Qazaqstan Respýblıkasy Úkimetiniń qaýlysy № 442

2011 jylǵy 25 sáýir             № 442           Astana, Úkimet Úıi Azamattyq jáne eksperımenttik avıasııa personalyn attestattaý qaǵıdasyn bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 13-babynyń 16) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Azamattyq jáne eksperımenttik avıasııa personalyn attestattaý qaǵıdasy bekitilsin. 2. «Azamattyq jáne eksperımenttik avıasııanyń avıasııalyq personalyn attestattaý erejesin bekitý týraly» Qazaqstan Respýblıkasy Úkimetiniń 2002 jylǵy 28 jeltoqsandaǵy № 1402 qaýlysynyń kúshi joıyldy dep tanylsyn (Qazaqstan Respýblıkasynyń PÚAJ-y, 2002 j., № 47, 478-qujat). 3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri  K.MÁSIMOV. Qazaqstan RespýblıkasyÚkimetiniń 2011 jylǵy 25 sáýirdegi № 442 qaýlysymen bekitilgen Azamattyq jáne eksperımenttik avıasııanyń avıasııa personalyn attestattaý qaǵıdasy 1. Jalpy erejeler 1. Osy Azamattyq jáne eksperımenttik avıasııanyń avıasııa personalyn attestattaý qaǵıdasy (budan ári – Qaǵıda) «Qazaqstan Res­pýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýb­lıkasynyń 2010 jylǵy 15 shildedegi Zańyna sáıkes ázirlendi. 2. Osy Qaǵıda azamattyq jáne eksperı­menttik avıasııanyń avıasııa personalyn (budan ári – avıasııa personaly) attestattaýdan ótkizý tártibin aıqyndaıdy. 3. Osy Qaǵıdada paıdalanylatyn negizgi uǵymdar men termınder: 1) attestattaý – attestattaý komıssııasy ótki­zetin avıasııa personalynyń kásibı bilimi men praktıkalyq daǵdylaryn tekserý rásimi; 2) azamattyq avıasııa salasyndaǵy ýákiletti organ – Qazaqstan Respýblıkasynyń áýe keńis­tigin paıdalaný men azamattyq jáne eksperı­menttik avıasııa qyzmeti salasyndaǵy basshy­lyqty júzege asyratyn ortalyq atqarýshy organ (budan ári – ýákiletti organ). 4. Attestattaý avıasııa personalynyń atqa­ratyn qyzmetine sáıkestigin aıqyndaý maqsa­tynda, sondaı-aq qyzmetin, onyń ishinde merziminen buryn tómendetý nemese joǵarylatý kezinde júrgiziledi. 2. Attestattaý júrgizýdiń tártibi jáne merzimderi 5. Qazaqstan Respýblıkasynyń Úkimeti bekitetin Qazaqstan Respýblıkasy azamattyq jáne eksperımenttik avıasııasynyń avıasııa persona­lynyń attestattaýǵa jatatyn laýazymdary men kásipteriniń tizbesinde kózdelgen laýazymdardy ıelenetin adamdar attestattaýǵa jatady. 6. Avıasııa personalyn attestattaý mynadaı merzimderde ótkiziledi: 1) ushý ekıpajynyń músheleri (pılottar, shtýrmandar, bortınjenerler (bortmehanıkter) bortradıster, kabınalyq ekıpaj músheleri (bort jolserikteri, bort operatorlary) – jyl saıyn; 2) áýe qozǵalysyna qyzmet kórsetý dıspetcherleri, asa jeńil avıasııanyń ushý quramy – eki jylda bir ret; 3) avıasııa tehnıkasyna tehnıkalyq qyzmet kórsetý men jóndeý uıymdarynyń, janar-jaǵar maı materıaldary qyzmetteriniń, áýeaılaq qyz­metiniń ınjenerlik jáne avıasııalyq tehnı­kalyq quramy, ushýdy qamtamasyz etý jónindegi avıasııa personaly – úsh jylda bir ret; 4) avıasııalyq qaýipsizdik qyzmetteriniń, qarap tekserý qyzmetteriniń avıasııa personaly – bes jylda bir ret; 5) avıasııa personaly basqa laýazymǵa aýysqan kezde, eger talaptar atqarǵan laýazy­mynan erekshe bolsa – 6 aı ishinde. 7. Avıasııa personaly azamattyq jáne eksperımenttik avıasııaǵa jumysqa qabyldaý kezinde attestattaýdan ótedi. 