Jeńis týy jelbireı túsedi

Uly Jeńis meıramy qarsa­ńynda Ekonomıkalyq qylmysqa jáne sybaılas jemqorlyqqa qar­sy kúres agenttiginiń Qarjy polısııasy akademııasynda Uly Otan soǵysynyń ardagerlerimen syndarly kezdesý bolyp ótti. Sum soǵystyń zobalańyn kórip, ólim men ómir aıqasqan qan maıdanda qasyq qany qalǵansha jaýmen shaıqasqan jaýjúrek jan­dardyń jaraly júrekterinen jyl­dar jyljyǵan soń aqtaryl­ǵan syrlaryn akademııanyń pro­fessorlyq-oqytýshylar quramy men tyńdaýshylary zeıin qoıa tyńdady. – Soǵystyń salǵan zardap­taryn keıingi urpaq umytpaýǵa tıis, – dedi jınalǵandar aldynda sóz sóılegen Qarjy akade­mııa­synyń bastyǵy polkovnık Marat Báshimov. Búginde Uly Jeńiske 66 jyl tolyp otyr. Osyǵan oraı biz ardagerlerdi shaqyryp, tyńdaý­shylarmen kezdestirip, olarǵa so­ǵystyń qandaı soıqan áke­letinin jáne el, jer úshin jan aıamaı jaýmen shaıqasa bilý kerektigin maıdanda bolǵan otan qorǵaýshy­lar­dyń óz aýzynan estirtip otyr­myz. Bul ardagerler qatary kúnnen-kúnge sırep bara jatqan ýaqytta óte qajetti is. Onyń jastar úshin tárbıelik máni zor. Munan keıin sóz alǵan aýǵan­dyq ardagerler odaǵynyń tóraǵa­sy, «Nur Otan» HDP saıası keńe­siniń múshesi Sh.О́tegenov, Uly Otan soǵysynyń ardageri B.Galchenko jáne tyl ardageri D.Sýhonosenkolar akademııa tyń­daýshy­laryna óz júrekjar­dy tilekterin jetkizdi. Qazaq­stan jerinde ult­tar dostyǵy nyǵaıyp, shynaıy birlik pen beıbit tirlik jalǵasyn taba bersin dedi. Olar qazirgi álemde bedeli orasan artqan elimizdiń odan ári damı túsýi úshin jáne tynyshtyq pen yntymaqtyń saqtalýyna áli de óz úlesterin qosýǵa daıar ekenin bildirdi. Oqaly kıimdegi syptaı tar­tylǵan tyńdaýshylar sap túzep, soǵys jyldarynda jaýyn­ger­ler­diń júregine jylylyq uıalatqan ásem ánderdi jastyqtyń jalyn­dy jigerimen shyrqaı aldarynan ótkende ardagerler ózderi de maıdanǵa attanarda tap osyndaı tepse temir úzetin qalypta bol­ǵan­dary elestep, solǵyn janar­lary­na jan bitip, kirpikterine tamshy ilindi. Olarǵa búgingi el qorǵaıtyn jańa urpaq legi izet bildirip, qurmet kórsetti. Aǵa urpaqtyń el shetine tóngen qıyn-qystaý kezinde asqan erlik kór­set­kenin olar endi jaqsy túsine­di. Al ardagerler de soǵysta qyr­shyn bolǵandardyń umytylmaı­tyn­dy­ǵyn bildirip, dańq eskertkishine gúl shoqtaryn qoıyp, bas ıdi. Sóıtip, 9 mamyr – Jeńis kú­ni­ne arnalǵan «Jelbire, Jeńis ja­laýy» atty saltantty shara­nyń sońy bı men sazdy áýenge ulasty. Aleksandr TASBOLATOV.