Qazaqstan Respýblıkasy Úkimetiniń qaýlysy №319

2011 jylǵy 31 naýryz                №319                      Astana, Úkimet úıi Azamattyq áýe kemelerin paıdalanýshylarǵa qoıylatyn sertıfıkattyq talaptardy bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasy Zańynyń 13-babynyń 47) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Azamattyq áýe kemelerin paıdalanýshylarǵa qoıylatyn sertıfıkattyq talaptar bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri         K.MÁSIMOV. Qazaqstan Respýblıkasy Úkimetiniń 2011 jylǵy 31 naýryzdaǵy №319 qaýlysymen bekitilgen Azamattyq áýe kemelerin paıdalanýshylarǵa qoıylatyn sertıfıkattyq talaptar 1. Jalpy erejeler 1. Osy Azamattyq áýe kemelerin paıdalanýshylarǵa qoıylatyn sertıfıkattyq talaptar (budan ári – Sertıfıkattyq talaptar) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańyna jáne Qazaqstan Respýblıkasy qatysýshy bolyp tabylatyn tıisti halyqaralyq sharttardy eskere otyryp, ózge de normatıvtik quqyqtyq aktilerge sáıkes ázirlendi. 2. Sertıfıkattyq talaptar áýe tasymaldaryn, avıasııalyq jumystardy, sondaı-aq jalpy maqsattaǵy avıasııa maqsatynda ushýdy júzege asyratyn azamattyq áýe kemelerin paıdalanýshylarǵa qoıylatyn talaptardy belgileıdi. 3. Osy Sertıfıkattyq talaptarda paıdalanylatyn termınder men anyqtamalar: 1) paıdalanýshy – áýe kemelerin paıdalanýmen aınalysatyn nemese osy salada óz qyzmetterin usynatyn jeke nemese zańdy tulǵa; 2) ushýdy júrgizý jónindegi nusqaý – ushý qaǵıdasyn, ushýdy uıymdastyrýdy, qamtamasyz etýdi jáne oryndaýdy reglamentteıtin qujat; 3) tehnıkalyq qyzmet kórsetýdi retteý jónindegi paıdalanýshynyń nusqaý – osy paıdalanýshynyń áýe kemelerine tehnıkalyq qyzmet kórsetý jónindegi barlyq josparly jáne jospardan tys jumystardyń ýaqtyly ári qanaǵattandyrylǵan túrde oryndalýyn basqarý múmkindigin qamtamasyz etetin paıdalanýshynyń rásimderi sıpattaýlaryn qamtıtyn qujat; 4) paıdalanýshylardyń ushý qaýipsizdigin basqarý jónindegi nusqaýlyq – ushý qaýipsizdiginiń deńgeıin arttyrýǵa baǵyttalǵan sharalar men qaǵıdalar kesheni; 5) tehnıkalyq qyzmet kórsetý – áýe kemesin ushýǵa daıyndaý kezinde, ushýdan keıin, saqtaý jáne tasymaldaý kezinde áýe kemesiniń ushý jaramdylyǵyn (qalpynda bolýyn, jumysqa qabilettiligin jáne durys jumys isteýin) qoldaý úshin avıasııalyq tehnıkada oryndalatyn jumystar kesheni; 6) nómirli qujattama – ushýǵa áýe kemesin memlekettik tirkeýdi jáne onyń jaramdylyǵyn resimdeýge, jasaýshy zaýytta belgili bir nómirmen tirkelgen áýe kemesiniń osy danasy úshin ǵana jaramdy áýe kemesiniń jumys atqarymyn jáne tehnıkalyq jaı-kúıin esepke alýǵa arnalǵan qujattama. 2. Paıdalanýshynyń uıymdyq qurylymy 4. Paıdalanýshy qyzmet túrine, paıdalanylatyn áýe kemeleriniń tıpine qaraı uıymdyq qurylymǵa kiretin qajetti qurylymdyq bólimsheler men qyzmetterdiń tizbesin ázirleıdi jáne bekitedi: 1) ushý qyzmeti; 2) ınjenerlik-avıasııalyq qyzmet; 3) óndiristik-dıspetcherlik bólimshe; 4) ushý qaýipsizdigi jónindegi ınspeksııa; 5) tasymaldardy uıymdastyrý qyzmeti; 6) bortserikter qyzmeti; 7) avıasııalyq qaýipsizdik qyzmeti; 8) eńbek qorǵaý nemese eńbekti qorǵaýdyń jaı-kúıi úshin jaýapty qyzmet. 