Qazaqstan Respýblıkasy Úkimetiniń qaýlysy № 87

2011 jylǵy 8 aqpan             № 87             Astana, Úkimet Úıi Qazaqstan Respýblıkasynyń Paıdaly qazbalar qory jónindegi memlekettik komıssııasy jáne paıdaly qazbalar qory jónindegi óńiraralyq komıssııalar týraly erejeni bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 12) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Qazaqstan Respýblıkasynyń Paıdaly qazbalar qory jónindegi memlekettik komıssııasy jáne paıdaly qazbalar qory jónindegi óńiraralyq komıssııalar týraly ereje bekitilsin. 2. Mynalardyń kúshi joıyldy dep tanylsyn: 1) «Qazaqstan Respýblıkasynyń jer qoınaýyn memlekettik saraptaý týraly erejesin bekitý týraly» Qazaqstan Respýblıkasy Úkimetiniń 1996 jylǵy 18 qazandaǵy № 1288 qaýlysy (Qazaqstan Respýblıkasynyń PÚAJ-y, 1996 j., № 43, 411-qujat); 2) «Qazaqstan Respýblıkasy Úkimetiniń 1996 jylǵy 18 qazandaǵy № 1288 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2005 jylǵy 29 qyrkúıektegi № 968 qaýlysy (Qazaqstan Respýblıkasynyń PÚAJ-y, 2005 j., № 36, 501-qujat). 3. Osy qaýly alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy 8 aqpandaǵy №87 qaýlysymen bekitilgen Qazaqstan Respýblıkasynyń Paıdaly qazbalar qory  jónindegi memlekettik komıssııasy jáne paıdaly qazbalar qory jónindegi óńiraralyq komıssııalar týraly ereje 1. Jalpy erejeler 1. Qazaqstan Respýblıkasynyń Paıdaly qaz­balar qory jónindegi memlekettik komıssııasy (budan ári – QR QMK) jáne paıdaly qazbalar qory jónindegi óńiraralyq komıssııalar (budan ári – QО́K) jer qoınaýyn memlekettik sarap­taýdy (budan ári – Saraptama) júzege asyrady. 2. QR QMK men QО́K qyzmetin uıymdastyrý, olardyń quramy, jumys reglamenti jáne is júrgizý osy Erejemen belgilenedi. 3. QR QMK jer qoınaýyn zerdeleý men paıdalaný jónindegi ýákiletti organnyń janynan qurylady jáne jumys isteıdi, QО́K Qazaqstan Respýblıkasy Indýstrııa jáne jańa tehnolo­gııa­lar mınıstrligi Geologııa jáne jer qoı­naýyn paıdalaný komıtetiniń óńiraralyq geologııa já­ne jer qoınaýyn paıdalaný departa­mentteriniń (budan ári – óńiraralyq departamentter) jany­nan qurylady jáne jumys isteıdi. 4. Keń taralǵan paıdaly qazbalardy qospa­ǵanda, QR QMK-niń quzyretine paıdaly qazba­lardyń barlyq túrleri boıynsha Saraptama ja­tady. QО́K-niń quzyretine keń taralǵan paı­da­ly qazbalardyń túrleri boıynsha Saraptama son­daı-aq QR QMK-niń Saraptamasyna kelip túsetin materıaldardy aldyn ala qaraý jatady. Munaı qorlary men munaı alý deńgeıin qos­pa­ǵanda, QR QMK-niń jeke tapsyrmalaryna sáı­kes komıssııanyń aýmaqtyq jaýapkershiligi sheginde naqty ken oryndary boıynsha paıdaly qaz­balardyń basqa túrlerine QО́K-nyń Sarap­tamasyna ruqsat beriledi. 