Bilim salasynda yntymaqtastyqty damytý maqsatynda «Halyqaralyq baǵdarlamalar ortalyǵy» AQ prezıdenti Janbolat Meldeshov QHR «Hýmeı Chýanı (Szıansý)» AQ dırektory Sý Hýeıszıýnemmen kezdesý ótkizdi. Kezdesýde «Máńgilik el jastary – ındýstrııaǵa!» — «Serpin» áleýmettik jobasy aıasynda halyqaralyq bilim berý jáne stýdenttermen almasý salasyndaǵy Qazaqstan — Qytaı yntymaqtastyǵynyń júzege asyrylý máseleleri talqylandy, dep habarlaıdy "Halyqaralyq baǵdarlamalar ortalyǵy" AQ baspasóz qyzmeti.
Qol jetkizilgen kelisim barysynda «Serpin» jobasynyń qatysýshylary – otyz stýdent 2017 jylǵy maýsymnan qyrqúıek aılary aralyǵynda Qytaı kásiporyndarynda kásibı taǵylymdamadan ótedi.
Joba maqsaty – «Serpin» jobasy sheginde bilim alýshylar arasynda QHR taǵylymdamadan ótý, tájirıbelik tájirıbe jáne kásipkerlik daǵdylardy alý úshin stýdenttermen almasý baǵdarlamalaryn damytý. Joba 2016 jylǵy 28 qyrkúıektegi «Serpin» áleýmettik jobasy men «Hýmeı Chýanı (Szıansý)»AQ arasyndaǵy yńtymaqtastyq týraly memorandýmǵa sáıkes júzege asyrylýda.
«Hýmeı Chýanı (Szıansý)» (Humei Chuangye (Jiangsu) joǵary oqý oryndary túlekteriniń jumyspen qamtý keńesi, keń kólemdi mamandyqtar shoǵyrlanǵan, mádenı-bilim berýshilik almasý salasynda uzaq jyldyq tájirıbesi bar oqý oryndary men kásiporyndar yntymaqtastyǵynyń múshesi bolyp tabylady.
«Hýmeı Chýanı (Szıansý)» AQ ókili aqparattandyrǵandaı, qytaılyq tarap jyl saıyn 100–500 qazaqstandyq stýdentterdi tegin taǵylymdamalarǵa qabyldaýǵa daıyn. Taǵylymdamalar uzaqtyǵy – 3 aıdan 6 aıǵa deıin. Oqý tili – qytaı.
Taǵylymdamalar dýaldyq bilim júıesi boıynsha júrgiziledi: teoretıkalyq kýrs – eldiń aldyńǵy qatardy bilim mekemelerinde jáne tájirıbelik sabaqtar – Qytaıdyń úsh óndirisi damyǵan aımaqtarynda 100 ýnıversıtetterden astamy shoǵyrlandyrylǵan iri ónerkásiptik uıymdarda.
Sonymen qatar, Respýblıkaǵa qazaqstandyq stýdentter oralǵannan keıin «Hýmeı Chýanı (Szıansý)» AQ birlesken qazaqstan-qytaı kásiporyndarynda atalǵan stýdentterdi jumysqa ornalastyrýda járdemdesýge daıyn.
Soǵan qosa, «Hýmeı Chýanı (Szıansý)» AQ qazaqstandyq jáne qytaılyq joǵary oqý oryndarynyń arasynda qos dıplom baǵdarlamalaryn jyljytýda. Osy maqsatpen 2017 jylǵy 27 naýryzda «Hýmeı Chýanı (Szıansý)» AQ jetekshisi – Sý Hýeıszıýn Pavlodar oblysyna sapar shekti. Sapar barysynda «Serpin» jobasyna qatysýshy Pavlodar pedagogıkalyq ınstıtýty jáne S. Toraıǵyrov atyndaǵy Pavlodar memlekettik ýnıversıtetiniń stýdentteri QHR taǵylymdaman ótýge daıyndyq týraly kelisimge qol jetkizdi.
Eske sala keteıik, 2016 jylǵy qyrkúıek aıynan «Máńgilik el jastary — ındýstrııaǵa!» — «Serpin» áleýmettik jobasyn «Halyqaralyq baǵdarlamalar ortalyǵy» AQ ákimshilik etýde. Qazirgi tańda «Serpin» jobasynda Aqmola, Aqtóbe, Atyraý, Qaraǵandy, Qostanaı, Pavlodar, Batys-Qazaqstan, Soltústik-Qazaqstan jáne Shyǵys-Qazaqstan oblystaryndaǵy 22 ýnıversıtet jáne 54 kolledj bazasynda bilim alýshy respýblıkanyń ońtústik aımaqtarynan 12 myńnan astam stýdentter qatysýda.