5. Paıdalanýshy óz kúshterimen nemese basqa uıymdarmen sharttardyń negizinde mynadaı jumys túrlerin júrgizýdi qamtamasyz etedi: 1) avıasııalyq tehnıkaǵa tehnıkalyq qyzmet kórsetý jáne ony jóndeý; 2) ushý aqparatyn óńdeý jáne taldaý; 3) tasymaldardy uıymdastyrýdy qamtamasyz etý; 4) ushýdy medısınalyq qamtamasyz etý jáne medısınalyq kýálandyrýdan ótý; 5) meteorologııalyq qamtamasyz etý; 6) aeronavıgasııalyq qamtamasyz etý; 7) avıasııalyq personaldyń biliktiligin arttyrý jáne trenajerde daıyndalýyn qamtamasyz etý; 8) avıasııalyq qaýipsizdikti qamtamasyz etý; 9) áýe kemeleriniń turýyn (turaǵyn) qamtamasyz etý; 10) qoný men ushyp shyǵýdy qamtamasyz etý; 11) jolaýshylar men júkterge qyzmet kórsetý; 12) izdestirý jáne avarııalyq-qutqarý qyzmetterin qamtamasyz etý; 13) janar-jaǵarmaı materıaldarymen qamtamasyz etý; 14) bort taǵamymen qamtamasyz etý. 6. Paıdalanýshy qurylymdyq bólimsheler týraly erejeni bekitedi, onda qyzmetkerler men basshylardyń paıdalanýshy iske asyratyn barlyq máseleler jıyntyǵy qamtylatyn mindetteri men fýnksııalary kórsetilgen. 7. Paıdalanýshyda áýe kemeleriniń ushýyn uıymdastyrý jáne jedel basqarý, áýe kemeleriniń ushýǵa jaramdylyǵyn qamtamasyz etý jónindegi jumystardy oryndaý, ushý aqparatyn taldaý, avıasııalyq tehnıkanyń senimdiligi jáne ushý qaýipsizdigi jónindegi derekterdi jınaý jáne óńdeý, paıdalaný-tehnıkalyq jáne áýe kemeleriniń negizgi jáne jınaqtaýshy buıymdaryna arnalǵan nómirli qujattamany esepke alý jáne saqtaý úshin jabdyqtalǵan menshiktik nemese sharttyq negizdegi óndiristik bazasy bolady. 8. Shet memleketterdiń aýmaǵynda kommersııalyq áýe tasymaldaryn nemese avıasııalyq jumystardy oryndaıtyn paıdalanýshy áýe tasymaldaryn nemese avıasııalyq jumystardy jedel basqarý jáne baqylaý úshin áýe kemelerimen senimdi baılanys arnalaryn qamtamasyz etedi, sondaı-aq azamattyq avıasııa salasyndaǵy ýákiletti organǵa oryndalǵan reıster, ushý óńirleri jáne tasymaldanatyn júkterdiń sıpattamasy týraly aı saıynǵa aqparatty usynady. 9. Halyqaralyq ushýdy oryndaǵan kezde paıdalanýshy ushý oryndalatyn memleketterdiń zańnamasyna sáıkes saqtandyrýdyń mindetti túrlerin qamtamasyz etedi. 3. Paıdalanýshynyń basshy qyzmetkerleri 10. Paıdalanýshy shtatta mynalarǵa jaýapty basshy personal laýazymdaryn kózdeıdi: áýe kemeleriniń ushýyn paıdalaný qaǵıdalaryn saqtaý; áýe kemelerine tehnıkalyq kómek kórsetý jáne jóndeý qaǵıdalaryn saqtaý; ushýdyń uıymdastyrylýyn, josparlanýyn jáne oryndalýyn jedel baqylaýdy qamtamasyz etý; áýe tasymaldaryn jáne/nemese avıasııalyq jumystardy qamtamasyz etýdi uıymdastyrý; avıasııalyq qaýipsizdikti qamtamasyz etý; ushý qaýipsizdigin qamtamasyz etýdi uıymdastyrý; sapany basqarý. 4. Paıdalanýshynyń qujattamalar júıesi 11. Paıdalanýshy ushýdy júrgizý jónindegi nusqaýdy jáne paıdalanýshynyń tehnıkalyq qyzmet kórsetýdi retteý jónindegi nusqaýdy, sondaı-aq basshylyq erejelerin jeke quramǵa deıin ýaqtyly jetkizý tártibin ázirleıdi jáne engizedi. 