyrýǵa yqpal etýde. Árıne, soǵysqa qatynasqannyń bári birdeı elge oralǵan joq. Jat jerden topyraq buıyr­ǵan­dar qanshama? Olardyń zıratyn izdeý, urpaq­ta­rynyń áke, ata rýhyna zııarat etýin uıym­das­tyrýǵa ákimdik tarapynan kóp qoldaý jasalýda. Máselen, eńbek ardagerleri J. О́mirbaev, S. Qazıevter ákeleri jerlengen jerge ádeıi izdep baryp, taǵzym etýge múmkindik aldy. Uly Jeńis merekesi qarsańynda aýdannan qurylǵan arnaıy ekspedısııa Keńes Odaǵynyń Batyry atanǵan jerlesimiz Boran Nysanbaevtyń erlikpen qaza tapqan jerine – Reseıdiń Orel oblysyna baryp keldik. Bul eki eldi bir-birimen jaqyndastyrǵan ónegeli is boldy dep aıta alamyn. Jýyrda ózim de áke rýhyna taǵzym etý úshin Dondaǵy Kalach qalasyna bardym. Ákem Hasan 1942 jyly 3 jeltoqsanda Stalıngradty jaýdan azat etý barysynda oqqa ushqan. Ákemniń qaıda jerlengenin uzaq jyl izdedim. Jasym 70-ten assa da áli kúnge júregimdi ákege degen saǵynysh kerneıdi. Men sekildi qanshama urpaq ákesiz qaldy, qanshama adam baýyrynan aıyryldy. Endigi medet eterimiz – soǵysta habarsyz ketken bozdaqtardyń deregi kesh bolsa da tabylyp jatqandyǵy. Buǵan aýdandyq ardagerler alqasy, aýdan ákimshiligi uıytqy bolǵany qýantady. Maqsym ELEÝOV, Inder aýdandyq ardagerler alqasynyń múshesi. Atyraý oblysy.