Aýdarmatanýdyń ózekti máseleleri

Keshe L.N.Gýmılev atyndaǵy Eýrazııa ulttyq ýnıversıtetinde «Memlekettik til jáne aýdarma­taný­dyń ózekti má­sele­leri» atty respýblıkalyq ǵyly­mı-teorııa­lyq konferensııa ótti. Ony Má­denıet mı­nıstrliginiń Til komıteti, Sh.Shaıah­metov atyn­daǵy til­derdi damy­tý­dyń respýb­lıka­lyq úıles­tirý-ádistemelik or­ta­ly­ǵy men L.N. Gý­mılev atyn­daǵy Eýrazııa ulttyq ýnıversıteti uıymdastyrdy. Atalǵan sharany Mádenıet mınıstrligi Til komıtetiniń tóraǵasy Baýyrjan Omarov, sondaı-aq Eýrazııa ulttyq ýnıversıtetiniń pro­rektory Zııabek Qabyldınov qut­tyqtaý sózben ashty. Memlekettik til quzyrettili­gin arttyrý jáne jalpy til bilimi men aýdarmataný salasynyń ózekti máselelerin zamanaýı talap-meje turǵysynan baǵamdap, ǵylymı-teorııalyq oılardy sa­raptaýdy, tájirıbe almasýdy maq­sat etken konferensııa jumy­syna negizinen óz elimizdiń, Tatarstan, Chývash respýblıka­lary­nyń ǵalymdary qatysty. Jıynnyń plenarlyq májili­sinde memlekettik tildi oqytý­daǵy ınnovasııalyq tehnologııalar men qazirgi til bilimindegi ja­ńa baǵyt­tar jáne aýdarma­taný­dyń ózekti má­seleleri jóninde Tatarstan Res­pýb­lıkasy Ǵylym akade­mııasynyń akademıgi M.Zakıev, Reseı gýma­nı­­tar­lyq ǵylymdar akademııa­sy­nyń akademıgi, professor Iý.Mı­nnegýlov, A.Baıtur­synuly atyn­daǵy Til bilimi ıns­tıtýtynyń dı­rektory, professor Sh.Qurman­baıuly, Chývash memlekettik ýnı­versıtetiniń profes­sory N.Egorov, sondaı-aq, «Egemen Qa­zaq­stan» respýblıka­lyq gazeti» aksıonerlik qoǵamy­nyń pre­zıdenti, fılologııa ǵylym­da­ry­nyń dok­tory S.Abdrahmanov syndy til bilimi jáne aýdarmataný sala­synda eńbek etip júrgen ǵa­lym zertteýshiler baıandama jasady. Konferensııa jumysy «Memlekettik tildi oqytýdaǵy ınno­vasııa­lyq tehnologııalar» já­ne «Qazir­gi til bilimindegi ja­ńa baǵyttar jáne aýdar­ma­tanýdyń ózekti máse­leleri» atty seksııa­lyq májilis­terge jal­ǵasty. Máselen, «Memlekettik tildi oqytýdaǵy ınnovasııalyq tehnologııalar» atty seksııada memlekettik til týraly zańnyń jańa jo­ba­sy jáne halyqaralyq termınder aýdarmasynyń erekshelikteri, qa­zaq tiliniń qoldanylý aıasyn ke­ńeı­týdegi ilespe aýdar­manyń róli, álem keńistigindegi qazaq tili, ono­mastıkalyq ataý­lardy standarttaý jáne normalaý máseleleri, stýdentterdi q­a­zaq­sha sóıleýge úı­retýde termı­no­lo­gııa­lyq sózdik­tiń atqarar róli jaıynda keń aý­qymda áńgi­me qozǵaldy. Al «Aý­darma­taný­dyń ózekti másele­leri» atty seksııada ǵalymdar aýdarmashy­lar­dyń tehnı­kasy men sheber­ligi­niń erte zamannan qazirge deıingi qalyp­tasý úde­risteri, aýdarma­shy­nyń qyzmet­tik ádebi, aýdarma­lar­dy saraptaý jú­ıesi, aýdarmataný­dyń ózekti máse­leleri, resmı qu­jat aýdar­ma­syn­daǵy termın­derdiń kóri­nisi, son­daı-aq, qazaq aýdar­ma­tanýyndaǵy perspektıva­lary jó­ninde sóz boldy. «Egemen-aqparat».