2. QR QMK jáne QО́K-niń mindetteri men fýnksııalary 5. Negizgi mindetke sáıkes QR QMK jáne QО́K Saraptama barysynda: paıdaly qazbalar qorlarynyń sany, sapasy, quramy, tehnologııalyq jáne ózge de qasıetteri, sondaı-aq jer qoınaýynyń ózge de erekshelikteri týraly derekterdiń durystyǵyn; paıdaly qazbalardy óndirý jáne óndirýge baılanysty emes maqsatta jer qoınaýy ýchaskelerin paıdalaný sharttary úshin geologııalyq, ken-tehnıkalyq, gıdrogeologııalyq, ınjener­lik-geologııalyq, tehnıkalyq-ekonomıkalyq já­ne óz­ge de derekterdiń tolyqtyǵy men durystyǵyn; ken oryndaryn ázirleýdiń ekonomıkalyq tıimdiliginiń tehnıkalyq-ekonomıkalyq negizdemesin, kómirsýtek shıkizatyn alý koeffı­sı­entterin, mıneraldyq-shıkizattyq bazany ke­ńeıtý jónindegi qorytyndylar men usynys­tardy paıdalanýǵa arnalǵan qorlar men jer qoınaýy ýchaskeleriniń daıyndyǵy dárejesin; izdeý, barlaý, tájirıbelik-paıdalaný jáne jer qoınaýyn geologııalyq zerdeleý men baǵa­laý jónindegi ózge de jumystardyń nátıjeleri men sapasyn; paıdaly qazbalardyń ken oryndaryn joıý nemese konservasııalaýdyń paıdaly qazbalardy esepten shyǵarýdyń nemese qalǵan qorlardyń teńgerimdilik tıesililiginiń ózgertý negizdiligin aıqyndaıdy. 6. QR QMK jáne QО́K óz qyzmetinde júrgizýdegi Saraptamanyń sheginde mynadaı fýnksııalardy júzege asyrady: memlekettik teńgerimge qoıýǵa negiz bolyp tabylatyn barlanǵan paıdaly qazbalardyń qoryn ıgerýdiń rentabeldiligi týraly qory­tyndy beredi; paıdaly qazbalar qorynyń mólsheri men sapasyn, olardyń respýblıka ekonomıkasy úshin mańyzyn, óndirýdiń taý-ken tehnıkalyq, gıdrogeologııalyq, ekologııalyq jáne basqa da jaǵdaılaryna obektıvti baǵa beredi; kelisim-sharttyq aýmaqtaǵy barlaý nátı­je­sinde kommersııalyq tabý faktisin rastaıdy. 7. QR QMK jáne QО́K Saraptama, onyń ishinde aldyn ala Saraptama júrgizý barysynda: ortalyq memlekettik jáne jergilikti at­qa­rýshy organdardan, Geologııa jer qoınaýyn paıdalaný komıtetine vedomstvolyq baǵynystaǵy uıymdar men mekemelerden jáne jer qoınaýyn paılanýshylardan ózderine júktelgen mindetterdi oryndaý úshin qajetti aqparattardy, qu­jat­tardy jáne materıaldardy suratýy jáne alýy; Saraptama júrgizý kezinde óz quzyretiniń sheginde táýelsiz sarapshylar men sarapshy top­tardy tartýy; qajetine qaraı Saraptama júrgiziletin obek­tilerde kóshpeli otyrystardy ótkizýi; jer qoınaýyn paıdalanýshy quzyretti organ qoldanystaǵy kelisim-shartqa tıisti ózgerister engizgenge deıin, kelisim-sharttyq talaptarda kelisilgen jer qoınaýyn paıdalaný operasııa­la­ryn júrgizý merzimin buzǵan jaǵdaıda Sa­rap­tamaǵa berilgen materıaldardy keri qaıtarýy; óz quzyretine kiretin máseleler jóninde sheshimder qabyldaýy múmkin. 3. QR QMK jáne QО́K qyzmetin uıymdastyrý 8. QR QMK jáne QО́K-niń otyrystary qajettiligi boıynsha, biraq aıyna keminde bir ret ótkiziledi. 9. QR QMK jáne QО́K-niń otyrystary ju­mys jáne plenarlyq otyrystar bolyp bóli­nedi. Jumys babynda qaraý nátıjesi QR QMK nemese QО́K sheshiminiń jobasy bolyp taby­lady. QR QMK-niń nemese QО́K-niń plenarlyq otyrysynda saraptalatyn materıaldar boıyn­sha sheshim qabyldanady. 10. QR QMK jáne QО́K alqaly organdar bolyp tabylady. Sheshim otyrysqa qatysyp otyrǵan komıssııa músheleriniń basym daýsymen qabyldanady. Sheshimderdi qabyldaý kezinde daýystar teń bolǵanda tóraǵalyq etýshiniń daý­sy sheshýshi bolyp tabylady. 11. Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıtetiniń Jer qoınaýynyń saraptamasy basqarmasy QR QMK-niń jumys organy bolyp tabylady. Qaraýǵa kelip túsken materıal­dar­dyń salalyq baǵyty boıynsha tıisti óńir­ara­lyq departamentterdiń mamandarynan quryla­tyn jumys toptar QО́K-niń jumys organdary bolyp tabylady. 12. QR QMK jáne QО́K otyrystaryna ko­mıssııanyń músheleri bolyp tabylmaıtyn laýa­zymdy tulǵalar shaqyrylýy múmkin. 13. QR QMK-niń tóraǵasy onyń qyzmetin basqarady, ádistemelik basshylyqty júzege asy­rady jáne QО́K-niń qyzmetine jetekshilik etedi. Tóraǵasy joq bolǵanda onyń mindetin QR QMK tóraǵasynyń orynbasary atqarady. 14. QО́K tóraǵalary tıisti óńiraralyq komıssııanyń qyzmetin basqarady. 15. Ortalyq memlekettik jáne jergilikti atqarýshy organdar QR QMK-ge jáne QО́K-ge júktelgen mindetterdi oryndaýda olarǵa kómek kórsetedi. 16. QR QMK men QО́K-niń ǵylymı hatshy­lary Saraptamaǵa materıaldardyń qabyldaýyn uıymdastyrady jáne olardy komıssııalardyń plenarlyq otyrystaryna daıyndaıdy. 17. Saraptamanyń nátıjeleri paıdaly qazba qorlaryn bekitý týraly, qorlardy sanattar boıynsha bólý, tájirıbelik-ónerkásiptik óndi­rý­diń merzimderi, kómirsýtekti shıkizattardy esepten shyǵarý, jer qoınaýy týraly aqparatty ónerkásiptik, ǵylymı jáne basqa maqsattarda qoldaný múmkindikteri, usynystar, sondaı-aq QR QMK men QО́K-nyń quzyretine jatatyn ózge de máseleler boıynsha sheshimder kórinis tabatyn hattamamen resimdeledi. 18. Saraptamanyń nátıjelerin kórsetetin hattamaǵa otyrystaǵy tóraǵalyq etýshiniń bu­ryshtamasy jáne QMK nemese QО́K-niń barlyq qatysqan músheleriniń qoldary qoıylady. 4. QR QMK-niń jáne QО́K-niń quramy 19. QR QMK jáne QО́K quramy tóraǵadan, onyń orynbasarlarynan, ǵylymı hatshydan jáne komıssııalar múshelerinen qurylady. 20. QR QMK tóraǵasy laýazymy boıynsha Qazaqstan Respýblıkasy Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıtetiniń orynbasary bolyp tabylady. QR QMK tóraǵasynyń QR QMK tóraǵasy joq bolǵan merzimde QR QMK-nyń quzyreti sheginde qujattarǵa qol qoıý quqyǵyn ıelenetin orynbasary bar. 21. QR QMK tóraǵasynyń orynbasary QR QMK jumys organynyń basshysy bolyp tabylady. 22. Tıisti óńiraralyq departamentterdiń bas­shylary QО́K tóraǵasy bolyp tabylady. QО́K tóraǵasynyń orynbasarlary geologııa má­se­leleri boıynsha tıisti óńiraralyq depar­ta­ment­terdiń basshylarynyń orynbasarlary bo­lyp tabylady. 23. Komıssııa músheleri jer qoınaýyn zertteý jáne paıdalaný jónindegi ýákiletti organ­nyń jáne onyń aýmaqtyq bólimsheleriniń geolo­gııalyq mamandyqtary bar bilikti qyzmet­ker­leri bolyp tabylady. QR QMK jáne QО́K-niń jeke quramy jer qoınaýyn zertteý jáne paıdalaný jónindegi ýákiletti organnyń buıryǵymen bekitiledi. 5. QR QMK men QО́K-niń jumys reglamenti jáne is qaǵazdaryn júrgizý 24. QR QMK men QО́K-niń kezekti jylǵa arnalǵan jumys jospary jer qoınaýyn paıda­anýshylardyń ótinishteri negizinde qalyptas­tyrylady. 25. Jer qoınaýyn paıdalanýshylar Sarap­tamaǵa esep materıaldaryn usyný merzimin kórsetýmen ótinimderdi tıisti óńiraralyq departamentke josparlanatyn jyldyń 20 qań­taryna deıingi merzimde jiberedi. 