Halyqaralyq aýqymdy sharaǵa qatysyp qaıtty

Malaızııanyń Kýala-Lýmpýr qalasynda ótken ta­bı­ǵı apattar men qorshaǵan ortany qorǵaýǵa arnalǵan Azııa saıası partııalarynyń halyqaralyq konferen­sııa­sy (ASPHK) óziniń Turaqty komıtetiniń 15-shi oty­rysyn, sonymen qosa, ASPHK-nyń halyqaralyq kon­ferensııasyn ótkizdi. Bul halyqaralyq sharaǵa «Nur Otan» HDP atynan Qazaqstan Respýblıkasy Parlamenti Májilisiniń depýtaty, «Nur Otan» HDP Saıası keńesi bıýrosynyń múshesi Nurtaı Sabılıanov qatysty, dep habarlady Májilistiń baspasóz qyzmeti. Turaqty komıtettiń oty­rysynda qorshaǵan ortany qor­ǵaý máseleleri, Taıland jáne Kambodja arasyndaǵy kelispeý­shilik jaǵdaıy, ASPHK-nyń BUU-daǵy baqylaýshysynyń mártebesi týraly jáne basqa da máseleler qozǵaldy. Konferensııada N.­Sa­­bı­l­ıa­nov baıandama jasap, óz sózinde Qazaqstan Prezıdenti, memlekettik organdar men «Nur Otan» HDP qorshaǵan ortany jáne ta­bı­ǵı apattardan halyqty, obek­tilerdi, terrıtorııa­lar­dy qorǵaýdy qamtamasyz etýde quqyqtyq negizdi jetildirýge jáne uı­ym­dasty­rý­shy­lyq jumys­tar­ǵa basa nazar aýdar­aty­nyn aıtyp ótti. Klımattyń ózgerýine baıla­nys­ty BUU-nyń Jıektemeli konven­sııa­syna qatysty Kıoto hatta­ma­sy jáne de ekolo­gııalyq prob­lemalardy sheshýge ba­ǵyttalǵan basqa da qujattar zańmen bekitildi. N.Sabılıanov 2011 jyldyń basynda qa­byldanǵan par­tııa­nyń jańa baǵdarlama­syn­da eldegi eko­logııalyq jaǵ­daıdy jaq­sar­tý jáne halyq­tyń ómir sú­rý sapasyn art­tyrý mindetteri qoıylǵan keshendi ekolo­gııalyq baǵdarla­many jú­zege asyrý jáne damytý maqsaty bekitilgenin basa aıtty. Qazaqstan Parlamentiniń depýtaty konferensııaǵa qa­tysýshylarǵa 1991 jyly el Prezıdenti N.Nazarbaevtyń Jarlyǵymen jabylǵan Semeı ıadrolyq synaq polı­go­nynyń zardaptary týraly jáne de Araldyń ekolo­gııa­lyq apaty jaıly málimet­terdi baıandady. N.Sabılıanov Azııa saıası partııa­lary­nyń halyqaralyq konferen­sııasy Turaqty komıtetiniń «Tabıǵı apattarǵa jáne qor­shaǵan ortany qorǵaýǵa ar­nalǵan Kýala-Lýmpýr dekla­ra­sııasyn» qabyldaý jónin­degi bastamasyn «Nur Otan» partııasy tolyq qoldaı­ty­nyn jetkizdi. Sóz sońynda N.Sabılıanov «Nur Otan» HDP jáne partııa Tóraǵasynyń birinshi orynbasary N.Nyǵmatýlın aty­nan ASPHK-nyń teń tór­aǵasy jáne negizin salýshy qurmetti Hose de Venesııaǵa «Nur Otan» partııasynyń HIII sezinde, sonymen qosa, 2011 jyldyń 3-4 mamyrynda Astanada ótken IV Astana eko­nomıkalyq forýmynda sóz sóılep, belsendi qatys­qany úshin alǵysyn bildirdi. Konferensııa jumysyna Azııanyń 23 elinen 44 saıası partııa ókili qatysty. Konferensııa jumysynyń qory­tyn­dysynda Tabıǵı apattar men qorshaǵan ortany qorǵaý týraly Kýala-Lýmpýr dekla­rasııasy qabyldandy. Aıta ketetin jáıt, konferensııada Azııa parlamentin qurý tý­ra­ly pikir bildirildi.