Halyqqa qyzmet kórsetýde olqylyqtar kóp

Keshe Baılanys jáne aqparat mınıstrliginde mınıstr Asqar Jumaǵalıev halyqqa qyzmet kór­setý ortalyqtary basshy­lary­men jınalys ótkizdi. Basqosýda kóterilgen basty máseleniń biri bıylǵy jyldyń naýryz aıynda Baılanys jáne aqparat mı­nıstr­liginiń qaramaǵyna berilgen HQKO-lardyń jumysyn jań­ǵyrtý jáne jetildirý boldy. «Memleket basshysy N.Á.Na­zarbaev bizdiń mınıstrlikke ha­lyqqa qyzmet kórsetý orta­lyq­ta­rynyń jumysyn jetildirýdi, halyqqa sapaly memlekettik qyz­met kórsetý isin qadaǵalaýdy, sybaılas jemqorlyqtyń aldyn alýdy, memlekettik qyzmetterdi avtomattandyrý máselelerin tezdetýdi tapsyrdy», – dedi jına­lys­ty asha otyryp mınıstr Asqar Jumaǵalıev. Qazirgi kúni azamattardyń HQKO qyzmetkerleriniń qyzmet kórsetý sapasyna jáne qyzmetti usynýshy memlekettik organ­dar­dyń jumysyna kóńilderi tol­maıdy. О́ıtkeni, azamattar men memlekettik organdar arasyn­da­ǵy tosqaýyldar men sybaılas jem­qorlyq túpkilikti joıylmaı otyr. Azamattardy aqparattan­dy­rý men usynylǵan qyzmet kór­setýlerdiń sapasyn baqylaý ju­mys­taryna saraptama júrgizil­meı­di. Qyzmet kórsetýlerdiń bız­nes-úderisteri ońtaılan­dy­ryl­ma­ǵan. Osyǵan oraı vıse-mınıstr Sáken Sársenov óziniń baıan­dama­synda atalǵan salany jetildirýdiń basty baǵyttaryn anyqtap berdi. Aǵymdaǵy jyldyń sońyna deıin turǵyndardy tirkeý, jeke kýá­likter men tólqujattar berý qyzmetteri ońtaılandyrylmaq. Mınıstrliktiń HQKO jumy­syn úılestirý jáne memlekettik qyzmetterdi avtomattandyrýdy baqylaý jónindegi komıteti ha­lyqqa qyzmet kórsetý ortalyq­ta­rynyń personalmen jumysyna basty nazar aýdarmaq. Vıse-mı­nıstr S.Sársenovtiń aıtýynsha, Mystery shoping («Qupııa satyp alýshy») aksııasy turaqty túrde uıymdastyrylmaq. Bul aksııa­nyń maqsaty jergilikti jerlerdegi ahýaldy naqty baǵalaý úshin pikirler jınaý bolyp tabylady. Buǵan qosa azamattar ınternet jelisi men sms habarlary ar­qy­ly qyzmet kórsetýlerdiń oryn­dalýyna baqylaý júrgize alady. Sondaı-aq 1414 Call-ortaly­ǵy­nyń operatorlary elektrondy úkimet jumysymen qatar, ha­lyq­qa qyzmet kórsetý orta­lyq­ta­ry­nyń jumysy týraly da aqpa­rat­tyq keńester beredi jáne senim telefondary ornatylatyn bolady. HQKO-daǵy uzyn-sonar kezekter azamattardyń renishin tý­ǵy­zatyny belgili. Osy rette Baı­lanys jáne aqparat mınıstrligi HQKO-daǵy kezekke turýǵa call-ortalyǵy nemese ınternet ar­qy­ly brondaý júıesin engizýdi kóz­deýde. Buǵan qosa memlekettik ótem­aqylardy elektrondy úki­met­tiń tólem shlıýzi nemese bank kartochkasy arqyly tóleý múm­kindikterin usynady. Mınıstr­lik­tiń atalǵan salaǵa engizetin jańalyqtarynyń biri mobıldi HQKO bolmaq. Búgingi kúni alys eldi mekenderde turatyn tur­ǵyn­dar úshin memlekettik qyzmet túrin alý qıynǵa soǵyp otyr. Son­dyqtan memlekettik qyzmet kórsetýlerdi qoljetimdi etý úshin mobıldi HQKO belgili bir keste boıynsha aımaqtarǵa baryp, qyzmet kórsetýleri tıis. Jınalysta sóz bolǵan mańyz­dy máseleniń taǵy biri HQKO-daǵy sybaılas jemqorlyqqa qar­sy kúres jumystary jaıynda boldy. Komıtet tóraǵasy Baqyt Ábishev HQKO-nyń memlekettik qyzmetterdi sapaly kórsetýi men sybaılas jemqorlyqqa qarsy kúres týraly zańnamany oryn­daýy boıynsha júrgizilgen monıtorıng qorytyndysy týraly baıandama jasady. «Qazirgi tańda azamattardy tirkeý, jer telimderine quqyqtaryn tirkeý, jeke kýá­lik pen tólqujat alýda sheshimin kút­ken máseleler bar. Atal­ǵan memlekettik qyzmet túrlerin kórsetýde sybaılas jemqorlyq­qa jıi jol beriledi», dep atap ótti Baqyt Shalqaruly. Sonymen birge, ol HQKO qyzmetkerleriniń zańnama­ny buzý men laýazymyn asyra paı­dalanýy boıynsha naq­ty dálel­der­di de nazardan tys qaldyrmady. Mınıstr Asqar Jumaǵalıev óz kezeginde atalǵan faktiler boı­ynsha bir aptanyń ishinde qyz­met­tik tekserýler júrgizip, basshy­lyq­tyń jaýapkershilikteri týraly usynystar berýdi tap­syrdy. Ábdirahman QYDYRBEK.