Qubyr tartýǵa qarjylyq qoldaý qajet

Jergilikti jerler máseleleriniń sheshimi sol óńirden shyqqan depýtattardyń belsendiligine baılanysty. Mundaı belsendilik eń aldymen depýtattyq saýaldarda kórinis taýyp, olar Úkimette, basqa da memlekettik organdarda talqylanyp jatady. Sondaı saýaldardyń birin Senattyń Agrarlyq máseleler jáne qorshaǵan ortany qorǵaý komıtetiniń tóraǵasy B.Jylqyshıev bastaǵan, O.Rahmenberdıev pen Q.Aıtahanov quramynda bar bir top depýtat Premer-Mınıstrdiń atyna joldaǵan edi. Depýtattyq saýalda Ońtústik Qazaqstan oblysyndaǵy Qazy­ǵurt jáne Shardara aýdandary týraly aıtylady. Atalǵan aý­dan­dardaǵy eldi mekenderde temir jol júıeleri júrgizilmegen. So­ǵan baılanysty bul aýdandar hal­qy qysqy otyndy ýaqtyly ala almaıdy eken. Keltirilgen málimetterge qaraǵanda, eki aýdan halqyn gazben qamtamasyz etý máselesi túbegeıli sheshilip, ol qazirgi kúnde júzege asýda. Oǵan qajetti jobalyq-smetalyq qu­jat­tar tolyq daıyn bolyp, qu­rylys tıisti organ tarapynan bekitilip te qoıylypty. Alaıda endigi másele – sol qurylys ju­mys­taryna qarjy bólgizý. Osyǵan oraı senatorlar nysandar qu­ry­lysyna 2011 jyly Respýb­lı­ka­lyq bıýdjetti naqtylaý kezinde qarjy bólýge yqpal etýdi sura­ǵan. Ońtústik Qazaqstan oblysy­nyń aýdandaryna gaz qubyr­la­ryn júrgizý jobalaryn qarjy­landyrýǵa qatysty depýtattyq saýalǵa Úkimet basshysy tó­mendegishe jaýap beripti. Kárim Másimovtiń sózinen belgili bolǵandaı, Munaı jáne gaz mınıstrligi Ońtústik Qa­zaq­stan oblysy Shardara aýdanyn gazdandyrý jobalary boıynsha qujattardyń tolyq paketin jáne salalyq saraptamanyń oń qory­tyndysyn 2011 jylǵy 8 aqpan­daǵy №11-02-459 hatpen, keıinnen 2011 jylǵa arnalǵan respýb­lı­kalyq bıýdjetti naqtylaý kezinde qarastyrý úshin Qarjy mınıstrligine tapsyrǵan. Alaıda 2011 jylǵa arnalǵan respýblıkalyq bıýdjetti naqtylaý kezinde Res­pýblıkalyq bıýdjet komıssııasy otyrysynda qoldaý tappaǵan. Esesine atalǵan oblystyń Qazy­ǵurt aýdanyn gazdandyrý boı­yn­sha ınvestısııalyq joba qazirgi kezde qarastyrylyp jatqany aıtylǵan. Jaýapta Munaı jáne gaz mınıstrliginiń salalyq sa­rap­tamasynyń oń qorytyndysyn alǵannan keıin atalǵan joba Qar­jy mınıstrligine usynylatyn, 2012-2014 jyldarǵa arnalǵan respýblıkalyq bıýdjetten qar­jy­landyrylatyn bıýdjettik ın­ves­tısııalyq jobalardy qalyp­tas­tyrý kezinde qaralatyny da kóldeneń tartylypty. Qalaı bolǵan kúnde atalǵan oblysqa qarasty Shardara men Qazyǵurt aýdandarynda tabıǵı otynnyń joqtyǵy jáne munda halyqtyń tyǵyz shoǵyrlanýy gaz qubyr­laryn tartýdyń qajettigin dá­lel­deýdi qajet etpese kerek. Depýtattardyń kóterip otyr­ǵany da osy másele. Sondyqtan respýblıkalyq bıýdjetten qar­jy­landyrylatyn bıýdjettik ın­ves­tısııalyq jobalar quramyna enip jatsa, quba qup bolar edi. Bul atalǵan eki aýdannyń ór­ken­deýine, turǵyndar jaǵdaıynyń jaq­sarýyna múmkindik týǵyzar edi. Asqar TURAPBAIULY.