Bankırlerdiń máıitteri tabyldy

“Nurbanktiń” top-menedjeri qyzmetin atqarǵan Joldas T­e­mirálıev pen Aıbar Hasenov 2007 jyly  iz-túzsiz joǵalyp ketken edi. Olardyń joǵalýyna baıla­nys­ty buqaralyq aqparat qural­darynda túrli joramaldar jazy­l­dy. Sondyqtan osy kezge deıin atalǵan oqıǵaǵa naqty núkte qo­ıylmaǵan bolatyn. Osyǵan oraı keshe elimizdiń Bas prokýratýrasy J.Temirálıev pen A.Hasenovtiń máıitteri tabylǵanyn habarlady. Kezinde Álıev, Koshlıak, Mu­saev­tyń basshylyǵymen jáne bas­qa­lardyń qatysýymen ózgeniń múl­kin bopsalaý maqsatynda «Nur­bank» aksıonerlik qoǵamy­nyń menedjerleri Ábilmájin Gılımov, Joldas Temirálıev jáne Aıbar Ha­senovti urlaýǵa baıla­nysty 2007 jyldyń qańtar-aq­pan aıla­ryn­da oryn alǵan oqıǵa­lar oqyrmandarǵa belgili. Joǵa­ry­da atalǵan osy adam­dar Al­maty qalasyndaǵy Al­maly aýdan­dyq sotynyń úkimimen uıymdas­qan qylmystyq top qurý, adam­dar­dy urlaý, ózgeniń múlkin urlaý jáne bopsalaý boıynsha aıypty dep tabylyp, sottalǵan bolatyn. Biraq Álıev, Koshlıak, Mu­saev, Sapojnıkov, Imashev Avs­t­rııa­nyń aýma­ǵyn­da sot tóreliginen ja­syrynyp qaldy. «Nurbanktiń» urlanǵan me­nedjer­leriniń ekeýi Joldas Te­mirálıev pen Aıbar Hasenov Qa­zaqstannyń quqyq qorǵaý organ­dary qabyldaǵan teńdessiz shara­lar­ǵa qaramastan, sol ýaqytta ta­byl­mady. Sodan urlanǵan bankırlerdi izdeý jumystary osy ýaqytqa deıin jalǵasty. Nátıjesinde, 2011 jyl­dyń 13 mamyrynda Almaty qa­la­synyń taý bókterindegi «Qaztele­ra­dıonyń» qoımalar bazasynyń aý­maǵynda 3-3,5 metr tereńdikte  temir bóshkelerge jerlengen jáne aq bal­shyq­pen jasyrylǵan eki shirigen máıit qazyp alyndy, dedi Bas pro­ký­ra­týranyń resmı ókili Jandos О́mir­álıev.  Máıitterdiń bas­taryna qara bas kıimder kıgizilgen, polıetı­len qapshyqtarmen oralǵan, moıyn­dary jippen jáne sym temirmen baılanǵan eken. Máıitterdi aldyn-ala qaraý ná­tıjesi boıynsha olardy Joldas Temirálıev pen Aıbar Hasenovtiki dep joramaldaýǵa bolady. Osyn­daı tujyrym jasaýǵa my­na­daı negizder bar deıdi resmı ókil. Birinshiden, máıitter tabyl­ǵan oryn buryn tergeý bary­synda qylmys qurbandarynyń jerlengen orny bolýy múmkin aýmaq retinde anyqtalǵan bola­tyn. Biraq izdeý jumystary má­ıit­terdiń tabylǵan jerinen 100-150 metr joǵaryda júrgizilgen kórinedi. Ekinshiden, 2007 jylǵy  aq­pan­nyń 9-nan 10-na qaraǵan túni Te­mirálıev pen Hasenovti belgisiz ba­ǵytqa alyp ketken ýaqytta qyl­mys­kerlerdiń dál osy máıitti tap­qan aýdanda bolǵandary týraly tergeýde jetkilikti derekter bar deıdi. Úshinshiden, qylmyskerler bankırlerdi alyp keter aldynda olar­dyń bastary men betterin qara tústi bas kıimdermen japqan. Tórtin­shiden, dál sol kezde Hasenovtiń shashyn taqyrlap alyp tastaǵan, al tabylǵan máıitterdiń bireýiniń bas súıeginiń shashy osylaısha alynǵan. Besinshiden, máıitterdiń bireýinde «Blazer» etıketkasy saqtalǵan ish kıimniń qaldyqtary tabylǵan, Ha­senovtiń zaıyby buryn onyń kú­ıeýinde dál osyndaı ish kıim baryn aıtqan eken. Sonymen qatar, máıit­terdiń birinen tabylǵan tis protezi saralanǵan sıpattamalary boıynsha Temirálıevtiń tis protezine sáıkes keledi. Qazirgi ýaqytta Qazaqstan ma­mandary Germanııanyń sarap­shy­laryn tarta otyryp, máıitterge sa­rap­tamalyq tekserý júrgizýde. Jýyq arada bıologııalyq, fızı­ko-tehnıkalyq jáne genomdyq saraptamalar júrgiziledi jáne osy­lardyń nátıjeleri  99,9 paıyz má­ıit­terdiń kimdiki ekenin anyq­taýǵa múmkindik beredi. Sóıtip qazirgi tań­da atalǵan máıitterdiń tabylý deregi boıynsha qylmys­tyq is qoz­ǵalǵan. Bas proký­ror­dyń qaýlysy­men Bas prokýratýra, ishki ister jáne ulttyq qaýip­sizdik organdary­nyń qyzmet­ker­leri­niń qu­ra­mynan jedel-tergeý toby qurylyp jáne olar barlyq qajetti jedel-tergeý jumys­taryn júrgizýde. Sonymen qatar, Bas prokýra­týra­nyń resmı ókili keshe uıym­dasqan qylmystyq top qura­myn­da birneshe qylmys jasaǵany úshin sezikti bolǵan Maqatov Ra­hym­jannyń jaýapkershilikten boı tasalaý maqsatynda,  Aqtóbe oblysy Ulttyq qaýipsizdik komı­teti­niń  ǵımaratynda  ózin-ózi  jaryp jibergendigin habarlady. R.Maqatov qoldan jasalǵan kúshi shaǵyn jarylǵysh qon­dyr­ǵyny qol­­danǵan. Jarylys sal­dary­nan R.Maqatov oqıǵa ornynda kóz jum­ǵan, qasynda bolǵan 2 adam jara­lan­ǵan. Olarǵa medı­sına­lyq kómek kórsetildi, deıdi J.О́mirálıev. Bul fakti boıynsha da qylmystyq is qozǵalyp, qazir qajetti jedel tergeý is-sharalary júrgizilýde.