Muhıt áni samǵady

Burnaǵy kúni Almatynyń «Qazaqkonsert» zalynda halqy­myzdyń qaıtalanbas ataqty kompozıtor ánshisi Muhıt Meraly­ulynyń 170 jyldyǵyna oraı Ál-Farabı atyndaǵy Qazaq ulttyq ýnıversıteti men «Adyr­na» ult­tyq-etnografııalyq bir­les­tiginiń birlesip uıymdas­tyrýymen «Án Muhıty» atty kesh ótti. Qazaq mýzyka óneriniń maqtanyshy Muhıttyń ánderin saǵynyp, sýsap qalǵan ánsúıer qaýym kóp jınaldy. Saltanatty keshti ataq­ty ánshi Ǵarıfolla Qurmanǵa­lıev­tiń shákirti, odan tálim-tárbıe alǵan, respýblıkaǵa eńbegi sińgen ártis Sáýle Janpeıisova júrgi­zip otyrdy. Sáýle Muhıttyń Qara­tóbe topyraǵynda ómirge kelgenin, onyń shyǵarma­shylyq mura­sy­nyń mýzykalyq al­tyn qory­myzǵa engenin, ol asyl murany áli de bolsa tereń zertteý qajet ekenin tilge tıek etip, tolǵamdy pikirlerin bildirdi. Keshke qatysyp óner kórset­ken  Ramazan Stam­ǵazıev, Aıgúl Qo­sanova, Qaırat Kákimov, Jolaman Qujımanov, Yrysty Sú­leı­menova, Erkin Shú­ki­manov, Ázim­han Baıma­ǵanbetov, Nurym As­qanov, Janǵoza Aıapov, Juldyz Sún­detqalıeva, Venera Qarjaý­baeva, Bıbigúl Saýyt­ova, Samal О́mirzaqova, Gúlsim Arys­baeva, Mar­habat Myqty­bekov, Erkin Nurqanov, Erlan Rys­­qalı Muhıttyń ánderin náshi­ne keltire oryndap, ánsúıer qaýymdy qýa­nyshqa keneltti. Sáýle Janpeıisova Muhıttyń buryn aı­tyl­maǵan, ha­lyq­qa jetpegen birneshe ánderin shyrqap, kórermen­derdiń qoshemeti­ne bó­len­di. Ulttyq án-kúı – qazaq­tyń jany men rýhy. Rýhynan aıy­ryl­ǵan halyq qul­dyq­tyń qamytyn kıedi. El bola­sha­ǵyna beıjaı qaraı al­maıtyn óner jana­shyr­lary kóbeıe bersin degimiz keledi. Ǵalym QURASh, jýrnalıst. Sýretti túsirgen avtor.