Qala metropolıteniniń baspasóz qyzmeti jarylys bolǵanyn rastady. Qaza bolǵandar men zardap shekkender týraly resmı aqparat joq. Alaıda, TASS pen Reıter agenttikteri óz derekkózderine súıenip 10 adamnyń qaıtys bolǵanyn jazýda. Sondaı-aq ózge de reseılik BAQ ókilderi oqıǵa saldarynan 30 adamnyń zardap shekkenin habarlady.
Keıbir derekterge qaraǵanda, kórshiles «Tehnologıcheskıı ınstıtýt» stansasynda taǵy bir jarylys bolǵan. RIA «Novostı» agenttigi eki oqıǵada da poıyz vagondarynyń ishinde jarylǵysh zattar iske qosylǵanyn alǵa tartady.
Bolǵan oqıǵa jóninde Reseı prezıdenti Vladımır Pýtınge baıandaldy, dep habarlaıdy RF basshysynyń baspasóz hatshysy Dmıtrıı Peskov. Prezıdent qaza bolǵandardyń otbasylaryna kóńil aıtyp, jarylystyń terakt retinde baǵalaný múmkindigin joqqa shyǵarmady.
