О́nerkásiptik óńirdi órge bastyrý úshin

Keshe Premer-Mınıstr Kárim Másimov Jezqazǵan óner­ká­sip­tik óńirin damytý perspektıvalary jóninde keńes ótkizdi, dep ha­bar­lady Premer-Mınıstrdiń baspasóz qyzmeti. Qaraǵandy oblysynyń ákimi S.Ahmetov óńirdegi aǵymdaǵy jaǵdaı jáne damý perspek­tı­valary týraly baıandama jasady. Ony talqylaýǵa Premer-Mınıstrdiń birinshi orynbasary О́.Shókeev, Ekonomıkalyq damý jáne saýda mınıstri Q.Kelimbetov, Bilim jáne ǵylym, Den­saý­lyq saqtaý, Kólik jáne kommýnıkasııa mınıstrleri, Qurylys jáne turǵyn úı-kommýnaldyq sharýashylyq isteri agenttiginiń tóraǵasy, Indýstrııa jáne jańa tehnologııalar, Aýyl sharýa­shy­ly­ǵy, Qarjy vıse-mınıstrleri, sol sııaqty «Qazaqmys» korpora­sııasy» JShS basqarma tór­aǵasy E.Ogaı qatysty. Keńeste Jezqazǵan óńiriniń mıneraldy-shıkizat bazasyn, ken óndirý ónerkásibi men metallýrgııa óndirisin odan ári damytý, sondaı-aq memlekettik údemeli ındýstrııalyq-ınnovasııalyq damý baǵdarlamasy sheńberindegi jobalardy jáne kólik ınfra­qu­rylymyn, áleýmettik salany, tur­ǵyn úı-kommýnaldyq sharýa­shy­lyqty jańǵyrtý jobalaryn damytý qajettigi atap ótildi. Keńes qorytyndysynda K.Má­simov Ekonomıkalyq damý jáne saýda mınıstri Q.Kelimbetov basqaratyn, múddeli mınıstrlikter men vedomstvolar bas­shy­lary, Qaraǵandy oblysy ákimdigi jáne damý ınstıtýttary basshylarynan qurylǵan arnaıy jumys tobyn qurýdy tapsyrdy. Atalmysh top bir aı ishinde keńeste qaralǵan máselelerdi oı eleginen ótkizip, olar boıynsha usynystar túsirýi tıis.