Ardagerler poıyzben bir aı tegin júredi

«Qazaqstan temir joly» UK» AQ Uly Otan soǵysy ardagerleri men múge­dek­te­ri­ne poıyzda tegin júrýge jaǵdaı jasaý­ǵa sheshim qabyldady. «Qazaqstan temir joly» UK» AQ Uly Jeńistiń 66 jyldyǵyna oraı 2011 jylǵy mamyrdyń 1-30 aralyǵynda Uly Otan so­ǵysy ardagerleri men múgedek­terine jo­laý­shylar poıyzdarynda tegin júrýge múmkindik áperý aksııasyn uı­ymdas­tyryp otyr. Soǵys ardagerleri men múgedekteri bir aı boıy Qazaqstan Respýblıkasy men TMD elderi aýmaǵynda tegin júre alady. Táýelsiz Memleketter Dostas­tyǵy elderine shyqqan saparlarynda olar barý-qaıtý bıletterin birge resimdeýi tıis. Merekelik aksııa aıasynda ardagerler barý-qaıtý núktelerine deıin poıyz­dar­dyń barlyq kategorııalary men baǵdar­larynda, sonymen qatar qalaaralyq po­ıyz­darda da kýpelik vagondarymen júredi. Atap ótý kerek, bul aksııa «Tal­go» po­ıyzymen júrýge yqpal etpeıdi. Ardagerler tegin bıletti temir jol kassalarynan ala alady. О́zderimen birge jeke kýálikteri, Uly Otan soǵysy ardageri nemese múgedegi týraly kýáli­giniń túp­nusqasy men kóshirmesi bolýy tıis. Aksııa ótkizý turǵysyndaǵy barlyq aqparattardy «Jolaýshylar tasymaly» AQ-tyń temir jol kassalary men táýlik boıy jumys isteıtin 105-shi anyqtama telefondarynan alýǵa  bolady. Eskendir ERTAI. Astana.