Ol áleýmettik mazmundaǵy óleń-tolǵaýlarymen («Sarań baıǵa», «Myrzalyq emes», «Jesir daýy», «Bir qoıshyǵa», «Súıinshi», «Syr», «Aq altyndy aımaǵym», «Kolhozshylarǵa», «Muzbalaqtar») Syr boıyna jas kezinen tanymal bolady. Búkilodaqtyq aýyl sharýashylyq kórmesiniń ashylý qurmetine arnalǵan etnografııalyq konsertke, qazaq ádebıeti men óneriniń onkúndigine, respýblıkalyq aqyndar aıtystaryna qatysqan Soǵys jyldarynda arnaýly konserttik brıgada uıymdastyryp, halyqtyń rýhyn kóterýge belsene at salysty.
Bekejanov syrnaımen, dombyramen án, terme, tolǵaý, jyr aıtý, aıtys dástúrin damytqan, óziniń biregeı án-jyr mektebin qalyptastyrǵan sazger, aqyn, halyq ánderin jáne óz ánderin oryndaý sheberligimen qazaq óneriniń tarıhynda qalǵan. Onyń «Tolqyn», «Nartaı sazy», «Ahaý, jalǵan», «Nartaıdyń áni», t.b. ánderi ulttyq án óneriniń altyn qoryna qosyldy.
Shyǵarmalary «Dombyra sazy», «О́leńderi men aıtystary», «О́sıet», «Amanat» degen atpen jeke kitap bolyp jaryq kórdi. «Qurmet belgisi» ordenimen, medaldarmen marapattalǵan. Qyzylorda oblysynyń qazaq drama teatryna Bekejanov esimi berilgen. Osy oblystyń Shıeli aýdanynda Bekejanov aýyly bar.