8. Attestattaýdy júrgizý úshin azamattyq avıasııa uıymdarynda attestattaý komıssııalary qurylady. Attestattaý komıssııalary myna: 1) atqaratyn laýazymyna sáıkestigine; 2) kýáliktiń qoldanylý merzimin uzartý boıynsha; 3) olar ushýǵa tikeleı qaýip tóndirgen áreket jasaǵan nemese kásibı sapalaryn joǵaltqan jaǵ­daılarda azamattyq avıasııa salasyndaǵy talaptardy buzýǵa jol bergen avıasııa perso­nalyn attestattaýdy ótkizedi. 9. Attestattaý komıssııasy músheleriniń sany taq bolyp tabylady jáne keminde bes adamdy quraıdy. Attestattaý komıssııasy otyrys­ta­rynyń kezeńdiligin azamattyq avıasııa uıymy aıqyndaıdy. Attestattaý komıssııasynyń otyrysy komıssııa quramynyń keminde úshten ekisin quraıtyn kvorým bolǵan kezde zańdy. 10. Attestattaý komıssııasy azamattyq jáne eksperımenttik avıasııanyń avıasııa personalyn testileý baǵdarlamasyn ázirlep, ony azamattyq avıasııa salasyndaǵy ýákiletti organmen kelisedi. 11. Attestattaý komıssııasy attestattaýǵa jata­tyn avıasııa personalynyń tizimin daıyn­daıdy. 12. Attestattaý mynadaı kezeńderdi qamtıdy: 1) avıasııa personalyn attestattaýdan ótkizýge daıyndaý; 2) avıasııa personalyn testileý; 3) ótkizilgen attestattaý nátıjeleri bo­ıynsha Attestattaý komıssııasynyń sheshimi. 13. Attestattaý qazaq, orys nemese aǵylshyn tilinde ótkiziledi. Attestattaýǵa jatatyn, biraq dáleldi sebepter boıynsha kelmegen avıasııa personaly attestattaý komıssııasy aıqyndaǵan merzimde attestattaýdan ótedi. 14. Attestattaýǵa arnalǵan suraqtar laýazym­dyq nusqaýlyqtar, biliktilik talaptary, sondaı-aq normatıvtik quqyqtyq aktiler men Qazaqstan Respýblıkasy ratıfıkasııalaǵan azamattyq avıasııa jáne áýe keńistigin paıdalaný salasyndaǵy halyqaralyq sharttar negizinde ázirlenedi. 15. Avıasııa personalyn attestattaý nátı­jeleri boıynsha Attestattaý komıssııasy myna­daı sheshimderdiń birin shyǵarady: 1) attestattaldy; 2) attestattalǵan joq jáne qaıta attes­tattalýǵa tıis; 3) attestattalǵan joq jáne atqaratyn qyzmetine saı emes. 16. Attestattaýdan ótpegen avıasııa persona­ly úsh aı ishinde óz fýnksııasyn júzege asyrady jáne qaıta attestattaýǵa jiberiledi. 17. Attestattaý komıssııasynyń «attestattal­ǵan joq jáne atqaratyn qyzmetine saı emes» degen sheshim qabyldaýy qyzmetin tómendetýge ne Qazaqstan Respýblıkasynyń zańnamasynda belgilengen tártippen attestattalatyn adammen eńbek qatynastaryn buzýǵa negiz bola alady. 18. Attestattaý komıssııasynyń «attestattal­dy jáne atqaratyn qyzmetine saı» degen sheshim qabyldaýy qyzmette joǵarylaý úshin negiz bolady. Avıasııa personalynyń attestattaý komıs­sııasy­nyń sheshimine zańnamada belgilengen tártippen shaǵymdanýǵa quqyǵy bar. 19. Sheshim Attestattaý komıssııasynyń hattamasymen resimdeledi. Hattama nysany azamat­tyq avıasııa uıymy basshysynyń buıry­ǵymen belgilenedi. Sheshim otyrysqa qatysyp otyrǵan Attestattaý komıssııasy músheleri sanynyń qarapaıym kópshilik daýysymen qabyldanady. Attestattaý komıssııasynyń músheleri bergen daýystar teń bolǵan kezde Attestattaý komıs­sııasynyń tóraǵasy daýys bergen sheshim qabyldandy dep sanalady. Hattamaǵa attestattaý komıssııasynyń tóraǵasy men músheleri, sondaı-aq attestattalatyn avıasııa personaly qol qoıady. 20. Avıasııa personalynyń kýálikterin uzartýdy qolmen jáne azamattyq avıasııa uıymynyń mórimen rastalǵan qujattardyń kóshirmeleri men azamattyq avıasııa personalyn testileý nátıjelerin azamattyq avıasııa uıymynyń usynýy boıynsha azamattyq avıasııa salasyndaǵy ýákiletti organ júzege asyrady.