Memlekettik tapsyryspen shyqqan qos tomdyqty jazýshynyń ilgeride jaryq kórgen «Qyzyl jolbarys» eki tomdyq romanynyń jalǵasy deýge ábden keledi. Aınalyp kelgende tórt tomdy quraıtyn tarıhı romanǵa jazýshy 17 jylyn tolaıym jumsaǵanyn da aıtý kerek.
Tolǵanys, izdenis, jazýshylyq talantpen órilgen tomdar tarıhymyzdy terbep, Jetisý óńirlerinde ótken talaı ilkimdi oqıǵalardy da tiriltip, shejiremizdi baıyta túspek.
«Abylaıdyń aq týy» jańa tarıhı romanynyń alǵashqy tomynda osydan úsh ǵasyr buryn el aýzynda «Aqtaban shubyryndy, alqakól sulama» degen atpen saqtalǵan qazaq-qalmaq qaqtyǵystary sýretteledi. Mundaǵy oqıǵalar negizinde Ile, Syrdarııa sııaqty uly ózenderdiń jaǵalaýlarynda, Qarataý boıynda ótedi.
Ekinshi tomda el basyna túsken náýbet «Aqtaban shubyryndynyń...» sońǵy kezeńderi sýretteledi. Sońǵy kitapta Qarataý boıynda, Tashkent qalasy, tóńireginde, Shý, Qaratal ózenderiniń jaǵalaýlarynda ótken shejirelerdi shuraıly tilmen sýretteı otyryp, ulttyq derbestik, memlekettik qaýipsizdik, el taǵdyrymen egiz erlerdiń júrip ótken joly egjeı-tegjeıli baıandalady.
Ádebı týyndylar Tóle bı men Abylaı hannyń qarym-qatynasyn tereń sýretteýimen de erekshelenetinine toqtalǵan abzal. Kitaptyń basty keıipkerleri – Abylaı han, Tóle bı babalarymyzdan bastap, Jalaıyrdyń úsh kósemi – Eskendir bı, Eskeldi bı Jylgeldiuly, Balpyq áýlıe Derbisáliuly men Qaban jyraý Asanuly.
Jazýshylyq ónerdi Ulttyq ǵylym akademııasynyń muraǵattaryndaǵy jyldarymen baıytqan Uzaqbaı Dospanbetovtiń izdenisi osylaısha ilkimdi tomdarǵa aınalyp, ádebıetimizdi baıytyp otyr.
Aınash ESALI,
«Egemen Qazaqstan»
ALMATY