12. Nusqaý: áýe kemeleriniń jańa úlgilerin satyp alǵan (jalǵa nemese menshikke); azamattyq avıasııa salasyndaǵy ýákiletti organ jańa normatıvtik quqyqtyq aktilerdi qoldanysqa engizgen ne paıdalanýshynyń qyzmetin reglamentteıtin qoldanystaǵy normatıvtik quqyqtyq aktilerge ózgerister engizgen jaǵdaıda qaıta qaralady jáne tolyqtyrylady. 13. Paıdalanýshy osy áýe kemesinde ushýdy júrgizýge jáne qamtamasyz etýge qatysty bóliginde ushýdy júrgizý jónindegi nusqaýdyń jáne paıdalanýshynyń tehnıkalyq qyzmet kórsetýdi retteý jónindegi nusqaýdyń tıisti bólimderinen ekıpaj jáne ınjenerlik-tehnıkalyq personal úshin qajetti aqparattyń áýe kemesiniń bortynda bolýyn qamtamasyz etedi. 14. Paıdalanýshylar bes myń kılogramnan kem eń joǵary sertıfıkattyq ushý massasymen áýe kemelerin paıdalanatyn jalpy maqsattaǵy avıasııanyń paıdalanýshylaryn qospaǵanda, paıdalanýshynyń ushý qaýipsizdigin basqarý júıesin engizedi. Paıdalanýshynyń qurylymynda tehnıkalyq qyzmet kórsetý jónindegi óz uıymy bolǵan kezde paıdalanýshy tehnıkalyq qyzmet kórsetý kezinde qaýipsizdikti basqarý júıesin engizedi. 5. Aeronavıgasııalyq qamtamasyz etý 15. Paıdalanýshy aeronavıgasııalyq aqparat qyzmetin qurady nemese aeronavıgasııalyq qamtamasyz etý basqa uıymdarmen jasalǵan sharttar boıynsha júzege asyrylatyn bolsa, jaýapty adamdy taǵaıyndaıdy. 16. Paıdalanýshy ekıpajdardy qoldanystaǵy aeronavıgasııalyq aqparat qujattarymen, ushý jáne bort kartalarymen, ushý aldyndaǵy aqparat bıýlletenderimen nemese NOTAM (aeronavıgasııalyq jabdyqtaǵy, qyzmet kórsetýdegi ózgerister, rásimder týraly, ushýdaǵy yqtımal qaýipter týraly ushqyshtarǵa arnalǵan habarlama), ushý úshin málimdelgen áýeaılaqtarda ushýdy daıyndaý jáne oryndaý úshin qajetti aldyn ala navıgasııalyq eseptermen jáne paıdalaný mınımýmdarymen qamtamasyz etedi. 17. Paıdalanýshy borttyq aeronavıgasııalyq derekqorlary bar pılotaj-navıgasııalyq keshender men navıgasııalyq júıelerdi paıdalaný kezinde jasalǵan sharttar (kelisimsharttar) negizinde sertıfıkattyq ónim berýshilerdiń derekqorlaryn qoldana otyryp, olardyń ýaqtyly aýystyrylýyn (jańartylýyn) qamtamasyz etedi. 6. Paıdalanýshylardyń ushý jumysyn uıymdastyrý 18. Paıdalanýshynyń ushý jumysyn uıymdastyrý Qazaqstan Respýblıkasynyń Úkimeti bekitetin Qazaqstan Respýblıkasynyń azamattyq avıasııasynda ushý jumystaryn uıymdastyrý jónindegi qaǵıdaǵa sáıkes júzege asyrylady. 19. Paıdalanýshynyń ushý qyzmeti: 1) ushý jáne basshy quramyn daıarlaýdy, qaıta daıarlaýdy jáne olardyń kásibı deńgeıin qoldaý men arttyrýdy uıymdastyrýdy jáne júzege asyrýdy, ushý quramyn (bortoperatorlar men bortserikterdi qosa alǵanda, eger olar ushý qyzmetiniń quramyna kirse) ushýǵa jiberýdi; 2) ushý quramynyń ushý jumysyn, jumys ýaqytyn jáne tynyǵý ýaqytyn josparlaýdy; 3) áýe kemeleriniń ekıpajdaryn qalyptastyrýdy; 4) ushý-ádistemelik jumysty uıymdastyrýdy, ushý-shtabtyq