Qazaqstan Respýblıkasy Ádilet mınıstrliginiń buıryǵy №102

2011 jylǵy 11 naýryz              №102       Astana qalasy Qazaqstan Respýblıkasy Ádilet mınıstriniń mindetin atqarýshysynyń «Jeke sot oryndaýshysy bos laýazymyna ornalasýǵa konkýrs ótkizý erejesin bekitý týraly» 2010 jylǵy 3 qarashadaǵy № 305 buıryǵyna ózgeris pen tolyqtyrýlar engizý týraly «Qazaqstan Respýblıkasynyń keıbir zańnamalyq aktilerine atqarýshylyq qujattardy oryndaý, respýblıkalyq menshikke aınaldyrylǵan (túsken) múlikti esepke alý, saqtaý, baǵalaý jáne odan ári paıdalaný jónindegi jumystardy uıymdastyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyn iske asyrý maqsatynda, «Ádilet organdary týraly» Qazaqstan Respýblıkasy Zańynyń 7-baby 2-tarmaǵynyń 3) tarmaqshasyn basshylyqqa ala otyryp, buıyramyn: 1. Qazaqstan Respýblıkasy Ádilet mınıstriniń mindetin atqarýshysynyń «Jeke sot oryndaýshysy bos laýazymyna ornalasýǵa konkýrs ótkizý erejesin bekitý týraly» 2010 jylǵy 3 qarashadaǵy № 305 (Normatıvtik quqyqtyq aktilerdi memlekettik tirkeý tiziliminde № 6627 tirkelgen, 2010 jylǵy 30 qarashada № 506-512 (26355) «Egemen Qazaqstan» gazetinde jarııalanǵan) buıryǵyna mynadaı ózgeris pen tolyqtyrýlar engizilsin: joǵaryda atalǵan buıryqpen bekitilgen Jeke sot oryndaýshysy bos laýazymyna ornalasýǵa konkýrs ótkizý erejesine: 6-tarmaqta: 5)-tarmaqshasy alyp tastylsyn; mynadaı mazmundaǵy 6), 7), 8) tarmaqshalarymen tolyqtyrylsyn: «6) ózine jeke sot oryndaýshysy qyzmetine taǵaıyndalǵanǵa deıin úsh jyl ishinde sybaılas jemqorlyq quqyq buzýshylyq jasaǵany úshin sot tártibimen ákimshilik jaza qoldanylǵan; 7) sybaılas jemqorlyq qylmys jasaǵan; 8) buryn memlekettik, áskerı qyzmetten, quqyq qorǵaý organdarynan, sottardan jáne ádilet organdarynan teris sebeptermen bosatylǵan». 2. Osy buıryq alǵash resmı jarııalanǵannan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Ádilet mınıstri   R.TÚSIPBEKOV. Buıryq Qazaqstan Respýblıkasynyń Ádilet mınıstrliginde 2011 jylǵy 11 sáýirdegi Normatıvtik quqyqtyq kesimderdi memlekettik tirkeýdiń tizilimine №6879 bolyp engizildi.