«QazAgroQarjy» AО́K qarjylandyrý mólsherlemesin tómendetpekshi

«QazAgroQarjy» agroóner­kásip­tik keshen sýbektilerin qarjylan­dyrý mólsherlemesin tómendetý jó­nin­de habarlaıdy. Bıylǵy jyldyń mamyr aıynan bastap, kompanııanyń menshikti qarajaty esebinen qarjy­lan­dyrý mólsherlemesi 11,5 pa­ıyz­dan 9 paıyzǵa deıin tómendeıdi. Sonymen birge «QazAgroQarjy» AQ Dırektorlar keńesiniń sheshimimen buryn jasalǵan lızıng shart­tary bo­ıynsha paıyzdyq mólsherle­meler qaı­­ta qaralatyn bolady. My­saly, kom­panııa 2011 jyly menshikti óz qa­ra­jaty esebinen lızıng shart­tarynda qarjylan­dyrǵan sharýashy­lyqtar men agroqu­rylymdar úshin mólsher­le­melerdiń mánin 11,5 paıyz­dan 10,5 paıyzǵa deıin qaıta qaraýdy kózdep otyr. 2009 jyldyń talapta­ryndaǵy lızıng shart­tary boıynsha 12,5 pa­ıyzdan 10,5 paıyzǵa deıin qaıta eseptelmek bolyp josparlanýda. Osy aptanyń basynda keıbir elek­trondyq BAQ «Atameken Odaǵy» Ulttyq ekonomıkalyq palatasynyń basqarma tóraǵasy Azat Perýashevtiń «QazAgro» Ulttyq basqarýshy holdıng» AQ atyna joldaǵan jolda­nymy jarııalanǵan bolatyn (http://nomad.su/?a=4-201105030022). Hatta «Qaz­Agro­Qarjy» AQ tirkelgen syı­aqy mólsherlemesin 11,5 paıyzǵa deıin kó­terýine qatysty aýyl kásip­kerleriniń alańdaýshylyqtary jónin­de sóz qoz­ǵalǵan. Múmkin, «Atameken Odaǵy» basshysyna anyq kózderden alynǵan málimetter berilmegen bolar. 11,5 paıyz mólsherlemesi «QazAgro­Qar­jy» aksıonerlik qoǵamynda eki jyl boıyna qoldanylyp keledi jáne 2010 jyldan bastap ózgerissiz qal­ǵanyn aıta ketkenimiz jón.  2009 jyly kom­panııanyń menshikti qara­jaty esebinen qarjy lızıngisi 12,5% qarjylandyrý mólsherlemesi boıyn­sha berilgen. Bul mólsherlemelerdiń mánderi kredıtor-bankterdiń aldyn­daǵy talaptardy oryn­daý qajet­tili­gine negizdelgen.  Qa­zirgi kezde «Qaz­Agro­Qarjy» kompa­nııasy olardyń al­dyndaǵy mindettemelerdi merziminen buryn ári toly­ǵymen óteý múm­kindigin qarastyrý ústinde. Osynyń negizinde, sondaı-aq, kompanııa qyzmetiniń áleýmettik-baǵdar­lanǵan baǵyttylyǵyn jáne otandyq AО́K damytý boıynsha mindetin eskere kelip, «QazAgroQarjy» menshikti óz qarajaty esebinen qarjylandyrý mól­sher­lemesin tómendetpekshi bolyp otyr. Jalpy, «QazAgroQarjy» AQ eli­mizdiń agroónerkásiptik keshen sýb­ek­­tilerin qarjylandyrý boıynsha 2011 jylǵa arnalǵan sharttary kelesideı: - Respýblıkalyq bıýdjet qara­jaty esebinen qarjylandyrý:  syı­aqy mólsherlemesi – jyldyq 4 paıyz,  7-10 jylǵa deıin. -  Menshikti qarajaty esebinen qarjylandyrý: syıaqy mólsher­leme­si – 9 paıyz,  7-10 jylǵa deıin. - Tartylǵan (qaryz) qara­jat­tary esebinen qarjylandyrý: syı­aqy mól­sherlemesi – 9,9 paıyz, 10 jylǵa deıin. - Aýyldaǵy ınvestısııalyq jo­balardy (Ulttyq qor qarajaty esebinen) qarjylandyrý: syıaqy mól­sherlemesi – 6 paıyz,  5-12 jylǵa deıin, negizgi boryshty óteý boıynsha 2-jyldyq jeńildikti kezeńmen. «QazAgroQarjy» AQ qarajat­ta­ry respýblıka sharýashylyqtary men agro­qurylymdarynyń aýyl sharýa­shylyǵy tehnıkalary parkin jańar­týy úshin, ár túrli óńdeý jabdyq­taryn satyp alýy úshin jáne elimiz­diń aýyl sharýashylyǵyndaǵy joba­lar­dy iske asyrýy úshin kózdelgen. «QazAgroQarjy» AQ – Qazaqstan Respýblıkasy Úkimetiniń qaýlysymen 1999 jyly qurylǵan kompanııa. Negizgi maqsaty – aýyl sharýashylyǵy taýar óndirýshilerine qarjy qarajat­taryn, sonymen qatar lızıng negizinde aýyl sharýashylyǵy tehnıkalary men teh­nologııalyq jabdyqtaryn alý­ǵa qolaı­ly jaǵdaı jasaı otyryp, res­pýb­lıkanyń agrarlyq sektoryn da­mytýǵa qoldaý jasaý.  2000-2010 jyl­dar ara­lyǵynda Qazaqstan Respýblı­kasynyń agroónerkásiptik keshenine 193,2 mlrd. teńge qarjy ınvestısııa­lady, sonymen qatar jalpy somasy 126,3 mlrd.teńgege 16 046 birlik ár túrli aýyl sharýa­shy­lyǵy jáne arnaý­ly tehnıkalar satyp alýǵa qarjylandyrdy.