Ánin jazǵan Shámil Ábiltaı
Sózin jazǵan Tóreǵalı Táshenov
Ýa, tyńda,
Tórt qaqpaly Túrkistan!
Qos qaqpaly Qoja Ahmet!
Ǵasyrlardyń synaǵyna shydaǵan,
Qabyrǵasyn Qyzyr-Baba sylaǵan
Qasıetti Kók Kúmbez,
Tursyń ba,
Ýa, din-aman!
Alystan Haq dem bergen,
Arystan Bab teń kórgen,
Taqýalar jol bergen,
Músápirge qol bergen,
Halaıyqty meńgergen,
Mashaıyqty jón kórgen,
Ázireti Sultan QOJA AHMET,
Zııarat etip kelgen – men...
Shyrqaý asyp shyǵyp ketken Sanadan
Úki qus bop jetken sen be dana jan?!.
Baýyryna Buharany balaǵan,
Serigine Samarqandy sanaǵan
Sendeı kentti taba alam ba daladan –
Asyq etken jerime gúl Jahandy,
Násip etken tórime Alla Taǵalam!
Ýa, tyńda,
Baı ólke ulys – baıtaǵym!
Jatsynyp joq qaıtarym,
Saqsynyp bar aıtarym:
Qanshama jyl ǵarip bolyp saf dilge,
Aryp-talyp jetken kezde aq kúnge,
Qarsy qoıyp qaýymyńdy haq dinge,
Urpaǵymdy uıytpasyn jat kirme.
Dalam úshin jolyn kesip Taýymnyń,
Kúlshe salman kersenine káýirdiń.
Tiliń menen jyryń jáne dilińe
Qosa tut dep túzý dinin Táńirdiń,
Tórt taraptan túgel qostym túrki ulyn
Toǵysynda ǵasyrlar men dáýirdiń.
Ýa, tyńda,
Tórt qaqpaly Túrkistan!
Qos qaqpaly Qoja Ahmet!
Duǵań seniń jatyr jalǵap jer-kókti.
Aıamaǵan óz basyńnan qurmetti,
Áz-Kóregen Ámir Temir dúr tekti.
Qudyǵyńnyń sýyn altyn tillámen,
Dinmuhamed Qonaev bop terbetti.
Atyńdy atap, Alashymdy álemge,
Nazarbaev Nursultan kep órletti.
Kók baıraǵym kókte bıik jelbirep,
Qazaǵyma Táýelsizdik tórletti.
Beý, Túrkistan, Áziret Sultan,
Kók kúmbeziń Kún astynda kórnekti!
