Jattyǵýlar máresine jetti

Úsh jylda bir ret AQSh-tyń birikken kúshteri bas­shylyǵynyń súıemeldeýimen «Beıbitshilik úshin seriktestik» sheńberinde kompıýtermen ót­kiziletin «Vıkıng-2011» ko­man­dalyq-shtabtyq jattyǵýy aıaq­taldy. Ony 1998 jyldan beri Shvesııa Koroldiginiń qarýly kúshteri júzege asyryp keledi. Oǵan Qa­zaq­stan ar­mııa­sy­nyń á­skerı qyz­metshileri qatysty. «Qaz­bat» bitimgerlik batalo­ny­nan barǵan 10 sardar Avs­trııa­nyń kópultty brıgadasynyń quramynda Armenııa, Germanııa, Shvesııa, Fınlıandııa, Irlandııa jáne AQSh áskerı qyzmetker­lerimen ózara is-qımyl jasady. Jattyǵýdyń negizgi maqsaty beıbitshilikti qoldaý jáne daǵ­darysty jaǵdaıǵa polısııa men jergilikti turǵyndardyń kóz­qarasy jónindegi operasııanyń elementterin pysyqtaý bolyp tabyldy. Jattyǵýǵa NATO-ǵa múshe memleketter men onyń seriktesteri bolyp tabylatyn 24 elden barlyǵy 2200 áskerı qyzmetker qatysty. Kópultty brıgada deńgeıindegi Avstrııa, Germanııa, Grýzııa, Irlandııa jáne Ýkraınanyń shtabtary qyz­met etti. AQSh-tyń birikken kúsh­teri men Shvesııa jáne Avstrııa basshylyǵy Qazaqstan armııasy áskerı qyzmetshileri ázirliginiń joǵary deńgeıde ekendigin aıtyp, oń baǵa­laryn berdi. «Egemen-aqparat».