Yqpaldastyqtyń áleýeti joǵary

Keshe Parlament Senatynyń Tóraǵasy Qaırat Mámı Túrki tildes elder Parlamenttik Assambleıasynyń (Túrk PA) Bas hatshysy Ramıl Gasanovpen kezdesti, dep habarlady osy palatanyń baspasóz qyzmeti. Q.Mámı Túrk PA-nyń II Jal­py otyrysy tabysty ótkenin atap óte kelip, halyqaralyq qo­ǵam­dastyqta Assambleıa bedelin bıiktetýdegi Uıym Hatshyly­ǵy­nyń qomaqty úlesin atap ótti. «Parlament Senaty baýyrlas memleketter arasyndaǵy ekijaq­ty jáne kópjaqty pishindegi parlamentaralyq baılanystardy tereńdetýge jan-jaqty kómek­tesýge ázir», dedi Tóraǵa. Túrki tildes elderdiń jańa deń­geıdegi yqpaldastyǵyn odan ári damytý máselelerine qatysty Q.Má­mı Túrki tildes memleket­ter­diń yntymaqtastyq keńesiniń (TMYK) qyzmetin bekitetin zań­namalyq baza jasaý qajettigin atap ótti. Túrki tildes memleketter Ke­ńe­siniń tuńǵysh sammıti bıylǵy qazan aıynda Qazaqstanda ótetin boldy. Túrk PA Bas hatshysy túrki álemindegi elder arasyndaǵy, onyń ishinde parlamentaralyq ún­qatysý deńgeıindegi ózara tıimdi yntymaqtastyqtyń áleýetin joǵary baǵalady.