«Halyqaralyq kórmege qatysýǵa nıet tanytqan memleketterden ótinish qabyldaý rásimi resmı túrde aıaqtaldy. Qazirgi tańda qos tarap arasynda júrgizilgen jumystardyń nátıjesin shyǵarýdamyz. Buǵan deıin buqaralyq aqparat quraldaryn jarııalanǵandaı, elordada ótetin EKSPO-2017 kórmesine naqty 115 el qatysatyn boldy. Bulardyń basym bóligi kórme aýmaǵynda ornalasqan pavılondarynda daıyndyq jumystaryn bastap ketti. Sondaı-aq, 20 iri halyqaralyq uıymnyń ótinishi resimdeldi. Aıta keterligi, bıylǵy kórmege qatysatyn memleketter men uıymdar sany rekordtyq kórsetkishke jetken. Mundaı derekti Halyqaralyq kórmeler bıýrosy da rastady», dedi jıynda I.Orazaqov.
«Astana EKSPO-2017» ulttyq kompanııasy ókili halyqaralyq sharadaǵy pavılondar qatysýshy memleketterge tegin beriletindigin jetkizdi. Joǵarydaǵy 115 memlekettiń barlyǵy da ózderine tıesili oryndardy ıemdengen. Halyqaralyq kórmeler bıýrosynyń talabyna sáıkes, bul arnaıy kelisimshart negizinde júrgiziledi. Iаǵnı, barlyq el pavılondardy arendasyz ala alady. Biraq, ár memleket óz pavılondaryn jáne aýmaǵyn jabdyqtaý, qajetti qurylys jumystaryn júrgizý aqysyn moınyna alady. «Árbir qatysýshy memleket ózderine tıesili pavılondardy aldy. Oryndardyń aýmaǵy kóńilderinen shyqty. Biz kórmege qatysatyn elderge tıisti jaǵdaılardyń barlyǵyn jasaýǵa tyrystyq. Tek qana Grekııa men Lıýksembýrgtiń pavılondary biriktirilgen. Bir pavılonda ornalasqan osy elder ǵana aýmaqty 270 sharshy metrden bólip aldy», dedi departament dırektorynyń orynbasary.
Ilıa Orazaqov sharaǵa qatysatyn elder pavılondardaǵy daıyndyq jumystaryn sáýir aıynyń sońyna deıin júrgizetindigin aıtty. О́ıtkeni, olarǵa odan keıingi ekspozısııalardy daıyndaý fızıkalyq turǵydan qıynǵa túsetin kórinedi. Mamannyń aıtýynsha, halyqaralyq uıymdar kórmege qatysýǵa áli de ótinish bere alady eken. Munda eskeretin bir jaıt, joǵaryda atalǵan 20 iri halyqaralyq uıymnyń ǵana jeke pavılondary bolady. Al 6 uıymnyń pavılony joq. Keshigip ótinish bergender osylar sııaqty konferensııa, sheberlik synyby, túrli taqyrypta dóńgelek ústelder uıymdastyrady.
«Qazirgi tańda biz jańa kezeńge qadam bastyq. Endi kórmege qoıylatyn ekspozısııalarǵa basa mán beretin bolamyz, − dedi aldaǵy jumystar baǵytyna toqtalǵan Ilıa Orazaqov. – Kórmege qatysatyn árbir memleket kelgen qonaqtardy ózderiniń ınnovasııalyq ónimderimen, mádenıetimen, shoýlarymen tańǵaldyratyn bolady. Biz buǵan kúmán keltirmeımiz. Sebebi, uıymdastyrýshylar budan bylaı kórmege qoıylatyn jobalardyń mazmunyna nazar aýdarady».
«Astana EKSPO-2017» ulttyq kompanııasy ókiliniń málimetinshe, olardy irikteý boıynsha naqty talaptar bar. Keıbir ekspozısııalar qabyldanbaǵan kórinedi. Al keıbir elderge kórmeniń taqyryby aıasynda qoıylatyn jobalar boıynsha jumysty odan ári jalǵastyrý qajettigi eskertilgen.
Kórmege qatysatyn memleketter álemdegi barlyq energııa kózderi negizinde jobalaryn usynady. Ol – gıdro, jel, jer, kún, kınetıka jáne basqa da energııa kózderi bolýy múmkin.
Ashat Raıqul,
«Egemen Qazaqstan»
