«Dıplommen – aýylǵa!»

Qazaq ulttyq agrarlyq ýnıversıtetiniń uıymdastyrýy­men  el Táýelsizdiginiń 20 jyldyǵyna oraı «Dıplommen – aýyl­ǵa!» atty jastar forýmy ótti. Forýmnyń maqsaty – «Dıplommen – aýylǵa!» memlekettik baǵdarlamasyn qoldaý, ony nasıhattaý. Atalmysh  jıynǵa ál-Farabı atyndaǵy QazUÝ,  Abaı atyn­da­ǵy QazUPÝ, T.Júrgenov atyndaǵy О́ner akademııasy, S.Asfendııarov atyndaǵy QazUMÝ men Qazaq memlekettik qyzdar pedagogıkalyq ýnıversıtetterinen 100-den asa belsendi stýdent jastar, «Jas Otan» jastar qanatynyń ókilderi qatysty. Jıynǵa jınalǵan jastar óz oılaryn ortaǵa salyp, stýdentterdi aýylǵa kóptep tartý jáne olarǵa Úkimet tarapynan kór­se­­­ti­letin jeńildikter máselesin talqylady. Ásirese, forýmǵa qa­­tysýshylar áleýmettik jaǵ­daıǵa qatysty óz oılaryn aıt­ty. Olardyń kóbi Úkimet tur­ǵyn úı nemese tómen mólsherde nesıe alýǵa kómektesip, qoldaý kórse­t­se degen oılaryn bildirdi. «Qazir bizdiń ýnıversıtettiń myńnan asa stýdenti dıplom aly­symen aýylǵa baryp qyz­met etýge daıyn. Alaıda, «Dıp­lommen – aýylǵa!» baǵdar­la­ma­sy aıasynda agrarlyq salany bi­tirgen túlekterge eshqandaı je­ńildik qarastyrylmaǵany qyn­jyl­tady», – deıdi QazUAÝ-dyń jastar ákimshiliginiń tór­aıymy Juldyz Súleımenova. Onyń aıtýynsha, mádenıet, bilim, sport jáne taǵy basqa sa­lanyń mamandaryn aýylǵa tartýda kóptegen jeńildikter qa­ras­tyrylǵan. Al aýyl sharýa­shy­lyǵyna qajetti mamandar bul baǵdarlamadaǵy jeńil­dik­ten tysqary qalǵan. «Aýylǵa basqa maman ıelerin kóptep tart­qanymen, ondaǵy jaǵdaı túzelmeıdi. Sondyqtan aldy­men aýyl sharýashylyǵy maman­dyǵyn meńgergen jastarǵa qoldaý kórsetip, solardy kóp­tep tartý kerek», – deıdi ol. Gúlzeınep SÁDIRQYZY.