qujattamany júrgizýdi jáne is júrgizýdi; 5) áýe kemeleri ekıpajdarynyń múshelerin ushýǵa jiberýdiń belgilengen qaǵıdalaryn jáne rásimderin saqtaýdy; 6) ekıpajdardy aldyn ala jáne ushý aldynda daıyndaýdy júrgizýdi; 7) ekıpajdar qyzmetin júıeli baqylaýdy jáne taldaýdy; 8) ushý qaýipsizdiginiń jaı-kúıin taldaýdy; 9) ushý aqparaty materıaldaryn taldaýdy; 10) avıasııalyq oqıǵalardy nemese ınsıdentterdi boldyrmaý boıynsha profılaktıkalyq is-sharalardy; 11) ushý qyzmetin reglamentteıtin normatıvtik aktiler men basqa da qujattardy ózekti etýdi qamtamasyz etedi. 20. Paıdalanýshynyń avıasııalyq personaly Qazaqstan Respýblıkasynyń zańnamasynda belgilengen tártippen beriletin, qoldanystaǵy kýáliktermen (sertıfıkattarmen) jáne qajetti biliktilik belgileri men ruqsat berýleri bar basqa da qujattarmen rastalatyn biliktilik talaptaryna sáıkes keledi. 21. Qazaqstan Respýblıkasy azamattyq avıasııasynyń basqa uıymdarynyń ushý quramyn ýaqytsha negizde paıdalanatyn paıdalanýshy osy Sertıfıkasııalyq talaptarǵa qosymshaǵa sáıkes ushý quramynyń árbir múshesiniń mamandar kýálikterine astarlardy resimdeıdi. Astarlar jumys berýshi basshylarynyń qolymen jáne mórimen rastalady. 7. Tehnıkalyq qyzmet kórsetýdi uıymdastyrý 22. Paıdalanýshy Qazaqstan Respýblıkasynyń Úkimeti bekitken Azamattyq avıasııanyń avıasııalyq tehnıkasyna tehnıkalyq qyzmet kórsetý jáne jóndeý jónindegi uıymdy sertıfıkattaý jáne sertıfıkat berý qaǵıdasyna sáıkes azamattyq avıasııa salasyndaǵy ýákiletti organ beretin qoldanystaǵy sertıfıkaty bar avıasııalyq tehnıkaǵa qyzmet kórsetý jáne jóndeý jónindegi óz uıymynyń nemese avıasııa tehnıkasyna tehnıkalyq qyzmet kórsetý jáne jóndeý boıynsha basqa sertıfıkattalǵan uıymdarmen shart boıynsha áýe kemelerine qyzmet kórsetýin jáne jóndeýin qamtamasyz etedi. 8. Kommersııalyq áýe tasymaldary 23. Turaqty kommersııalyq áýe tasymaldaryn oryndaǵan kezde avıakopanııada keminde 2 áýe kemesi mólsherinde bir synypty áýe parki bolady, bul rette rezevtik áýe kemesiniń jolaýshylar syıymdylyǵy aýystyratyn áýe kemesiniń jolaýshylaryn tasymaldaýdy qamtamasyz etedi. Rezerv retinde sharttar (kelisimsharttar) boıynsha Qazaqstan Respýblıkasynan tysqary jerde paıdalanylatyn áýe kemesi qarastyrylmaıdy. 9. Avıasııalyq jumystar 24. Avıasııalyq jumystardy oryndaıtyn paıdalanýshy mynalardyń bolýyn qamtamasyz etedi: 1) avıasııalyq jumystardyń málimdelgen túrlerin oryndaýǵa arnalǵan jáne jabdyqtalǵan áýe kemeleri; 2) avıasııalyq jumystardyń málimdelgen túrin oryndaýǵa jiberilgen personal; 3) avıasııalyq jumystardyń málimdelgen túrin oryndaýǵa arnalǵan sertıfıkattyq tehnıkalyq quraldar. 25. Paıdalanýshy avıasııalyq jumystardyń naqty túrlerin oryndaý tártibin, sondaı-aq ýaqytsha áýeaılaqtardy jáne olardyń jabdyǵyn jaramdy jaı-kúıde paıdalaný jáne qoldaý tártibin ázirleıdi. 26. Paıdalanýshy tıisti aýmaqtardyń ekologııalyq erekshelikterimen nemese osy aýmaqta kólik quraldary men adamdardyń bolýynyń erekshe rejımimen baılanysty avıasııalyq jumystardy oryndaýǵa shekteýler belgileıdi.   