«Egemende» jazylǵan ónertabys úzdik shyqty

Ádilet mınıstrliginiń Zııatkerlik menshik quqyǵy komıteti, «Ulttyq zııatkerlik menshik ınstıtýty» RMQK, Bilim jáne ǵylym, Indýstrııa jáne jańa tehnologııalar mınıstrlikterimen bir­lesip, ónertapqyshtyq salasyndaǵy jetistikterdiń 8 respýb­lıkalyq «Shapaǵat-2011» baıqaýynyń jeńimpazdaryn anyqtady. Eýrazııalyq patenttik uıy­my­nyń prezıdenti A.Grıgorev­tiń qatysýymen úzdik ónerta­bys­tar­dy marapattaý rásiminen keıingi ótken baspasóz máslıhatynda túr­li nomınasııalar boıynsha jeńim­pazdardyń esimderi barshaǵa má­lim boldy. Osymen 8-shi ret ótkizilip otyr­ǵan respýblıkalyq «Shapaǵat» kon­kýrsyna qatysqan jobalar eli­miz­diń zııatkerlik saladaǵy áleýe­tin kórset­kendeı. «Báıgege árkim­niń aq bar tala­sy» degendeı, kon­kýrsqa qatys­qan jobalardyń ishinde ón­diris pen ǵylymnyń ár baǵy­tyn da­mytýǵa súbeli úles qosa­tyn­daı ju­mys­tar­dyń qarasy da mol kórindi. Mysaly, Krıstaldy kremnııdi bal­qytýǵa ar­nalǵan totyq­syz­dandyrǵysh «KAR­BONIZAT REKSIL», «Qumy kóp munaıdy óndirý tásili jáne ony júzege asy­rýǵa arnalǵan qurylǵy, «Adam­nyń kindik/kaǵanaq qanynan jáne súıek mıynan gemopo­etı­ka­lyq dińgekti jasýshalardy bólip alý men ósirý tásili» tárizdi ataýy­nyń ózi kúr­deli jumystar barshy­lyq. Alaıda, «Júırikten júırik ozar ja­rys­qanda» degendeı, solar­dyń ishi­­nen 3 ónertabys «Jyldyń óner­tabysy» degen joǵary mara­patty ıelendi. V.Harchenko oılap tapqan aıaqqa arnalǵan ortope­dııa­lyq apparatqa, jyl basynda «Egemen» jazǵan A.Salǵarınniń «A­v­to­mobıldiń jyldam júrisiniń qaýip­sizdigin arttyrý tásili» jáne V. Dvý­rechenskııdiń «Topyraqty jyrt­paı óńdeýge arnalǵan túreni» ónertabys báıgesinen qara úzip keldi. Osylaısha úzdik zııatkerlik ǵylymı izdenisterdiń ishinen eń laıyqty degenderi anyqtalyp, ónertabys ıelerine qurmet kór­setildi. Anar TО́LEÝHANQYZY.