26. О́ńiraralyq departamentter josparla­na­tyn jyldyń 30 qańtaryna deıingi merzimde QR QMK atyna jer qoınaýyn paıdalanýshylardyń ótinishi boıynsha jıyntyq málimetterdi jiberedi. 27. QR QMK jumysynyń jıyntyq jos­pa­ryn QR QMK tóraǵasy bekitedi. QО́K jıyntyq josparlaryn olardyń tóraǵalary bekitedi. 28. Josparlanatyn jyldyń 20 qańtarynan keıingi túsken jer qoınaýyn paıdalaný­shy­lardyń ótinimderi QR QMK-de jáne QО́K-de tirkeledi. Atalǵan materıaldarǵa Saraptama myna túrde júrgiziledi: birinshi kezekte jıyntyq jumys josparyna sáıkes materıaldar qarastyrylady; ekinshi kezekte bekitilgen tártippen ótinim berilgen materıaldar usynylmaǵanda, jospar­la­natyn jyldyń 20 qańtarynan keıin kelip tús­ken ótinimder boıynsha materıaldar qaras­ty­rylady. 29. Jer qoınaýyn paıdalaný quqyǵy bar jeke nemese zańdy tulǵa geologııalyq zerdeleý jáne jer qoınaýyn ıgerý boıynsha oryndalǵan jumystar týraly materıaldardy Saraptamaǵa esep túrinde usynady. Saraptamaǵa usyny­la­tyn geologııalyq aqparatqa qoıylatyn talap­tar­dy paıdaly qazbalar qorlaryn baǵalaýdyń dáldigi men tolyqtyǵy, ken oryndardyń zerdelengendigi, geologııalyq barlaý jumystarynyń tıimdiligi týraly aqparattardy qosa alǵanda ındýstrııalyq saıasat salasyndaǵy ýákiletti organ belgileıdi. 30. Jer qoınaýyn paıdalanýshy materıal­dardy - keminde eki danada, esepke qosymsha berilgen anyqtamalar men táýelsiz sarap­shy­lar­dyń saraptaý qorytyndylaryn - keminde tórt danada Saraptamaǵa jiberedi. Sonymen qatar, jer qoınaýyn paıdalanýshy táýelsiz sarap­shylardy qyzmetkerlermen jáne saraptama júrgizý ýaqytynda oǵan tikeleı baılanysty (talap etý boıynsha) qosymsha materıaldarmen qamtamasyz etedi. 31. QR QMK-niń qaraýyna túsetin materıaldar aldyn ala tıisti QО́K-de qaralady jáne onyń qorytyndysy qosa jiberiledi. 32. Saraptamaǵa kelip túsken materıaldardy ǵylymı hatshy qoldanystaǵy belgilengen zań­na­malyq talaptarǵa sáıkestigi nysanyna baǵalaıdy. 33. Usynǵan materıaldar belgilengen ta­lap­tarǵa sáıkes bolǵan kezde, olardy ǵylymı hat­shy tirkeıdi, odan keıin saraptamaǵa qabyl­dan­ǵan bolyp sanalady, bul týraly jer qoınaýyn paıdalanýshyǵa jazbasha túrde habarlanady. 34. QR QMK-niń nemese QО́K-niń múshe­lerine tirkeý boıynsha materıaldardyń kelip túsýi týraly ǵylymı hatshy málimdeıdi. 35. QR QMK-niń nemese QО́K-niń qaraýyna túsken jáne belgilengen tártippen tirkelgen materıaldar komıssııa tóraǵasynyń orynbasa­ry­na beriledi, ol kelip túsken materıaldardyń sa­lalyq baǵytyna qaraı komıssııa músheleriniń ishinen saraptama júrgizýge jaýaptylardy an­yqtaıdy. 36. Saraptama táýelsiz sarapshylar men sa­rapshy toptardy tartý arqyly materıaldar tirkelgen kúninen bastap úsh aı merzimde júr­giziledi. Asa kúrdeli ne kólemi úlken mate­rı­aldardy qaraǵan jaǵdaıda Saraptamany júrgi­zý merzimi komıssııa tóraǵasynyń sheshimi boı­ynsha uzartylýy múmkin. Táýelsiz saraptamany júr­gizý shyǵyndaryn, sarapshylardyń qyzmet­tik min­detterin oryndaýǵa baılanysty issapar shy­ǵys­taryn jer qoınaýyn paıdalanýshy óteıdi. 