Ortaq kózqaras tanytyldy

Aqordada IV Astana ekonomıkalyq forýmy aıasynda Memlekettik hatshy Qanat Saýdabaev Japonııanyń burynǵy premer-mınıstri, atalǵan eldiń Qazaqstanmen dostyqty nyǵaıtý jónindegi parlamenttik lıgasynyń tóraǵasy Iýkıo Hatoıamamen kezdesti. О́tken jyldyń kóktem aıynda Tokıoǵa jasaǵan saparymyz ba­ry­synda qazaq-japon yntymaq­tas­tyǵynyń qazirgi jaǵdaıy men qos memlekettiń bolashaqtaǵy damý baǵyttaryn talqylaýǵa múm­kin­dik týǵan edi. Áriptestik kók­jıeginiń bulaısha keńeıýine biz­diń Memleket basshysynyń Kún­shyǵys eline sapary men qol jetkizilgen kelissózder yqpal etken bolatyn, dedi Qanat Saýdabaev. Sondaı-aq, Memlekettik hatshy óziniń sózinde kóptegen jannyń ómirin qıǵan tabıǵı alapat zilzala men «Fýkýsıma-1» atom elek­tr stansasyndaǵy tehnogendik apat­qa baılanysty Japonııa hal­qy­na kóńil aıtty. Sizdiń elde­ri­ńizde oryn alǵan qaıǵyly jaǵdaı qazaqstandyqtarǵa da áser etti. Sebebi, bizdiń memleketterimizdi sońǵy 15 jyldyń bederinde túr­li saladaǵy yntymaqtastyq qana baılanystyrmaıdy, Qazaqstan men Japonııa álem boıynsha ıad­rolyq qarýdyń saldary men sal­maǵyn shyndap sezingen elder. Al tabıǵı apat atom elektr­ stan­sasyndaǵy tehnogendik apatqa ulasqan kezde onyń búkil álemdi beıjaı qaldyrmaǵany anyq. Osyǵan oraı, Qazaqstan Prezıdenti N.Nazarbaevtyń tapsyr­ma­sy boıynsha elimiz tarapynan apattyń alǵashqy kúninen bastap kúni búginge qoldaý kórsetilip keledi. Bul rette men mynany basa aıtqym kelip otyr: alapat apat oryn alǵan kúnderi dúnıe jú­zi­niń dıdary Japonııaǵa aýǵan kezde álem halqy joıqyn zilzala­nyń zardabyn ǵana emes, sol qıyndyqqa qarsy turyp, onyń saldarymen kúrese bilgen japon hal­qynyń kúsh-jigerin de óz kózi­men kórdi, dedi Memlekettik hatshy. Al Iýkıo Hatoıama óz kezeginde Qazaqstannyń Memlekettik hatshysymen kezdesip, eki el áriptestigin talqylaýǵa múmkin­dik alǵanyna rızashylyǵyn jetkizdi. О́tken jyldyń naýryz aı­ynda siz Qazaqstannyń Syrtqy ister mınıstri retinde japon eline saparmen kelgen edińiz. Al men sol ýaqytta Japonııanyń Pre­mer-mınıstri edim. Bul sapar barysynda biz qos memleket­tiń túrli saladaǵy baılanysyn talqyǵa saldyq. Qazirgi tańda bizdiń elderdiń arasynda túrli salada, máselen, tabıǵı resýrs­ta­rdy paıdalaný baǵytynda jaq­sy áriptestik baılanys ornaǵan. Mundaı baılanystar qos memleket úshin de tıimdi ári paıdaly, dedi óziniń sózinde Iý.Hatoıama. Kezdesý barysynda taraptar saıası jáne saýda-ekonomıkalyq baılanystardyń qarqynyn úde­tý, jańa tehnologııalar jetistigin paıdalanýdaǵy ózara yqpal­das­tyq tetigin nyǵaıtý máselelerin de áńgime ózegine aınaldyrdy. Sondaı-aq, ıadrolyq qarýdy taratpaý jáne qaýip-qaterdi azaıtý tóńiregindegi uzaq jylǵy ynty­maqtastyqtyń álemdik qoǵamdas­tyq tarapynan qoldaý taýyp otyrǵanyn da tilge tıek etti. Láıla EDILQYZY.