Ciz ne deısiz?

SIBIR JARASY AÝYLDY ÁBIGERGE SALYP EDI... Byltyrǵy jylǵy osy ýa­qyt­ta Aqsý qalasy aýma­ǵyna qarasty Jolqudyq, Rev­rovka, Qarakól aýylda­ryn­daǵy mal sibir jarasy indetine ushyrap, adam ólimi de oryn alyp, ob­lys­ty biraz dúrliktirgen bo­la­tyn. Biraz basshy qyzmet­te­ri­nen ketken edi. Qazir, mine, jer qara, kún jylyndy. Mal óris­ke shyqty. Byltyrǵy jaǵ­daı­dan sekem alyp qalǵan bizge ha­barlasqan osy aýyldyń tur­­ǵyn­dary kúndelikti iship-jemi etpen, sútpen baıla­nys­ty bol­ǵandyqtan, mal­dyń saýly­ǵy – adamnyń saýly­ǵy dep otyr. Al qoradaǵy maldaryn sibir ja­rasy indeti sharpyp ótken osy aýyldarda qazir qandaı saqtyq shara­lary jasalýda, ákim­dik­tegiler byltyrǵy oqıǵadan qandaı sabaq alǵan eken? «Egemen Qazaqstannyń» Pavlodar oblysyndaǵy tilshisi Farıda Byqaı Aqsý qalalyq veterınarııa bóliminiń bastyǵy Asanbek Ysqaqovqa: – Siz buǵan ne deısiz? – Qazir jaǵdaı baqylaýda. Iаǵnı, búginde barlyq aýyldyq aýmaqtar ákimdikterinde veterınar dári­ger­ler bar. Mal dá­ri­gerleri ar­naıy attestattaýdan ótti. О́tken jyl­dyń oqı­ǵasyna jol bermeý úshin qazirgi kúnderi sibir jara­sy indetine qarsy 10,6 myń iri qara mal, 2,6 myń bas usaq mal, 814 jylqy, 1185 shoshqa egildi. Aldaǵy ýaqytta esepke alynǵan barlyq aýyldyń mal­daryn egý jalǵasatyn bolady. Dári-dár­mek­ter jetkizilýde. Brýsellez aý­rýyna qarsy maldan qan sy­na­malary alynýda. Qalaǵa qarasty aýyldarda qasaphanalar jumys isteıdi. Mal óligi kómiletin 13 kómbe, 11 bıotermııalyq shuńqyr jasalýda. Qala ákimi Orazgeldi Qaıyrgeldi veterınarııa bóli­mi­ne buryndary indet oshaǵy tirkelgen oryndardy naqty­laý jáne mal basyn anyqtaý shara­la­ryn qysqa merzimniń ishinde aıaqtaý týraly tapsyr­ma berdi. – Ár aýylda bir lısenzıat-mal dárigeri epızootııalarǵa qar­sy jumystardy júrgizýde. Olar­dyń barlyǵy bıylǵy jyly Aqsý qalasynyń veterınarııa bólimin­de tirkelip, keli­sim-shart jasal­dy. Epızootııa­ǵa qarsy kóktemgi is-sharalar­dyń sibir jarasy indetine qarsy tórt túlik maldyń bar­lyǵyn egý men qara maldy qan alý arqyly brýsellezge tekserýdi, allergııalyq ádispen týberkýlezge tekserý jáne 4 jasqa tolmaǵan qara maldy qarasan aý­rýyna qarsy egýdiń oryndalýyn jáne maldyń jańa baǵdarlama boıynsha birdeılendirilýin, mal­dyń barlyǵyn kompıýterlik ba­za­ǵa engizýdi aıaqtadyq. Mal jaz­ǵy jaıylymda alańsyz jaıy­lady, aýyldyqtar kóńili tynysh bolady dep oılaımyz. Qaýipti aýrýlardyń aldyn alýda negizgi sharalardyń biri – maldyń soıy­lýyn rettep, qadaǵalaý qatań túrde tekseriledi. Sonymen qatar, Dostyq aýy­lynda shoshqa ósiretin keshen men Qyzyljar qus fab­rı­ka­syn­da qus soıý sehtary jumys isteýde. Pavlodar oblysy.