37. Tıisti salalardyń bilikti mamandary táýelsiz sarapshylar bolyp tabylady. Táýelsiz sarapshylardyń jáne sarapshy toptardyń tizimin QR QMK tóraǵasynyń usynýy boıynsha jer qoınaýyn zertteý jáne paıdalaný jónin­degi ýákiletti organ bekitedi. 38. Táýelsiz sarapshylardyń materıaldardy qaraý merzimi materıaldardy tirkeý kezinen bastap eki aıǵa deıingi merzimdi quraýy múmkin jáne komıssııa tóraǵasynyń sheshimi boıynsha asa kúrdeli ne mólsheri kóp materıaldardy qaraǵan jaǵdaıda, tórt aıdan aspaıtyn merzimge uzartylýy múmkin. 39. QR QMK-niń nemese QО́K-nyń Sarap­ta­masyn júrgizý kezinde táýelsiz sarapshylardyń kandıdatýralaryn, saraptamanyń túrleri men sanyn usynylǵan materıaldar boıynsha komıssııa orynbasarynyń usynýy boıynsha tóraǵa bekitedi. 40. Táýelsiz sarapshylardyń qorytyndy­la­ryn alǵannan jáne komıssııanyń jaýapty mú­she­leri materıaldardy zerttegennen keıin jer qoınaýyn paıdalanýshy ókilderiniń, esep av­torlarynyń, táýelsiz sarapshylardyń jáne shaqyrylǵan mamandardyń qatysýymen QR QMK-niń nemese QО́K-niń jumys otyrysy ótkiziledi. Qajet bolǵan jaǵdaıda QR QMK-niń jumys otyrysyna tıisti QО́K-niń músheleri shaqyrylady. 41. QR QMK-niń jumys otyrystary QR QMK tóraǵasy orynbasarynyń, al ol joq bolǵanda komıssııanyń Saraptama ótkizýge ja­ýapty múshesiniń tóraǵalyq etýimen júrgiziledi. QО́K-niń jumys otyrystaryna QО́K tóraǵa­synyń orynbasary tóraǵalyq etedi. Jumysty qaraý nátıjesi QR QMK nemese QО́K sheshimniń jobasy bolyp tabylady. 42. Komıssııalardyń plenarlyq otyrystary QR QMK nemese QО́K tóraǵasynyń tóraǵalyq etýimen ótkiziledi. Tóraǵa bolmaǵan jaǵdaıda otyrysty onyń orynbasary júrgizedi. 43. Plenarlyq otyrys ótkizilgenge deıin úsh kún buryn ǵylymı hatshy QR QMK-niń nemese QО́K-niń múshelerine qaralatyn obekt boı­ynsha materıaldardyń negizgi mazmuny qysqasha túrde kórsetilgen avtorlyq anyqtamany tanysý úshin beredi. QR QMK nemese QО́K múshesiniń talaby boıynsha oǵan táýelsiz sarapshylardyń qorytyndylary jáne ózge materıaldar usynylady. 44. Eger QR QMK-niń nemese QО́K-niń ple­narlyq otyrysyna komıssııa músheleriniń jal­py sanynyń keminde jartysy qatysqan jaǵ­daıda, ol zańdy dep sanalady. QR QMK-niń nemese QО́K-niń músheleri óziniń otyrysqa qatysý jónindegi ýákilettigin basqa tulǵaǵa berýge quqyǵy joq. 45. Plenarlyq otyrystarda sheshimder onyń músheleri daýsynyń kópshiligimen qabyldanady. 46. Sheshim qabyldaýda komıssııa músheleri teń daýysqa ıe bolady. Daýystar teń bolǵan jaǵdaıda tóraǵalyq etýshi daýys bergen sheshim qabyldandy dep sanalady. 47. Qabyldanǵan sheshimge kelispeıtin QR QMK-niń nemese QО́K-niń músheleri erekshe pikir bildirýge quqyǵy bar. Erekshe pikir onyń negizdemesi bar jeke qujatpen resimdeledi jáne qaralatyn materıaldarǵa qosa beriledi. 48. QR QMK nemese QО́K tóraǵasynyń, al ol joq bolǵan kezde orynbasarynyń tapsyrmasy boıynsha sheshimniń jobasy syrttaı daýys berý tártibimen komıssııa múshelerine jiberilýi múmkin. 