10. Jalpy maqsattaǵy avıasııa 27. Jalpy maqsattaǵy avıasııany paıdalanýshy: 1) áýe kemeleriniń ushý jaramdyǵyn qoldaý, áýe kemeleriniń negizgi jáne jınaqtaýshy buıymdaryna arnalǵan paıdalaný-tehnıkalyq jáne nómirli qujattamalardy saqtaý boıynsha jumystardy oryndaýdy qamtamasyz etedi; 2) málimdelgen áýe kemelerine tehnıkalyq qyzmet kórsetýdi jáne jóndeýdi uıymdastyrady; 3) áýe kemeleriniń isten shyǵýy men aqaýlyqtary týraly derekterdi esepke alýdy, áýe kemeleriniń jumys atqarymyn esepke alýdy júrgizedi; 4) áýe kemesiniń bortynda borttyq ózijazǵysh bolǵan kezde ushý aqparatyn óńdeýdi júrgizedi; 5) ushýdy qamtamasyz etýdiń medısınalyq, meteorologııalyq, aeronavıgasııalyq jáne basqa da túrlerin uıymdastyrady; 6) ushý qaýipsizdigin jáne avıasııalyq qaýipsizdikti qamtamasyz etý boıynsha sharalardy júzege asyrady. 28. Bes myń jeti júz kılogramnan joǵary eń kóp sertıfıkattalǵan ushý massasymen ushaqtardy jáne (nemese) bir nemese birneshe týrboreaktıvtik (týrboburamalyq) qozǵaltqyshtarmen jaraqtalǵan ushaqtardy paıdalanatyn paıdalanýshy áýe kemesiniń bortynda osy áýe kemesinde ushýdy júrgizý men qamtamasyz etýge qatysty bóliginde ushýdy júrgizý jónindegi nusqaýdyń jáne paıdalanýshynyń tehnıkalyq qyzmet kórsetýdi retteý jónindegi nusqaýdyń tıisti bólimderinen qujattardyń bolýyn qamtamasyz etedi. 29. Bes myń jeti júz kılogramnan joǵary eń kóp sertıfıkattalǵan ushý massasymen ushaqtardy jáne eń kóp sertıfıkattalǵan ushý massasyna qaramaı tikushaqtardy paıdalanatyn paıdalanýshy áýe kemesiniń bortynda áýe kemesiniń ushýyn uıymdastyrý jáne oǵan tehnıkalyq qyzmet kórsetý jóninde qajetti aqparattyń bolýyn qamtamasyz etedi. 30. Paıdalanýshynyń (ótinish berýshiniń) áýe kemeleri málimdelgen óńirlerde ushýdy oryndaý úshin belgilengen talaptarǵa sáıkes jabdyqtalǵan jáne qoldanystaǵy ushýǵa jaramdylyq sertıfıkaty men memlekettik tirkeý týraly kýáligi bolady. 11. Qaýipti júkterdi tasymaldaý 31. Paıdalanýshy qaýipti júkterdi tasymaldaý quqyǵyn alý úshin mynalardyń: 1) qaýipti júkterdi tasymaldaý jónindegi biliktilik deńgeıin rastaıtyn qujaty bar, sondaı-aq paıdalanýshynyń atynan qaýipti júkterdi áýe tasymalyna jiberý (jiberýden bas tartý) týraly jáne qaýipti júkterdiń synybyna (sanatyna) qaraı olardy tasymaldaý sharttary týraly sheshim qabyldaý quqyǵy berilgen jaýapty mamannyń; 2) qaýipti júkterdi tasymaldaý boıynsha belgilengen tártippen oqytylǵan jáne qaýipti júkterdi tasymaldaýǵa jiberilgenin rastaıtyn qoldanystaǵy qujattary bar pılottardyń, bortınjenerlerdiń, bortoperatorlardyń, bortserikterdiń; 3) bagaj-júk bólmeleri ushýǵa jaramdylyq normalarynyń talaptaryna saı keletin jáne azamattyq avıasııa salasyndaǵy ýákiletti organ bekitetin Azamattyq áýe kemelerinde qaýipti júkterdi tasymaldaý jónindegi nusqaýlyqtyń talaptaryna sáıkes qaýipti júkterdiń qaýipsiz tasymaldanýyn júzege asyrýǵa múmkindik beretin áýe kemeleri. 