Keden odaǵynyń keleshegi kemel

Keshe «Nur Otan» HDP-nyń Parlament Májilisindegi frak­sııa­sy janyndaǵy Ekonomıkalyq saıasat jónindegi keńestiń uı­ymdas­tyrýymen «Keden odaǵy Qazaqstan Respýblıkasynyń eko­no­mıkasyn ár­taraptandyrýdyń qozǵaýshy kú­shi» atty dóńgelek ústel bolyp ótti. Otyrysqa Ekonomıkalyq saıasat jónindegi keńes tóraǵasy Kenje­ǵalı Saǵadıev jetekshilik etti. Al Ekonomıkalyq ıntegrasııa jónin­degi mınıstr Janar Aıtjanova, Indýstrııa jáne jańa tehnologııalar birinshi vıse-mınıstri Albert Raý, Qarjy vıse-mınıstri Rýslan Dálenov, Munaı jáne gaz vıse-mınıstri Lázzat Qıynov, Kólik jáne kommýnıkasııalar vıse-mınıstri Azat Bekturov baıandama jasady. Jalpy, elimiz ótpeli kezeń ishinde 400 taýarlyq pozısııalar boıynsha kedendik salyqtar stavkilerine qosylýy boıynsha 3 pen 5 jyl aralyǵyndaǵy jeńildikterge ıe boldy. Mysaly, dári-dármek ón­dirisi men qural-jabdyqtardy shy­ǵarýyna 5 jylǵa arnalǵan nól paıyzdyq salyq belgilengen. Bul rette birtutas kedendik tarıf 10-15 paıyz deńgeıinde ekeni belgili. Sol sııaqty hımııalyq ónimderge arnal­ǵan shıkizatqa 4 jylǵa arnalǵan nól paıyzdyq salyq kózdelipti. Bu­dan basqa tehnıkalyq retteý, ve­terınarlyq, sanıtarlyq jáne fı­tosanıtarlyq talaptarǵa qatys­ty halyqaralyq kelisimder bekitilgen. Sonyń nátıjesinde taýarlarǵa qoıylatyn talaptar qujattary bir-birine jaraı beretin norma ómirge kelgeni málim. Keden odaǵynyń alǵashqy nátı­jeleri kórsetkendeı, 2010 jyly Reseımen ózara saýda-sattyq 27,2 paıyzǵa, al Belorýssııamen 55,8 pa­ıyzǵa ósken. Qazaqstan ónim­deriniń Reseıge eksporty 35,9 paıyzǵa artqany atap óterlik. Sonymen, Keden odaǵy elderimen syrtqy saýda 28,1 paıyzǵa artyp, 12,9 mıllıard AQSh dollarynan 16,5 mıllıard dollarǵa deıin ósip, Qazaqstannyń jalpy saýda aınalymynyń 18,5 paıyzyn qu­raǵan. 2011 jyldyń 1 toqsa­nyn­da elimiz bıýdjetine tús­ken syrt­tan ákelingen taýar­larǵa salyn­ǵan salyq ótken jyldyń osy merzimimen salystyrǵanda 233,2 paıyzǵa artqan. Bul túsimniń 25,3 mıllıard teńgeden 59 mıllıard­qa deıin óskendigin kórsetedi. Dóń­gelek ústelde Qarjy mınıs­trliginiń Kedendik baqylaý komı­tetiniń tóraǵasy Serik Baımaǵan­betov, Qarjy mınıstrligi Salyq komıtetiniń tóraǵasy Dáýlet Er­ǵo­jın jáne Keden odaǵyna qa­tys­ty máselemen aınalysatyn birqatar mınıstrlikter men vedomstvo ókilderi de sóz aldy. Depýtat­tardyń kóptegen suraq­taryna jaýap berildi. Otyrys­tyń qorytyn­dylary boıynsha tıisti usynystar ázirlendi. Asqar TURAPBAIULY.