Qoǵamdyq qabyldaý – tıimdi tetik

Keshe Májilis Tóraǵasy, «Nur Otan» halyqtyq-demo­kra­tııa­lyq partııasynyń Parlamenttegi fraksııasynyń jetekshisi Oral Muhamedjanov atalǵan partııanyń Qoǵamdyq qabyl­daýynda azamattardy ótinishteri boıynsha qabyldaý ótkizdi. Búgingi qabyldaýǵa kelgender­diń arasynda zeınetkerler, sha­ǵyn jáne orta kásipkerlik ókil­deri men memlekettik qyzmet­ker­ler de boldy. Tóraǵanyń qabyl­daýyna kirgender jeke proble­ma­larymen qatar, eldik máselelerdi de kóterip, ózderiniń usynys­ta­ryn da ortaǵa salyp jatty. Soltústik Qazaqstan oblysy Aqjar aýdany Uıaly aýylynyń turǵyny Jumabaı Nurahmetov aqsaqal nemeresin erte kelipti. Onyń aıtýynsha, osydan biraz bu­ryn ol «Alıansstroıınvest» JShS-ine úlestik qatynaspen turǵyn úı salýǵa aqsha quıǵan. Alaıda qurylystyń sozylyp ketýine baılanysty, sot arqyly quıǵan qarjysyn keri qaıtaryp alý týraly aryz talaby qana­ǵat­tandyrylǵanymen, áli de oryndalmaı keledi eken. Oral Baıǵonysuly qarııanyń sózin muqııat tyńdap bolǵan soń, onyń oń sheshilýi múmkindigin aıtyp, osy másele boıynsha JShS bas­shysymen  sóılesýge naqty tap­syr­ma berdi. Kelesi kezekte ózin jeke ká­sipkermin dep tanystyrǵan qara­ǵan­dylyq Sattar Moldabekovtiń fraksııa jetekshisine aıtar usy­nystary bar eken.  Ol aýyl sha­rýashylyǵy ónimderin saqtaýda qysy-jazy birqalyptaǵy temperatýra ustap turatyn shahtalyq uńǵymalardy paıdalanýǵa bola­ryn alǵa tartty. Sondaı-aq jeldi elektr qýatyna aınaldyrý qu­ry­lǵylaryn jasaýǵa elimizde bar­­lyq jaǵdaıdyń barlyǵymen bó­lis­ti. О́kinishke qaraı, qabyl­daý­ǵa kelgen kásipker naqty joba­laryn alyp kelmegen bolyp shyq­ty. Sondyqtan da bul jó­nin­degi másele keıinge ysyryldy. Jalpy, Oral Muhamedjanov ótinishterdiń ishinde ınvestısııa­lyq jobalardy engizý, aýyl sha­rýashylyǵyn damytý máseleleri­ne qatysty azamattar usynys­taryna erekshe nazar aýdardy. Fraksııa jetekshisi ıpotekalyq nesıelendirý jáne turǵyn úı qatynastary máseleleri boıyn­sha qoldanystaǵy zańnamaǵa ózge­rister engizý qajettigi týraly pikirlermen de kelisetindigin bildirdi. Osylaısha kóptegen prob­lemalar sol jerde sheshimin taý­yp jatsa, birqatary tıisti quzy­ret­ti memlekettik organdar tarapynan baqylaýǵa alyndy. Qabyldaý sońynan Májilis Tóraǵasy, «Nur Otan» HDP frak­sııasynyń jetekshisi buqa­ra­lyq aqparat quraldary ókilde­rine arnaıy suhbat berdi. Spıker qabyldaýǵa kelýshiler arasynda jeke basynyń sharýasynan góri qoǵamdyq problemalarǵa kóńil qoıa bastaǵan azamattardyń sany artyp kele jatqanyn atap kór­set­ti. Tóraǵa qazirgi kezde tur­ǵyn­dardy baspana máselesi qı­nap otyrǵandyǵymen de bólise ketti. Jaǵdaıdyń bulaısha ýshy­ǵyp ketýi aýyldyq jerlerge je­ke­niń kelýimen  eki qolǵa bir ju­mys tappaı júrgender kóbeıip, olar qalalarǵa qonystana bas­ta­ǵan. Bolashaqta aýyl turǵyn­dary­nyń sany 10-15 paıyzdan as­paýy múmkin, degen spıker olardyń baspanaǵa qajettiligin báseńdetý jaqyn on jylda júzege asýy múmkindigin de alǵa tartty. Jalpy, fraksııa depýtattary «Nur Otan» HDP Ortalyq appa­ratynda azamattarǵa qabyldaýdy aptasyna eki ret ótkizedi. Jyl ba­synan beri ótkizgen 23 qabyl­daý barysynda azamattardyń 194 aryz-ótinishi qaralsa, sonyń 185-i oń sheshimin tapqan. Tórtinshi sha­qyrylym basynan Úkimet pen memlekettik organdar basshy­lary­nyń atyna joldanǵan saýaldar sany 1871 bolsa, aǵymdaǵy sessııa barysynda 444 de­pýtat­tyq saýal joldanypty. Asqar TURAPBAIULY.