12. Avıasııalyq qaýipsizdik 32. Turaqty áýe tasymaldaryn oryndaıtyn avıakompanııanyń qurylymynda avıasııalyq qaýipsizdik qyzmeti bolady. Avıasııalyq jumystardy jáne turaqty emes áýe tasymaldaryn oryndaıtyn paıdalanýshynyń qurylymynda avıasııalyq qaýipsizdik jónindegi jaýapty tulǵa bolady. 33. Turaqty áýe tasymaldaryn oryndaıtyn avıakompanııalardyń avıasııalyq qaýipsizdik qyzmetiniń basshysy, sondaı-aq turaqty emes tasymaldardy jáne avıasııalyq jumystardy oryndaıtyn paıdalanýshynyń avıasııalyq qaýipsizdik jónindegi jaýapty tulǵasy ulttyq qaýipsizdik organymen kelisim boıynsha taǵaıyndalatyn, avıakompanııanyń birinshi basshysyna tikeleı baǵynysty Qazaqstan Respýblıkasynyń azamaty ǵana bola alady. 34. Paıdalanýshy azamattyq avıasııa qyzmetin retteıtin normatıvtik quqyqtyq aktilerdiń talaptaryna sáıkes avıasııalyq qaýipsizdik jónindegi avıasııa personalyn daıarlaýdy uıymdastyrady.   13. Áýe kemelerin jaldaý (lızıng) 35. Áýe kemesin jaldaý kezinde paıdalanýshy (jalǵa alýshy) ushýdy júrgizý jónindegi nusqaýǵa jáne paıdalanýshynyń tehnıkalyq qyzmet kórsetýdi retteý jónindegi nusqaýǵa jalǵa alynǵan áýe kemesin paıdalaný men tehnıkalyq qyzmet kórsetý erekshelikterine jáne jalǵa berýshi men jalǵa alýshynyń ózara is-qımylyna qatysty tıisti ózgerister men tolyqtyrýlar engizedi. 36. Jalǵa alynǵan áýe kemeleri (sonyń ishinde shetelde jalǵa alynǵan) olardy belgilengen tártippen paıdalanýshy sertıfıkatyn paıdalaný jónindegi arnaıy erejege, avıasııalyq jumystardy oryndaýǵa arnalǵan kýálikke, jalpy maqsattaǵy avıasııanyń ushýyn oryndaý quqyǵyna arnalǵan kýálikke engizgennen keıin ǵana ushýǵa jiberiledi. Áýe kemeleriniń paıdalaný jónindegi arnaıy erejege engizilý merzimi jaldaý (lızıng) týraly kelisimniń qoldanylý merziminen aspaıdy. Jaldaý (lızıng) týraly kelisimniń qoldanylýyn uzartqan kezde paıdalaný jónindegi arnaıy ereje qaıta resimdeledi jáne jaldaýdyń (lızıngtiń) qoldanylý merzimine uzartylady. 14. Eńbek qorǵaý jáne ekologııalyq qaýipsizdik 37. Paıdalanýshy Qazaqstan Respýblıkasynyń qaýipsizdik jáne eńbekti qorǵaý salasyndaǵy zańnamasyna sáıkes personaldyń jumys jaǵdaıyn qamtamasyz etedi, eńbekti qorǵaý jónindegi qajetti normatıvtik aktileri bolady, eńbekti qorǵaý jónindegi talaptardy saqtaý boıynsha uıymdastyrý jáne tehnıkalyq is-sharalardy ázirleıdi jáne júzege asyrady. 38. Paıdalanýshy áýe kemelerin paıdalaný jáne tehnıkalyq qyzmet kórsetý kezinde Qazaqstan Respýblıkasynyń ekologııalyq qaýipsizdik salasyndaǵy zańnamasyna sáıkes ekologııalyq qaýipsizdik talaptaryn saqtaýdy qamtamasyz etedi. Azamattyq áýe kemelerin paıdalanýshylarǵa qoıylatyn sertıfıkattyq talaptarǵa  qosymsha Nysan ASTAR T.A.Á. _______________________________ Pılot kýáligi № ________ Atqaratyn qyzmeti ___________________________ ________________________________________________________________ (uıym ataýy) Jumysqa qabyldaý týraly buıryq ___________________________ (№, kúni) __________bastap _________________kezeńge jaramdy MO Avıakompanııa basshysy ___________ ______________ (qoly)             (T.A.Á.)