Úsh jyldyq jobaǵa – 33 mıllıon dollar

Keshe Májilis Tóraǵasy Oral Muhamedjanovtyń jetekshiligimen  palatanyń kezekti jalpy otyrysy bolyp ótti. Depýtattar kún táribine shyǵarylǵan on eki máseleni qarady. Elimiz ben Halyqaralyq Qaı­ta qurý jáne damý banki ara­syn­daǵy Qaryz týraly kelisimdi (Teh­nıkalyq jáne kásiptik bilim berýdi jańǵyrtý jobasy) ratıfıkasııalaý týraly zań jobasyn depýtattarǵa Bilim jáne ǵylym mınıstri Baqytjan Jumaǵulov tanystyrdy. Kelisimge 2010 jyl­dyń 24 qarashasynda qol qoıyl­ǵan. Al jobanyń ózi úsh quramdas bólikten turady. Alǵashqysy ult­tyq jáne salalyq biliktilik shekterin qurý men 147 mamandyq boı­ynsha kásiptik standarttaryn jaqsartýdy kózdeıdi. Ulttyq, 14 salalyq jáne 16 óńirlik keńes­ter­ge jumys berýshilerdi qatys­ty­rýdy qamtamasyz etý qaras­ty­rylǵan. Osy rette oqý oryndary basshylarynyń menedjmentin ja­ńartý tehnologııasyna oqytý da qolǵa alynary belgili bolyp otyr. Tehnıkalyq kásiptik bilim berý oqý oryndarynyń materıal­dyq-tehnıkalyq bazasyn nyǵaı­tý úshin 350 myń AQSh dollary bolatyn 68 grant bólinbek.  So­ny­men qatar, 147 kásiptik bilim berý standarttary men 940 oqý baǵdarlamalaryn jańartý nazardan tys qalmaǵan. Jobany tolyq júzege asyrý quny 33,2 mıllıon AQSh dollaryna (4,9 mıllıard teńge) baǵalansa, syrtqy qaryz esebinen 24 mıllıon AQSh dol­lary (4,4 mıllıard teńge) jáne respýblıkalyq bıýdjetten 4,2 mıllıon dollar (597,8 mıllıon teńge) qarastyrylypty. Jobany júzege asyrý 3 jylǵa josparlansa, qaryzdy óteý 4 jyldyq jeńildikpen 15 jylǵa berilipti. Qaryzdyń ústemesi jyldyq eseppen 1,5 paıyzdy quraıdy. Mınıstrdiń paıymynsha, atalǵan jobany júzege asyrý eńbek pen bilim salalaryn tyǵyz baıla­nys­tyrýǵa múmkindik beredi. Joba kadrlar daıarlaýdyń tıimdi júıe­sin quryp qana qoımaı, ekono­mı­kaǵa qajetti bilikti ma­mandarǵa degen suranysty qam­tamasyz etedi. Depýtattar atal­ǵan zań jo­basyn biraýyzdan ma­qul­dady.  Halyqtyń kóshi-qony týraly  zań jobasy jáne  oǵan ilespe zań­dyq qujat ekinshi oqylymda ma­quldandy. Zań jobasy elimizge turaqty turý úshin kelgen etnos­tyq qazaqtar men olardyń ot­ba­sylary, shetelderden kelgen otandastarymyz ben olardyń ot­ba­sylaryn, sondaı-aq ekonomı­ka­lyq bolashaǵy joq jáne eko­logııalyq qolaısyz óńirlerde tu­ra­tyn azamattardy ózge jerlerge utymdy qonystandyrýdy, jaı­ǵa­sýǵa járdemdesýdi jáne áleý­met­tik qoldaýdy qarastyrady. Depýtattar B.Tileýhan, N.О́nerbaı, A.Smaıyl, Ý.Qalıjan jáne N.Sa­bılıanov usynǵan oralmandar men olardyń otbasylary quqyq­taryna qatysty túzetýlerge Úki­met oń qorytyndysyn bergeni belgili boldy. Depýtattar zań jobasyn biraýyzdan maquldady. Sondaı-aq keshegi otyrysta Qazaqstan Úkimeti men Reseı Úki­meti arasyndaǵy «Baıqońyr» keshenin jalǵa berý shartyna óz­geris engizý týraly hattamany ratıfıkasııalaý týraly zań jobasy da qaralyp, qoldaý tapty. Eger soltústik kórshimizdiń ǵarysh aı­laǵy personaldary, quqyq qor­ǵaý organdary men memlekettik bılik qyzmetkerleri men olar­dyń otbasy músheleri «Baı­qo­ńyr­dan» tys jerde áskerı qyl­mystar men quqyq buzýshy­lyq­tar jasasa, olarǵa Reseıdiń zańy negizinde jaza qoldaný qaras­ty­rylǵan. Keshegi jalpy oty­rys­qa shy­ǵarylǵan jumyspen qam­tý, qylmystyq is júrgizý, ruqsat berý júıesin jetildirý jáne ózge de máselelerge quryl­ǵan zań jobalarynyń barlyǵy da qoldaý taýyp, maquldanǵanyn aıta ketý kerek. Asqar TURAPBAIULY.