Memleket basshysy tildi aıtty, dildi aıtty, dindi aıtty. Qysqasy, táýelsiz elge kerekti dúnıeniń bárin túgendep, eldiń erteńgi ómirine naqty jospar jasady. Ulttyq sananyń qalyptasyp, odan ári damýyn jik-jikke bólip, jurttyń júregine jyly tıetin joldardy kórsetip berdi.
Sonyń ishinde, maqaladaǵy «Týǵan jer» baǵdarlamasy bir kúnniń emes, birneshe jylǵa sozylǵan kemeńger oıdyń, suńǵyla sananyń jemisi ekeni aqıqat. О́lketaný men abattandyrý jumystaryn jáne tarıhı eskertkishter men mádenı nysandardy qalpyna keltirý sharalaryn qazirden bastap qolǵa almasaq, «áttegen-aılap» qalýymyz da múmkin. Sol sebepti, Elbasynyń «Bolashaqqa baǵdar: rýhanı jańǵyrý» atty maqalasynda aıtylǵan mindetter men tapsyrmalardy erteńge qaldyrmaı, búginnen bastap jabyla oryndaýǵa tıispiz. Bul – álemdegi eń damyǵan 30 eldiń qataryna kirýge birden-bir kepil.
«Patrıotızmniń eń jaqsy úlgisi orta mektepte týǵan jerdiń tarıhyn oqýdan kórinis tapsa ıgi. Týǵan jerdiń árbir saıy men qyrqasy, taýy men ózeni tarıhtan syr shertedi. Árbir jer ataýynyń tórkini týraly talaı-talaı ańyzdar men áńgimeler bar. Árbir ólkeniń halqyna sýyq-
ta pana, ystyqta saıa bolǵan, esimderi el esinde saqtalǵan birtýar perzentteri bar. Osynyń bárin jas urpaq bilip ósýge tıis», – dedi Elbasy. Maqalada aıtylǵan osy joldardan-aq Nursultan Nazarbaevtyń týǵan jerge degen ystyq yqylasyn, zor mahabbatyn ańǵarýǵa bolady emes pe?!
Endeshe, elin súıgen Elbasymyz barda bizdiń de aıanyp qalǵanymyz jaramas. Qoldaımyz. Qýattaımyz.
Qazaqbaı QASYMOV,
«Ahyska» túrik etnomádenı birlestiginiń tóraǵasy
