Forýmǵa qatysýǵa múddelilik

Saýd Arabııasy Koroldigindegi Qazaqstan elshiliginiń ha­barlamasyna qaraǵanda, atalǵan eldiń ókilderi 4-shi Astana ekonomıkalyq forýmyna joǵary deńgeıde qatysatyn bolady. Bul másele Qazaqstan elshisi Qaırat Lama Sharıftiń SAK ındýstrııa jáne saýda mınıstri Abdalla ben Ahmedpen kezdesý bary­synda talqylanǵan. Abdalla ben Ahmed Qazaqstannyń Ortalyq Azııadaǵy jetekshi rólin jáne forýmnyń koroldik úshin ma­ńyzdylyǵyn eskere kele el bas­shylyǵynyń úlken delegasııa jiberý jóninde uıǵarym jasa­ǵan­dyǵyn málimdegen. Aldyn-ala jasalǵan kelisim boıynsha eldiń birqatar memlekettik organdary men damý qory jáne iri bıznes qurylymdarynyń basshylary en­gen delegasııany ındýstrııa já­ne saýda mınıstri Abdalla ben Ahmedtiń ózi bastap kelmek. Kezdesý barysynda mınıstr eki el arasyndaǵy saýda ekono­mıkalyq jáne ınvestısııalyq yntymaqtas­tyq jaǵdaıyna qana­ǵat­tanǵandyq bildirdi. Sonymen qatar, ol eki eldiń úlken áleýetin tıimdi paıdalaný maqsatynda kóp salaly qarym-qatynastar arna­syn odan ári tereńdete túsýdiń qajettigin atap kórsetti. Astana ekonomıkalyq forýmy mine, osy yntymaqtastyq­ty odan ári da­mytýdyń jaqsy dıalog alańy bola alar edi. Qazaqstan elshiliginiń ha­bar­laýynsha, Astanada óte­tin forým aıasynda Saýd Arabııasy ındýstrııa jáne saýda mınıstri men Qazaq­stan Respýblıkasy Indýstrııa jáne jańa tehnolo­gııa­lar, Kólik jáne kom­mýnı­kasııalar, Aýyl sha­rýa­shy­lyǵy mınıs­tr­lik­teriniń, son­daı-aq «Sa­muryq-Qa­zy­n­a» UÁQ-tyń birinshi bas­shylarynyń kez­desýleri jos­­parlanyp otyr. Sony­men qatar, Abdalla ben Ahmed Eko­no­mıkalyq ıntegrasııa isteri jónindegi mınıstr Janar Aıtjanovamen de kez­desip, elimizdiń Búkil­álem­dik saýda uıymyna ótý máselesin talqylamaq. Doktor Abdalla ben Ahmed Qazaqstannyń osy másele jónindegi talpy­nys­taryna koroldik ta­ra­pynan qoldaý kórsetile­tindigin málimdegen. Osylaısha, Taıaý Shy­ǵys já­ne Soltústik Afrıka elderi ara­synda kóshbasshy atanǵan el Qazaqstanmen qarym-qatynasqa túsýge úlken yqylas tanytyp, Astana ekonomıkalyq forýmynyń aıasynda ótetin is-sharalarǵa zor mán berýde. Suńǵat ÁLIPBAI.