49. Komıssııa músheleriniń syrttaı daýys berýge arnalǵan merzimi daýys berý úshin joba boıynsha materıaldardy taratqan kúnnen bastap úsh jumys kúninen aspaýǵa tıis. Syrttaı daýys berý merzimi aıaqtalǵansha komıssııa mú­she­leri ǵylymı hatshyǵa ózderiniń pikirin bildiretin jazbasha jaýaptardy jiberedi. Kórse­tilgen merzimde jazbasha jaýap usynbaǵan jaǵ­daıda, komıssııa múshesi qabyldanǵan joba sheshimine daýys berdi dep sanalady. Eger joba boıynsha komıssııa músheleriniń jalpy sany­nyń kópshiligi daýys bergen jaǵdaıda, syrttaı daýys berý ótti dep sanalady. Qaýly jobasy boıynsha syrttaı daýys berýdiń nátıjeleri hattamamen resimdeledi. 50. QR QMK nemese QО́K-nyń plenarlyq otyrysynyń hattamasy otyrys ótken kúnnen bastap on tórt jumys kúni ishinde jasalady. Hattamada Saraptamaǵa usynylǵan materıaldar týraly málimetter, saraptama barysynda anyq­talǵan eskertýler, QR QMK nemese QО́K sheshimi jáne olardyń usynystary qamtylady. 51. QR QMK plenarlyq otyrysynyń hat­tamasy bir aı merzimde tıisti óńiraralyq departamentke jáne «Qazgeoaqparat» respýblıkalyq geologııalyq aqparat ortalyǵynyń (budan ári «Qazgeoaqparat» RGAO) qoryna jiberiledi. Saraptamadan ótken materıaldardy «Qazgeoaq­pa­rat» RGAO geologııalyq qoryna turaqty saq­taý­ǵa tapsyrý týraly habarlandyrýdyń kóshir­me­sin alǵannan keıin ǵylymı hatshy jer qoı­naýyn paıdalanýshyǵa QR QMK-niń plenarlyq otyry­synyń hattamasyn eki apta merzimde jiberedi. 52. QО́K-niń plenarlyq otyrystarynyń hat­tamalary bir aı merzimde «Qazgeoaqparat» RGAO geologııalyq qoryna, sondaı-aq keminde bir toqsanda bir ret QR QMK-ge jiberiledi. Ǵylymı hatshy Saraptamadan ótken mate­rıal­dardy tıisti óńiraralyq departamenttiń geolo­gııa­lyq qoryna turaqty saqtaýǵa berý týraly habarlandyrýdyń kóshirmesin alǵan kezden bastap eki apta merzim ishinde jer qoınaýyn paı­dalanýshyǵa QО́K-niń plenarlyq otyrysynyń hattamasyn jiberedi. 53. Saraptamadan ótken materıaldarǵa esep oryndaýshylary plenarlyq otyrysta qabyl­dan­ǵan, jáne QR QMK-niń nemese QО́K-niń hat­tamasynda kórinis tapqan qajetti tolyqtyrýlar men túzetýler engiziledi. 54. Engizilgen túzetýlerdiń sáıkestigin usy­nyl­ǵan materıaldardy saraptaýdan ótkizýge ja­ýapty tulǵalar tekseredi, esep oryndaý­shy­lar­dyń, eskertýler jónindegi táýelsiz sarapshy­lar­dyń jáne QR QMK-niń nemese QО́K-niń jumys organy mamandarynyń qoldary qoıylǵan aktimen kýálandyrylady. 55. Saraptamadan ótken materıaldarǵa tıisti ózgertýler men tolyqtyrýlar engizilgennen keı­in, sondaı-aq olardy qosymsha túzetýlersiz qabyldaǵan jaǵdaıda Saraptamadan ótkenin kýálandyratyn mórtaban qoıylady. 56. Qabyldanǵan qorlardyń sanattary, hat­ta­manyń nómiri, plenarlyq otyrys ótkizilgen ýaqyty, sondaı-aq saraptalatyn materıal­dar­dyń qaralýyna jaýapty tulǵanyń qoly mórta­ban­da kórinis tabady. Mórtaban esep mátininiń tıtýl paraǵynda jáne grafıkalyq qosym­sha­larda qorlardyń bloktalǵany men sanattarǵa bólingenin kórsetetin ár paraqta qoıylady. 57. Eger saraptalatyn materıaldarǵa jasal­ǵan Saraptamanyń nátıjesi boıynsha QR QMK-den nemese QО́K-den teris qorytyndy alynsa, jer qoınaýyn paıdalanýshy hattamada baıan­dal­ǵan eskertýler men usynystardy eskere otyryp pysyqtaǵan jaǵdaıda materıaldardy qaıtadan Saraptamaǵa usyna alady.