Bilikti bilim ordasyndaǵy bilektiler

Búgingi tańda Astana qala­syndaǵy S.Seıfýllın atynda­ǵy Qazaq agrotehnıkalyq ýnıversıteti – stýdentterdi sport­tyq qy­ry­nan tanytyp júrgen bilim or­dasy. Bylǵary qolǵap­tan ese bermeı júrgen ulttyq qurama elimiz úshin ǵana emes, álem aldynda bıik bedelge ıe. Bul oraıda bylǵary qolǵap sheberi bolýǵa qulshynys jasap jat­qan jastardyń barshy­lyǵy kóz qýantady. Al bilim berý me­ke­mesiniń jas sportshylardy qol­­­dap, baqtaryn baptarymen ush­tastyrýdaǵy eńbekteri erekshe. Atalmysh joǵary oqý orny sportsúıer qaýym nazaryna byl­ǵary qolǵaptan talaı synda top jarǵan jigitter legin usyn­dy. Ke­shegi Gýandchjoýda ótken HVI Jaz­ǵy olımpıada oıyn­da­ry­­nan altyn medal alyp kelgen Danııar Eleýsinov, Beıjiń olım­pıa­dasynda elimiz qurama­sy­nyń sa­pynda óner kórsetken Mereı Aqshalov, sony­men qatar jastar arasyndaǵy óz salmaq dárejesinde Azııa chem­pıony, ha­lyq­aralyq dárejedegi sport sheberi Baqytjan Qoja­bekov syndy jigitterimizdi shar­shy alań­ǵa shy­ǵarǵan S.Seıfýllın atyn­da­ǵy Qazaq agrotehnı­kalyq ýnıversıteti desek, onda bul jetistik ýnıversıtet úshin erekshe mártebe. Bilim jáne ǵylym mınıstrligi Dene tár­bıesiniń ulttyq ǵyly­mı-prak­tıkalyq ortalyǵynyń baǵ­dar­la­ma­syna saı ótetin jo­ǵary oqý oryn­dary stýdentteri arasyn­daǵy VI jazǵy  ýnıversıadanyń bıylǵy jylǵy bokstan birin­shi­liginiń S.Seıfýllın atyndaǵy QazATÝ-da uıym­das­tyrylýy da osy jetis­tik­tiń negizinde bolsa kerek. Asta­nalyq bilim ordasy óz mártebesin ýnıversıada ba­ry­synda taǵy bir sát moıyndatty.  Elimiz­diń túp­kir-túpkirinen 30 komanda bo­ıyn­sha 165 sportshy qatysqan bá­se­ke­de ýnıversıtet qu­ramasy 1-oryn­­dy ıelendi. Sony­men qatar, eń úzdik byl­ǵary qolǵap ıegeri S.Seıfýllın atyndaǵy QazATÝ stýdenti, óz salmaq dárejesinde altyn medal alǵan Nurlan Áb­janov atansa, eń úzdik bapker már­tebesi ýnıversıtet quramasy­nyń jat­tyqtyrý­shysy Janat Manashev­qa bu­ıyr­dy. Erler arasyndaǵy 7 túrli salmaq dárejesinde óner kórse­tip, júldeli bolǵan jas jeńim­pazdardyń jeńisi ýnıversıtet tarapynan Táýelsizdigimizdiń 20 jyldyǵyna arnalsa, elimiz bul jeńimpazdar esimin ulttyq qu­ra­ma tiziminen kórýge múddeli. Bilim men ǵylymdy sportpen tabysty ushtastyrǵan joǵa­ry oqý orny dástúrge saı áli de bylǵary qolǵap sheberleriniń ta­laı býynyn tárbıeleı bermek. Erkejan  KÚNTÝǴAN. Astana.