Taǵy bir batyr qazaq tabyldy

1942 jyly Keńes Odaǵy Batyry ataǵyna usynylǵan tankıst Jumash Rahmetov esimi men erligi 69 jyldan soń málim bolyp otyr ...Bul ózi kút­pe­gen habar boldy. Keshe keshkisin ob­lys­tyq ardagerler ke­ńe­si tóraǵasynyń orynbasary Klara Beıimbetqyzy Aı­mur­zınadan tilshiler qosynyna telefon shalyndy. Tut­qadan tolqynysty daýsy anyq ańǵa­ryl­ǵan apamyz tańdanarlyq ári súıinishti ja­ńalyqty  «Egemen Qazaqstanǵa» birinshi jetkizip turǵandyǵyn aıtty. Al ol máskeýlik jerles­teri­mizdiń «Qazaq eli»  qoǵamdyq uıymynan ha­barlanypty. Sonaý jyldardaǵy surapyl so­ǵys­tan keıin qanshama ýaqyt ótse de buǵan deıin belgisiz bolyp kelgen jaýyngerdiń esimi men erligi tosynnan qaıta jańǵyrýy tańdanarlyqtaı da edi. «Eshkim de umytylǵan joq, eshkim de umytylmaıdy» degen sózdiń aqıqattyǵy sezildi. Bizge ázirge málim bolǵany batyr tankıstiń erlik joldaryn anyqtap, aldymen Qazaqstanǵa  ta­nys­tyrýshy  Reseıdiń Kalının oblysyndaǵy, Olenın aýdandyq   «Orel» áskerı-tarıhı izdestirý ortalyǵy», jetekshisi Dmıtrıı Jýk eken. Ol halqymyzdyń qaharman uly týraly derekti atalǵan aýdan murajaıynan bastap Reseı Federasııasy Qorǵanys mınıstrliginiń Ortalyq muraǵaty qujattary arqyly biraz jyl zerttepti. Jumash Rahmetov! Bul kisi kim?  Máskeýden tús­ken málimet boıynsha 1919 jyly Qaraǵandy obly­sy­nyń Qarsaqpaı aýdanynda dúnıege kelgen asyl aza­mat  1941 jyly Syzran tank ýchılıshesin bitirisimen birden maıdanǵa attanady. Áýelde 1-shi gvar­dııalyq tank brıgadasy 3-shi mehanıkalandyrylǵan korpýsynyń 1-shi tank batalonyndaǵy 2-shi rota­sy­na vzvod komandıri bolyp taǵaıyndalǵan jas ofıser shaıqastarda jaýyngerlerdi urysqa batyl jumyldyrýdaǵy uıymdastyrýshylyǵymen de, jeke batyrlyq úlgisimen de kózge túsedi. Az ýaqyt­ta-aq aǵa leıtenant shenine joǵarylatylady. Bir ózi jaýdyń 11 tankisin joıady.    «Otan soǵysy» jáne Qyzyl Juldyz ordenderi keýdesinde jarqyraǵan 23 jasar jigit maıdandaǵy áıgili esimge aınalady. 1942 jyldyń qyrkúıek- qarasha aılarynda general Katýkovtyń qolbasshylyǵyndaǵy tank kor­pý­synyń quramynda Kalının maıdanynda qarsy­las­tardyń shebin jaryp ótý aıqasyna qatysady. Osy urystarda Olenın aýdanyndaǵy  Novaıa Boıarshına derevnıasy túbinde erlikpen qaza tabady. Sol shaıqastaǵy asqan erligi úshin Keńes Odaǵy Batyry ataǵyna usynylady. Biraq bul marapatqa bekigendigi, ne berilgendigi atalmaıdy. Dmıtrıı Jýk endi sony anyqtaý ústinde ekenin aıtady. Jańadan tabylǵan derek batyr tankıst Jumash Rahmetovtiń týǵan-týysqandary úshin qýa­nyshty habar dep oılaımyz. Onyń jaqyn aǵaıyny Musahan Isaıylov oblystaǵy burynǵy «Pýt kommýnızma» kolhozynda turǵan kórinedi. Odan taraǵan urpaqtar bolsa, batyr atalary týraly málimetti gazet redaksııasynan alýǵa bolady. Aıqyn NESIPBAI. Qaraǵandy.